-सुरज कसबे-पाटील, प्रतिनिधी
Nagar Parishad And Nagar Panchayat Election News: राज्यातील 246 नगरपरिषदा आणि 42 नगरपंचायतींच्या सदस्यपदासाठी तसेच अध्यक्षपदाच्या सार्वत्रिक निवडणुकांकरिता 2 डिसेंबर 2025 रोजी मतदान प्रक्रिया पार पडणार आहे. 3 डिसेंबर 2025 रोजी मतमोजणी करण्यात येणार आहे. या पार्श्वभूमीवर लोणावळा नगरपरिषद सार्वत्रिक निवडणुकीच्या पार्श्वभूमीवर महत्त्वाचा निर्णय घेण्यात आलाय. 1 डिसेंबर रोजी शाळांना सकाळी 11 वाजेनंतर सुटी देण्याचे आदेश निवडणूक निर्णय अधिकारी कार्यालयाकडून देण्यात आले आहेत. सहाय्यक निवडणूक निर्णय अधिकारी अशोक साबळे यांनी या संदर्भातील परिपत्रक संबंधित शाळांच्या मुख्याध्यापक आणि प्राचार्यांना पाठवलंय.
निवडणुकांच्या पार्श्वभूमीवर मतदान प्रक्रियेकरिता मतदान अधिकारी यांची पथकं 01 डिसेंबर 2025 रोजी दुपारपर्यंत सर्व मतदान केंद्रावर पोहोचणार आहेत. मतदान पथके पोहोचण्यापूर्वी सर्व शाळांमधील अधिग्रहित केलेली मतदान केंद्रं रिकामी असणं आवश्यक आहेत. यानुसार 1 डिसेंबर रोजी सकाळी शाळा सुरू राहतील, पण सकाळी 11 वाजेनंतर शाळांना सुटी देण्याचे निर्देश देण्यात आले आहेत. निवडणूक प्रक्रिया सुरळीत पार पडण्यासाठी शाळांनी निर्देशांचे काटेकोर पालन करण्याच्याही सूचना देण्यात आल्या आहेत.
(नक्की वाचा: Dombivli News: शिंदेंच्या नेत्याला नजरकैदेत ठेवलं, भाजप प्रदेशाध्यक्षांनी उद्घाटन आटपलं, जोरदार राडा)
Photo Credit: NDTV Marathi
नगरपरिषद/ नगरपंचायतींची जिल्हा आणि विभागनिहाय संख्या
पालघर- डहाणू, जव्हार, पालघर आणि वाडा (नगरपंचायत)
रायगड- अलिबाग, कर्जत, खोपोली, महाड, माथेरान, मुरुड- जंजिरा, पेण, रोहा, श्रीवर्धन आणि उरण (न.प.)
रत्नागिरी- चिपळूण, देवरुख (नगरपंचायत), गुहागर, खेड, लांजा (नगरपंचायत), राजापूर आणि रत्नागिरी
सिंधुदुर्ग- कणकवली (नगरपंचायत), मालवण, सावंतवाडी आणि वेंगुर्ला
ठाणे- अंबरनाथ आणि कुळगाव- बदलापूर
अहिल्यानगर- देवळाली- प्रवरा, जामखेड, कोपरगाव, नेवासा (नगरपंचायत), पाथर्डी, राहाता, राहूरी, संगमनेर, शेवगाव, शिर्डी, श्रीगोंदा आणि श्रीरामपूर
धुळे- दोंडाईचा-वरवाडे, पिंपळनेर, सिंदखेडा (नगरपंचायत) आणि शिरपूर- वरवाडे
जळगाव- जामनेर, अमळनेर, भडगाव, भुसावळ, चाळीसगाव, चोपडा, धरणगांव, एरंडोल, फैजपूर, मुक्ताईनगर (नगरपंचायत), नशिराबाद, पाचोरा, पारोळा, रावेर, सावदा, शेंदूणी (नगरपंचायत), वरणगाव आणि यावल
नंदुरबार- शहादा, नंदुरबार, नवापूर आणि तळोदा
नाशिक- भगुर, मनमाड, नांदगाव, सटाणा, सिन्नर, येवला, चांदवाड, इगतपूरी, ओझर, पिंपळगांव- बसवंत आणि त्र्यंबक
कोल्हापूर- आजरा (नगरपंचायत), चंदगड (नगरपंचायत).), गडहिंग्लज, हातकणंगले, हुपरी, जयसिंगपूर, कागल, कुरुंदवाड, मलकापूर, मुरगूड, पन्हाळा, शिरोळ आणि वडगाव
(नक्की वाचा: Navneet Rana: नवनीत राणांचे पुरूषांबाबत वादग्रस्त वक्तव्य! म्हणाल्या ते रात्री उशीरा...)
पुणे- आळंदी, बारामती, भोर, चाकण, दौंड, फुरसुंगी- उरळी देवाची, इंदापूर, जेजूरी, जुन्नर, लोणावळा, मालेगाव बु. (नगरपंचायत), मंचर (नगरपंचायत), राजगुरुनगर, सासवड, शिरुर, तळेगाव- दाभाडे आणि वडगाव (नगरपंचायत)
सांगली- आष्टा, आटपाडी (नगरपंचायत), इस्लामपूर, जत, पळूस, शिराळा (नगरपंचायत), तासगाव आणि विटा
सातारा- कराड, महाबळेश्वर, मलकापूर, मेढा (नगरपंचायत), म्हसवड, पाचगणी, फलटण, रहिमतपूर, सातारा आणि वाई
सोलापूर- अक्कलकोट, अकलूज, अनगर (नगरपंचायत), बार्शी, दुधनी, करमाळा, कुर्डूवाडी, मैदर्गी, मंगळवेढा, मोहोळ, पंढरपूर आणि सांगोला
बीड- अंबेजोगाई, बीड, धारुर, गेवराई, माजलगाव आणि परळी- वैजनाथ
छत्रपती संभाजीनगर- फुलब्री (नगरपंचायत), गंगापूर, कन्नड, खुलताबाद, पैठण, सिल्लोड आणि वैजापूर
धाराशिव- भूम, कळंब, मुरुम, नळदुर्ग, धाराशिव, परंडा, तुळजापूर आणि उमरगा
हिंगोली- बसमतनगर, हिंगोली आणि कळमनुरी. जालना- अंबड, भोकरदन आणि परतूर
लातूर- अहमदपूर, औसा, निलंगा, रेनापूर (नगरपंचायत) आणि उदगीर
नांदेड- बिलोली, देगलूर, धर्माबाद, हदगाव, हिमायतनगर (नगरपंचायत), कंधार, कुंडलवाडी, मुदखेड, मुखेड, उमरी, भोकर, किनवट आणि लोहा
परभणी- गंगाखेड, जिंतूर, मानवत, पाथरी, पूर्णा, सेलू आणि सोनपेठ. अकोला- अकोट, बाळापूर, बार्शी- टाकळी, हिवरखेडा, मूर्तिजापूर आणि तेल्हारा
अमरावती- अचलपूर, अंजनगाव सूर्जी, चांदूरबाजार, चांदूर रेल्वे, चिखलदरा, दर्यापूर, धामणगाव रेल्वे, धारणी (नगरपंचायत), मोर्शी, नांदगाव खंडेश्वर (नगरपंचायत), शेंदूरजनाघाट आणि वरुड
बुलडाणा- बुलडाणा, चिखली, देऊळगाव राजा, जळगाव जामोद, खामगाव, लोणार, मलकापूर, मेहकर, नांदूरा, शेंगाव आणि सिंदखेडराजा
वाशिम- कारंजा, मालेगाव (नगरपंचायत), मंगरुळपीर, रिसोड आणि वशीम
यवतमाळ- आर्णी, दारव्हा, दिग्रस, घाटंजी, पुसद, उमरखेड, वणी, यवतमाळ, ढाणकी (नगरपंचायत), नेर- नबाबपूर आणि पांढरकवडा
भंडारा- पवनी, साकोली शेंदूरवाफा, तुमसर आणि भंडारा
चंद्रपूर- बल्लारपूर, भद्रावती, भिसी (नगरपंचायत), ब्रह्मपूरी, चिमूर, गडचांदूर, घुग्घुस, मूल, नागभीड, राजूरा आणि वरोरा
गडचिरोली- आरमोरी, देसाईगंज आणि गडचिरोली
गोंदिया- गोंदिया, गोरेगाव (नगरपंचायत), सालेकसा (नगरपंचायत) आणि तिरोडा
नागपूर- बहादुरा (नगरपंचायत), बेसा पिपळा (नगरपंचायत), भिवापूर (नगरपंचायत), बुटिबोरी, डिगडोह, कळमेश्वर- ब्रह्मणी, कामठी, कांद्री- कन्हान (नगरपंचायत), काटोल, खापा, कोंढाळी (नगरपंचायत), महादुला (नगरपंचायत), मोहपा, मौदा (नगरपंचायत), नरखेड, निलडोह (नगरपंचायत), पारशिवणी (नगरपंचायत), रामटेक, सावनेर, उमरेड, वानाडोंगरी, बिडगाव- तरोडी (खू) पांढुर्णा (न.पं.), गोधणी रेल्वे (नगरपंचायत), कन्हान- पिपरी, मोवाड, वाडी आणि येरखेडा (नगरपंचायत)
वर्धा- आर्वी, देवळी, हिंगणघाट, पुलगाव, सिंदी रेल्वे आणि वर्धा
