महायुतीच्या नेत्यांना मंत्री होण्यासाठी द्यावी लागेल अमित शाहांची टेस्ट, वाचा काय असतील प्रश्न

सागर शिंदे, प्रतिनिधी

राज्यात 20 नोव्हेंबर रोजी झालेल्या विधानसभा निवडणुकीत भाजपा, शिवसेना (एकनाथ शिंदे) आणि राष्ट्रवादी काँग्रेस (अजित पवार) या तीन पक्षाच्या महायुतीला दणदणीत बहुमत मिळालं आहे. विधानसभेतील 288 पैकी 235 महायुतीचे आमदार आहेत. नव्या मुख्यमंत्र्यांचा शपथविधी 5 डिसेंबर (गुरुवार) होणार आहे. नव्या मुख्यमंंत्र्यांचं नाव अद्याप जाहीर झालेलं नाही. पण, देवेंद्र फडणवीस यांच्या नावावर शिक्कामोर्तब झाल्याची माहिती सूत्रांनी दिलीय. 

('NDTV मराठी' चं अधिकृत व्हॉट्सअ‍ॅप चॅनल जॉईन करा )
 

मुख्यमंत्र्यांचं नाव जवळपास निश्चित आहे. पण, मंत्री कोण होणार? याबाबत जोरदार चुरस आहे. अनेक नेत्यांनी त्यासाठी लॉबिंगही सुरु केलंय. यंदा आमदार जास्त आणि मंत्रिपदं कमी अशी महायुतीमध्ये परिस्थिती आहे. या अडचणीवर मात करण्यासाठी केंद्रीय गृहमंत्री अमित शाह यांनी पुढाकार घेतलाय. शाह यांनी मंत्रिपदासाठी अत्यंत कडक निकष तयार केल्याची माहिती आहे.  मंत्रीपदासाठी इच्छूक नेत्यांना हे निकष पूर्ण करावे लागतील.  

काय आहेत निकष?

( नक्की वाचा : महाविकास आघाडीतील मतभेद उघड! शिवसेनेच्या बड्या नेत्यानं काँग्रेसवर फोडलं पराभवाचं खापर )

अमित शाह यांनी देवेंद्र फडणवीस, एकनाथ शिंदे आणि अजित पवार या महायुतीच्या प्रमुख नेत्यांना दिल्लीत बोलावल्याची माहिती आहे. त्यामुळे या तिघांची पुन्हा एकदा शाहांसोबत दिल्लीत बैठक होऊ शकते. या बैठकीनंतच महायुती सरकारमध्ये मंत्री कोण होणार हे निश्चित होईल.