इंग्लंड विरुद्धच्या दुसऱ्या T20 सामन्यात तिलक वर्माने 72 धावांची नाबाद खेळी खेळून भारताला विजय मिळवून दिला. तिलक वर्माचे हे भारतातील पहिले टी-20 आंतरराष्ट्रीय अर्धशतक आहे. आतापर्यंतच्या कारकिर्दीत तिलकने आंतरराष्ट्रीय टी-20 मध्ये तीन अर्धशतके झळकावली आहेत. कालच्या सामन्यात तिलक वर्माने मोठ्या विक्रमाला गवसणी घातली आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
तिलक वर्मा टी-20 आंतरराष्ट्रीय क्रिकेटमध्ये कोहलीचा मोठा विक्रम मोडीत काढला आहे. सलग चार T20I डावात सर्वाधिक धावा करणारा तिलक वर्मा हा भारतीय फलंदाज ठरला. आतापर्यंत तिलकने 4 डावात आउट न होता एकूण 318 धावा केल्या आहेत. तिलकच्या आधी विराट कोहली (258), संजू सॅमसन (257), रोहित शर्मा (253) आणि शिखर धवन (252) यांनी सलग चार डावात न आऊट धावा केल्या होत्या.
(नक्की वाचा- रोहित शर्माचे पुनरागमन फेल, जम्मू काश्मीरकडून गतविजेत्या मुंबईचा धक्कादायक पराभव)
मागील तीन T20I डावांमध्ये तिलकने 19*, 120* आणि 107* धावा कुटल्या होत्या. तर काल चेपॉकमध्ये 55 चेंडूत नाबाद 72 धावा करून त्याने आणखी एक अप्रतिम खेळी खेळली. त्याच्या या खेळीने भारताला पाच सामन्यांच्या मालिकेत 2-0 अशी आघाडी मिळवून दिली आणि आतापर्यंत T20I मध्ये आउट न होता 318 धावा करण्यात यश मिळवले आहे.
( नक्की वाचा : रोहित शर्माला काय झालंय? जम्मू काश्मीरनं काढली उरली-सुरली लाज )
भारताची मालिकेत 2-0 ने आघाडी
दुसऱ्या टी-20 सामन्यात भारताने नाणेफेक जिंकून प्रथम गोलंदाजी करण्याचा निर्णय घेतला होता. इंग्लंड संघाने 20 षटकात 9 विकेट गमावत 165 धावा केल्या होत्या. इंग्लंडकडून कर्णधार जोस बटलरने 45 धावांची खेळी केली. भारताकडून अक्षर पटेल आणि वरुण चक्रवर्तीने प्रत्येकी 2 विकेट घेतल्या.
भारताकडून तिलकने नाबाद 72 धावांची खेळी केली. तिलकव्यतिरिक्त वॉशिंग्टन सुंदरने 19 चेंडूत 26 धावांची खेळी केली. टीम इंडिया मालिकेत 2-0 ने आघाडीवर आहे. तिलकला त्याच्या या शानदार खेळीसाठी सामनावीराचा किताब देण्यात आला.
