Yamaha XSR155 Launched in India: इंडिया यामाहा मोटर (IYM) प्रा. लि.ने आज भारतीय बाजारपेठेत प्रीमियम, आधुनिक आणि इलेक्ट्रिक (EV) मोबिलिटीच्या दिशेने मोठे पाऊल टाकत अनेक नवीन मॉडेल्स लाँच करण्याची घोषणा केली. कंपनीने जागतिक स्तरावर प्रशंसित असलेली रेट्रो स्पोर्ट मोटरसायकल नवीन XSR155, आपली पहिली इलेक्ट्रिक वाहने AEROX-E आणि EC-06, तसेच FZ पोर्टफोलिओमध्ये FZ-RAVE चा समावेश केला आहे. या लाँचेससह यामाहाने 'विकसित भारत' दृष्टिकोनाला पाठिंबा देण्यासह, शाश्वत वाहतुकीकडे आपला दीर्घकालीन दृष्टिकोन स्पष्ट केला आहे.
यामाहा XSR155 रेट्रो स्पोर्टचे आकर्षण| Yamaha XSR155 Price And Features:
नवीन XSR155 यामाहाच्या प्रीमियम मोटरसायकल श्रेणीतील भविष्यातील उत्क्रांती दर्शवते. या मॉडेलमध्ये कालातीत डिझाइन आणि आधुनिक तंत्रज्ञानाचे संयोजन आहे. याची प्रारंभिक किंमत १,४९,९९० (एक्स-शोरूम, दिल्ली) असून, ती तरुण रायडर्सला आकर्षित करेल. यात क्लासिक वर्तुळाकार एलईडी हेडलाइट आणि टेललाइट, टियरड्रॉप फ्युएल टँक आणि पारंपारिक स्टाईलचा एलसीडी डिस्प्ले आहे.
Engine and performance: XSR155 मध्ये १५५ सीसी लिक्विड-कूल्ड, ४-व्हॉल्व्ह इंजिन आहे, जे व्हेरिएबल व्हॉल्व्ह ॲक्च्यूएशन (VVA) सह १३.५ kW शक्ती आणि १४.२ Nm टॉर्क देते. यामाहाच्या प्रमाणित डेल्टाबॉक्स फ्रेमवर डिझाइन केलेल्या या मॉडेलमध्ये ड्युअल-चॅनेल एबीएस (Dual-Channel ABS) आणि ट्रॅक्शन कंट्रोल सारखी प्रगत सुरक्षितता वैशिष्ट्ये आहेत.
यामाहा FZ-RAVE| Yamaha FZ- RAVE Price And Features
कंपनीने आपला लोकप्रिय FZ पोर्टफोलिओ मजबूत करण्यासाठी नवीन FZ-RAVE लाँच केला आहे. हा मॉडेल कामगिरी, कार्यक्षमता आणि दैनंदिन व्यावहारिकतेचे संतुलन साधतो. याची किंमत१,१७,२१८ (एक्स-शोरूम, दिल्ली) आहे. यात आकर्षक फुल-एलईडी प्रोजेक्टर हेडलॅम्प, शिल्पकलेसारखी फ्युएल टँक आणि स्पोर्टी लुक आहे. यात १४९ सीसी एअर-कूल्ड इंजिन असून, ९.१ kW शक्ती निर्माण होते. सिंगल-चॅनेल एबीएस (ABS) आणि डिस्क ब्रेक्समुळे सुरक्षितता वाढते. या सर्व लाँचेसमुळे यामाहाचे भारतीय बाजारपेठेतील स्थान अधिक मजबूत होणार आहे.
Track Latest News Live on Marathi.NDTV.com and get news updates from India and around the world
