CM Devendra Fadnavis : राज्याचे ग्रामीण विकास मंत्री जयकुमार गोरे यांच्यावर विनयभंगाचे आरोप करणाऱ्या महिलेला पोलिसांनी खंडणीच्या आरोपाखाली अटक केली आहे. एक कोटी रुपयांची खंडणी घेताना महिलेला रंगेहाथ पकडण्यात आले आहे. विधानसभेतही या प्रकरणाचे पडसाद उमटले. राष्ट्रवादी काँग्रेस शरद पवार गटाच्या खासदार सुप्रिया सुळे आणि आमदार रोहित पवार यांचा या प्रकरणाशी संबंध असल्याचा गंभीर आरोप मुख्यमंत्री देवेंद्र फडणवीस यांनी केला. याची चौकशी होणार असल्याचं मुख्यमंत्र्यांनी स्पष्ट केले.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
मुख्यमंत्री देवेंद्र फडणवीस यांनी म्हटलं की, "मंत्री जयकुमार गोरे यांच्यासंदर्भात घडलेली घटना दुदैवी आहे. कुणाला जीवनातून उठवण्याच्या उद्देशाने राजकारण होत असेल तर ते चुकीचे आहे. त्यांच्यासंदर्भातील केस 2016 घडली, 2019 मध्ये त्यांची निर्दोष मुक्तता देखील झाली होती. त्यानंतर अचानक हे प्रकरण उकरून काढले गेले."
(नक्की वाचा- )
"अशा प्रकरणांमध्ये कुटुंबात, समाजात अपमान होईल या भीतीपोटी प्रकरण मिटवण्याचा प्रयत्न केला जातो. मात्र मी जयकुमार गोरे यांच्या हिमतीची दाद देतो. त्यांना ज्यावेळी लाचेची मागणी झाली त्यावेळी त्यांनी पोलिसात तक्रार केली. तेव्हा ट्रॅप लावण्यात आला. सगळी मागणी, संवाद टेप झाला. पोलीस विभागाची खात्री पटल्यानंतर सापळा रचून कॅश देताना आरोपीला पकडण्यात आले. त्यामुळे हा ब्लॅकमेलिंगचाच प्रकार होता, असं मुख्यमंत्र्यांनी विधानसभेत सांगितले.
(नक्की वाचा- Political News : '2014 सालीच शिवसेनेचा मुख्यमंत्री झाला असता'; CM फडणवीसांनी सांगितली पडद्यामागची कहाणी)
आरोपी सुप्रिया सुळे, रोहित पवारांच्या संपर्कात
पोलीस तपासात असं निदर्शनास आलं की हे एक नेक्सस होतं. ही महिला, युट्युबर तुषार खरात आणि अनिल सुभेदारसह काही लोकांचा नेक्सस असल्याचं आढळलं. या लोकांनी जो कट रचला याचे सगळे पुरावे सापडले आहेत. यांचे अनेक फोन आहेत, ते सगळे सापडले आहेत. दुदैवाची गोष्ट म्हणजे या सर्वांशी राष्ट्रवादी काँग्रेस शरद पवार गटाचे नेते थेट संपर्कात दिसत आहेत. प्रभाकरराव देशमुख यांच्याशी आरोपी बोलत होते. त्याहीपेक्षा वाईट वाटतं की सुप्रिया सुळे आणि रोहित पवार यांचे कॉल्स तुषार खरातसोबत झाले आहेत. तसेच आरोपींनी तयार केलेले व्हिडीओ देखील त्यांना पाठवण्यात आले आहेत. आता याची चौकशी केली जाणार आहेत, असंही देवेंद्र फडणवीस यांनी म्हटलं.
