Mohammed Siraj Raksha Bandhan : क्रिकेट विश्वातही रक्षाबंधनाचा उत्साह जोरदार जाणवला. अनेक भारतीय खेळाडूंनी सोशल मीडियावर आपल्या बहिणींसोबतचे खास क्षण शेअर केले. त्यांच्या पोस्टमध्ये थट्टा-मस्करीपासून ते हृदयस्पर्शी शुभेच्छांपर्यंत, या सणाचे खास नाते दिसून आले. दरम्यान, टीम इंडियाचा फास्ट बॉलर मोहम्मद सिराज याचा आशा भोसले यांची नात जनाई भोसले हिच्यासोबतचा एक व्हिडिओ सोशल मीडियावर व्हायरल होत आहे. या हृदयस्पर्शी व्हिडिओमध्ये जनाई सिराजच्या हातावर राखी बांधताना दिसत आहे. हा व्हिडिओ जनाईने सिराजसोबत मिळून शेअर केला आहे. "हॅपी राखी. यापेक्षा चांगला भाऊ मिळू शकला नसता," असे कॅप्शन तिने पोस्टला दिले आहे.
डेटिंगची होती चर्चा
सुरुवातीला, सिराज आणि जनाई एकमेकांना डेट करत असल्याच्या चर्चा सोशल मीडियावर सुरू होत्या. मात्र, दोघांनीही आपल्या नात्याचा खुलासा करत ते भाऊ-बहिणीचे नाते असल्याचे स्पष्ट केले.
इंग्लंड दौऱ्यात सिराजने कसोटी क्रिकेटमध्ये सर्वोत्तम कामगिरी केली. त्याने 23 विकेट्स घेत सर्वाधिक बळी मिळवले आणि संपूर्ण मालिकेत 185 हून अधिक षटके गोलंदाजी केली. तो कधीही थकला नाही, नेहमी योद्धासारखा लढत राहिला. वेगवान गोलंदाज जसप्रीत बुमराहने कामाच्या व्यवस्थापनामुळे (workload management) केवळ 3 कसोटी सामने खेळले, तेव्हा सिराजने 'जस्सी भाई'ला विश्रांतीची गरज असताना 'मियाँ मॅजिक' दाखवून दिले. विशेष म्हणजे, या सीरिजमधील पाचही टेस्ट खेळणारा तो भारताकडून एकमेव आणि दुसराच बॉलर होता.
द ओव्हल कसोटीतील त्याच्या उत्कृष्ट कामगिरीनंतर, सिराजने बुधवारी (11 ऑगस्ट) आयसीसीच्या पुरुष कसोटी गोलंदाजांच्या क्रमवारीत 674 पॉईंट्सह त्याच्या कारकिर्दीतील सर्वोत्तम रेटिंग मिळवले.
( नक्की वाचा : Mohammed Siraj: 'पुरा खोल दिये...' असदुद्दीन ओवैसींच्या प्रतिक्रियेवर मोहम्मद सिराजचं उत्तर Viral )
पाचव्या टेस्टमधील 'प्लेअर ऑफ द मॅच' सिराजने ताज्या आयसीसी पुरुष कसोटी गोलंदाजांच्या क्रमवारीत 12 क्रमांकाची प्रगती करत 15 वा क्रमांक पटकावला.
Track Latest News Live on Marathi.NDTV.com and get news updates from India and around the world
