- राज्य सरकारने वडाळा ते गेटवे ऑफ इंडिया या नवीन मेट्रो मार्गिकेची 23,487 कोटी रुपयांच्या खर्चाने घोषणा केली आहे
- नवीन मेट्रो मार्ग 17.5 किलोमीटर लांब असून त्यातील जास्त भाग भूमिगत स्वरूपाचा असेल
- या प्रकल्पामुळे उपनगरातून दक्षिण मुंबईत जाणाऱ्या लाखो प्रवाशांचा प्रवास वेगवान, आरामदायक आणि प्रदूषणमुक्त होईल
Wadala To Gateway Of India Metro: मुंबईच्या वाहतुकीचे चित्र पूर्णपणे बदलून टाकणारा एक महत्त्वाकांक्षी निर्णय राज्य सरकारने घेतला आहे. मुख्यमंत्री देवेंद्र फडणवीस यांच्या नेतृत्वाखाली 23,487 कोटी रुपयांच्या खर्चाच्या 'वडाळा ते गेटवे ऑफ इंडिया' या नवीन मेट्रो मार्गिकेची घोषणा करण्यात आली हे. या प्रकल्पामुळे उपनगरातून थेट दक्षिण मुंबईत जाणाऱ्या लाखो प्रवाशांचा प्रवास आता अधिक वेगवान, सुखकर आणि प्रदूषणमुक्त होणार आहे.
प्रकल्पाची वैशिष्ट्ये आणि व्याप्ती | Wadala To Gateway Of India Metro News
हा नवा मेट्रो मार्ग एकूण 17.5 किलोमीटर लांबीचा असेल. विशेष म्हणजे मुंबईतील वाढती गर्दी आणि उपलब्ध जागेचा अभाव लक्षात घेता, या मार्गाचा बहुतांश भाग भूमिगत (Underground New Metro) असणार आहे. वडाळा या महत्त्वाच्या जंक्शनला थेट गेटवे ऑफ इंडिया या ऐतिहासिक स्थळाशी जोडल्यामुळे, मध्य मुंबई आणि दक्षिण मुंबईतील प्रवासाचे अंतर अवघ्या काही मिनिटांवर येणार आहे.
(नक्की वाचा: Pune News: पुणे-नाशिक रेल्वे मार्गात बदल? शेतकऱ्यांच्या जमिनीचं काय? बैठकीत राधाकृष्ण विखे-पाटील काय म्हणाले)
Photo Credit: NDTV Marathi
मुंबईकरांची वाहतूक कोंडीतून मोठी सुटका
सध्या वडाळा आणि दक्षिण मुंबईदरम्यान प्रवास करण्यासाठी रस्ते वाहतुकीवर मोठा ताण येतो. वर्दळीच्या वेळेस या प्रवासाला तास-न्-तास लागतात. मात्र मेट्रोच्या या नवीन टप्प्यामुळे रस्ते वाहतुकीवरील भार लक्षणीयरित्या कमी होईल. यामुळे केवळ इंधनाची बचत होणार नाही, तर मुंबईकरांचा वेळही वाचणार आहे.
(नक्की वाचा: FASTag Annual Pass: 3000 रुपये विसरा, राष्ट्रीय महामार्गावर प्रवास करणं आणखी महागणार; टोल पासची नवी किमत जाणून घ्या)
आधुनिक पायाभूत सुविधांचा विकास | Wadala To Gateway Of India Metro News In Marathi
या प्रकल्पाची घोषणा करत मुख्यमंत्र्यांनी 'विकसित मुंबई'चा संकल्प अधोरेखित केला आहे. 23,487 कोटी रुपयांची ही गुंतवणूक मुंबईच्या पायाभूत सुविधांना जागतिक स्तरावर नेण्यासाठी एक मोठे पाऊल मानली जात आहे. आधुनिक तंत्रज्ञान, जलद गती आणि पर्यावरणपूरक प्रवास ही या मेट्रोची प्रमुख ओळख असेल. या प्रकल्पामुळे मुंबईच्या रिअल इस्टेट क्षेत्रालाही (Mumbai News) चालना मिळण्याची शक्यता आहे. वडाळा (Wadala News) आणि आसपासच्या परिसराचा कायापालट होणार असून, दक्षिण मुंबईशी असलेली कनेक्टिव्हिटी वाढल्याने सर्वसामान्यांचे जीवनमान उंचावण्यास मदत होणार आहे.
Photo Credit: NDTV Marathi
Track Latest News Live on Marathi.NDTV.com and get news updates from India and around the world
