आयपीएल 2026 मधील खराब कामगिरीनंतर पंजाब किंग्सचा (Punjab Kings) वेगवान गोलंदाज अर्शदीप सिंग सध्या भलताच चर्चेत आला आहे. अर्शदीपने सोमवारी रात्री आपल्या अधिकृत इन्स्टाग्राम हँडलवर एक मोठी स्वच्छता मोहीम राबवली. त्याने त्याच्या अकाउंटवरून अनेक व्हिडिओ आणि रील्स हटवले आहेत, ज्यामध्ये विराट कोहलीसोबतचा एक प्रचंड व्हायरल झालेला व्हिडिओ देखील आहे. विराटसोबतच्या या व्हिडीओवर 15 मिलियनहून अधिक व्ह्यूज आले होते.
अर्शदीपने केवळ त्याचे जुने व्हिडिओच डिलीट केले नाहीत, तर त्याने आपल्या इन्स्टाग्राम बायोमधून 'पंजाब' या शब्दाचा उल्लेखही काढून टाकला आहे आणि स्वतःचा प्रोफाईल फोटोही बदलला आहे. काही दिवसांपूर्वीपर्यंत त्याच्या अकाउंटवर शेकडो पोस्ट होत्या, मात्र आता तिथे केवळ 44 पोस्ट शिल्लक राहिल्या आहेत.
विराट कोहलीसोबतचा 'तो' संवादही हटवला
अर्शदीपने डिलीट केलेल्या व्हिडिओंमध्ये गेल्या वर्षी विराट कोहलीसोबत शेअर केलेल्या एका रीलचा समावेश आहे. या रीलमध्ये अर्शदीप कोहलीची मस्करी करताना म्हणाला होता, "पाजी, धावा कमी पडल्या, नाहीतर आज तुमची सेंच्युरी पक्की होती." यावर विराटनेही हसत हसत उत्तर दिले होते, "आम्ही टॉस जिंकलो, नाहीतर तुझीही सेंच्युरी (धावांच्या बाबतीत) पक्की होती." हा मजेशीर व्हिडिओ चाहत्यांच्या प्रचंड पसंतीस उतरला होता, जो आता अर्शदीपच्या प्रोफाइलवरून गायब झाला आहे.
(नक्की वाचा- Virat vs Head: कोहलीसोबतच्या वादानंतर हेडच्या पत्नीसोबत नको ते घडलं; जेसिका हेडने व्यक्त केली नाराजी)
🚨 अर्शदीप सिंह और IPL पंजाब टीम विवाद:
— ममता ट्राबल (@Mamtasulaniya) May 26, 2026
इंस्टाग्राम अकॉउंट पर अर्शदीप सिंह ने अपनी प्रोफाइल पिक्चर बदल दी है और इंस्टाग्राम बायो से भी पीबीकेएस का नाम हटा दिया है।
उन्होंने पंजाब टीम से जुड़ी सभी पोस्ट भी हटा दी हैं। पिछले 24 घंटों में उन्होंने 234 से अधिक पोस्ट डिलीट कर दी… pic.twitter.com/Zg2L7kls0Y
बीसीसीआयची कडक नियमावली की कामगिरीचा दबाव?
अर्शदीप सिंगच्या या अचानक बदललेल्या सोशल मीडिया ॲक्टिव्हिटीमागे दोन मुख्य कारणे असण्याची शक्यता वर्तवली जात आहे.
आयपीएल 2026 मधील खराब फॉर्म
या आयपीएल हंगामात अर्शदीप सिंगला आपल्या लौकिकाला साजेसा खेळ करता आलेला नाही. त्याने 14 सामन्यांत केवळ 14 विकेट्स घेतल्या, तर गोलंदाजी करताना प्रति ओव्हर 10 पेक्षा जास्त धावा दिल्या. त्याची ही महागडी गोलंदाजी पंजाब किंग्सला महागात पडली आणि संघ प्लेऑफसाठी पात्र ठरू शकला नाही.
बीसीसीआयचे कडक निर्बंध
सर्वात महत्त्वाचे कारण म्हणजे, नुकतेच भारतीय क्रिकेट नियामक मंडळाने (BCCI) आयपीएल दरम्यान खेळाडू आणि संघांच्या सोशल मीडिया पोस्टवर काही कडक निर्बंध लादले आहेत. हे नियम आधीपासूनच अस्तित्वात होते, परंतु अनेक खेळाडू त्याचे उल्लंघन करत होते. अर्शदीप सिंग देखील काही दिवसांपूर्वी त्याच्या गर्लफ्रेंडसोबत टीमच्या बसमध्ये व्हिडिओमध्ये दिसला होता.
Arshdeep Singh to Virat Kohli ; Paaji run km rah gye century pakki thi.
— Ali Tweets (@ali_tweets05) December 6, 2025
Kohli ; Toss jeet gye nhi to teri bhi pakki thii dew mein 🤣#INDvSA #ViratKohli pic.twitter.com/hSxkG4ma5n
बीसीसीआयच्या या कडक भूमिकेनंतर पंजाब किंग्सच्या व्यवस्थापनाने खेळाडूंना ताकीद दिली आहे. नवीन अहवालानुसार, खेळाडूंना मैदान आणि टीम बसमधील कोणतेही वैयक्तिक व्हिडिओ स्वतःच्या अकाउंटवर पोस्ट करता येणार नाहीत; ते केवळ फ्रँचायझीच्या अधिकृत सोशल मीडिया हँडल्सवरच पोस्ट केले जातील.
(नक्की वाचा- Mumbai-Pune: मुंबई-पुणे अंतर आता अवघ्या दीड तासांवर! 'ग्रीनफिल्ड एक्सप्रेसवे'वरून प्रवास होणार सुसाट)
पंजाब किंग्सच्या एका अंतर्गत सूत्राने 'पीटीआय' (PTI) या वृत्तसंस्थेला सांगितले की, "संघाचे सीईओ (CEO) ट्रेनिंग सत्रानंतर सर्व खेळाडूंशी बोलतील आणि बीसीसीआयने जारी केलेल्या मार्गदर्शक सूचना वाचून दाखवतील. सध्या कोणताही विशिष्ट खेळाडू आमच्या देशाच्या किंवा संघाच्या मुख्य प्रवाहात नकारात्मक फोकसमध्ये नाही, परंतु नियमांचा आदर राखला गेला पाहिजे आणि त्याचे काटेकोरपणे पालन झाले पाहिजे." बीसीसीआयच्या याच कडक कारवाईच्या भीतीने अर्शदीपने आपले जुने व्हिडिओ सुरक्षिततेचा उपाय म्हणून डिलीट केल्याचा अंदाज वर्तवला जात आहे.
Track Latest News Live on Marathi.NDTV.com and get news updates from India and around the world
