Mumbai Water Cut: एम पूर्व व एम पश्चिम विभागातील पाणीपुरवठ्यामध्ये सुधारणा करण्यासाठी बृहन्मुंबई महानगरपालिकेमार्फत विविध उपाययोजना राबविण्यात येत आहेत. या अंतर्गत गुरुवार, दिनांक १२ फेब्रुवारी २०२६ रोजी मध्यरात्री २ वाजेपासून शुक्रवार, दिनांक १३ फेब्रुवारी २०२६ रोजी सकाळी ८ वाजेपर्यंत अत्यावश्यक कामे हाती घेण्यात येणार आहेत. या कार्यवाहीदरम्यान एम पूर्व विभागातील काही भागांतील (प्रभाग क्रमांक १४६, १४७ व १४८) तसेच एम पश्चिम विभागातील काही भागांतील (प्रभाग क्रमांक १५४ व १५५) पाणीपुरवठा एकूण ३० तासांसाठी पूर्णतः बंद राहणार आहे.
मुंबईत पाणीपुरवठा बंद..
एम पूर्व व एम पश्चिम विभागातील पाणीपुरवठा अधिक सक्षम करण्यासाठी तुर्भे निम्नस्तरीय जलाशय येथे १२०० मिलिमीटर व्यासाच्या आवक जलवाहिनीवर १२०० मिलिमीटर व्यासाचे जलद्वार बसविण्यात येणार आहे. तसेच, तुर्भे निम्नस्तरीय जलाशयास पाणीपुरवठा होणाऱ्या १२०० मिलिमीटर व्यासाच्या आवक जलवाहिनीचे टनेल शाफ्टला (AMT-II) जोडणाऱ्या १२०० मिलिमीटर व्यासाच्या जलजोडणीची कार्यवाही केली जाणार आहे. यामुळे एम पूर्व आणि एम पश्चिम विभागातील काही भागांत पाणीपुरवठा बंद राहणार आहे.
Mobile Apps: मुंबईत जगणं सोपं करतील हे 7 अॅप्स; वेळ तर 100 टक्के वाचेल
एम पूर्व आणि एम पश्चिम विभागातील नागरिकांनी खबरदारीचा उपाय म्हणून पाण्याचा आवश्यक साठा करून ठेवावा. दुरुस्तीच्या कालावधीत काटकसरीने पाणी वापरावे. तसेच खबरदारीचा उपाय म्हणून पुढील ३ दिवस पाणी उकळून-गाळून प्यावे. महानगरपालिकेस सहकार्य करावे, असे आवाहन बृहन्मुंबई महानगरपालिका प्रशासनाच्या वतीने करण्यात येत आहे.
पाणीपुरवठा बंद राहणारा परिसर
एम पूर्व विभाग
१) एच. पी. सी. एल. रिफायनरी, एच. पी. सी. एल. वसाहत, वरुण बेव्हरेजेस, बी. ए. आर. सी., गव्हाणपाडा, इंडियन ऑईल कंपनी लिमिटेड, बी. पी. सी. एल. वसाहत, टाटा वसाहत, नित्यानंद बाग, राणे चाळ (नियमित पाणीपुरवठा २४ तास) (दिनांक १२ फेब्रुवारी २०२६ रोजी मध्यरात्री २ ते दिनांक १३ फेब्रुवारी २०२६ रोजी सकाळी ८ वाजेपर्यंत पाणीपुरवठा राहणार बंद)
२) आर. सी. एफ. कॉलनी (नियमित पाणीपुरवठा २४ तास) (दिनांक १२ फेब्रुवारी २०२६ रोजी मध्यरात्री २ ते दिनांक १३ फेब्रुवारी २०२६ रोजी सकाळी ८ वाजेपर्यंत पाणीपुरवठा राहणार बंद)
३) जुनी रिफायनरी क्षेत्र, भारत नगर, जे. प्लॉट, हशू अडवाणी नगर, आणिक गाव, एम. ए. सी. बी. वसाहत, सह्याद्रीनगर, आर. एन. ए. उद्यान, म्हाडा वसाहती, रॉकलाईन इमारती, विष्णू नगर, व्हिडिओकॉन इमारती, एस. जी. केमिकल इमारती, प्रयागनगर (नियमित पाणीपुरवठ्याची वेळ सकाळी ६ ते दुपारी २.३० वा.) (दिनांक १२ फेब्रुवारी २०२६ रोजी मध्यरात्री २ ते दिनांक १३ फेब्रुवारी २०२६ रोजी सकाळी ८ वाजेपर्यंत पाणीपुरवठा राहणार बंद)
४) ओम-गणेश नगर, राहुल नगर, अशोक नगर (नियमित पाणीपुरवठ्याची वेळ सकाळी ११ ते दुपारी ३ वाजता) (दिनांक १२ फेब्रुवारी २०२६ रोजी मध्यरात्री २ ते दिनांक १३ फेब्रुवारी २०२६ रोजी सकाळी ८ वाजेपर्यंत पाणीपुरवठा राहणार बंद)
BMC Mayor: मुंबई महापौरपदाच्या उमेदवार ठरल्या! भाजपकडून घोषणा; शिवसेनेकडे उपमहापौरपद
एम पश्चिम विभाग
१) बीपीटी, टाटा, बी. पी. सी. एल., माहुल गाव, मरवली चर्च, माहुल एसआरए, फारुख गल्ली, खडी मशीन, आर. सी. मार्ग, सिंधी सोसायटी, एसआरए इमारती, वाशी नाका, अंबा पाडा, जिजामाता नगर, वित्तसंचयन, साईलीला रामटेकडी, तोलाराम टॉवर, चेंबूर कॅम्प, गणेश नगर, अशोक नगर, कोकण नगर, वाशीगाव, म्हाडा इमारती, मुकुंद नगर एसआरए, लक्ष्मी नगर, मितुल एन्कलेव, म्हैसूर कॉलनी, एम. एस. इमारती, विजय नगर, आर. सी. मार्ग (नियमित पाणीपुरवठा २४ तास) (दिनांक १२ फेब्रुवारी २०२६ रोजी सकाळी २ ते दिनांक १३ फेब्रुवारी २०२६ रोजी सकाळी ८ वाजेपर्यंत पाणीपुरवठा राहणार बंद)
Track Latest News Live on Marathi.NDTV.com and get news updates from India and around the world
