Iran-Us War: "आमचं उद्दिष्ट पूर्ण...", इराण विरूद्धच्या युद्धाबाबत ट्रम्प यांची मोठी घोषणा

Donald Trump: इराणची नौसेना आणि वायुसेना पूर्णपणे नष्ट झाल्याचा दावा ट्रम्प यांनी केला. ट्रम्प यांनी स्पष्ट केले की, जरी अमेरिका मध्य पूर्वेतील तेलावर अवलंबून नसली, तरी आपल्या मित्रराष्ट्रांच्या संरक्षणासाठी अमेरिकन सैन्य त्या भागात सक्रिय राहील.

जाहिरात
Read Time: 2 mins

Iran-US War: अमेरिकेचे राष्ट्राध्यक्ष डोनाल्ड ट्रम्प यांनी आज टेलिव्हिजनवरून देशाला संबोधित करताना इराणमधील युद्धाबाबत मोठी घोषणा केली आहे. "अमेरिकन सैन्याने इराणमध्ये वेगवान आणि निर्णायक विजय मिळवला असून, हे युद्ध आता अंताकडे सरकत आहे," असा दावा ट्रम्प यांनी केला आहे. 

इराणच्या लष्करी शक्तीचे कंबरडे मोडले

ट्रम्प यांनी आपल्या भाषणात इराणच्या झालेल्या नुकसानीचा पाढा वाचला. त्यांच्या मते, इराणची नौसेना आता अस्तित्वात नाही आणि त्यांची वायुसेना पूर्णपणे उद्ध्वस्त झाली आहे. इराणच्या 'इस्लामिक रिव्होल्यूशनरी गार्ड कॉर्प्स' (IRGC) या मुख्य लष्करी कमानला अमेरिकेने गंभीर इजा पोहोचवली आहे. अमेरिकेचे मुख्य लष्करी उद्दिष्ट पूर्ण झाले असून, इराणची अण्वस्त्र आणि क्षेपणास्त्र क्षमता निर्णायकपणे नष्ट करण्यात आली आहे.

Advertisement

(नक्की वाचा- Chhatrapati Sambhajinagar News: अजिंठा लेणी पाहायला गेलेल्या पर्यटकांची अचानक पळापळ, 11 पर्यटक जखमी)

व्हेनेझुएलामध्ये 'क्विक आणि डेडली' मोहीम

इराणसोबतच ट्रम्प यांनी व्हेनेझुएलातील लष्करी कारवाईचाही उल्लेख केला. त्यांनी या मोहिमेचे वर्णन "वेगवान, घातक आणि प्रभावी" असे केले. व्हेनेझुएलामध्ये निकोलस मदुरो यांना सत्तेवरून हटवल्यानंतर, आता अमेरिका तेथील जगातील सर्वात मोठ्या तेल आणि वायू साठ्यांच्या विक्री आणि विकासासाठी थेट सहकार्य करत आहे. ट्रम्प यांनी दावा केला की, व्हेनेझुएला आणि देशांतर्गत उत्पादनामुळे अमेरिका आता ऊर्जा गरजांसाठी 'मिडल ईस्ट'वर (मध्य पूर्व) अवलंबून राहिलेली नाही.

(नक्की वाचा-  Arjun Tendulkar: वडील सचिन तेंडुलकर नाही तर...; हा खेळाडू आहे अर्जुनचा आदर्श)

इराणसोबत चर्चा सुरु राहणार

आपली कठोर लष्करी भूमिका असूनही, ट्रम्प यांनी असेही म्हटले की राजनैतिक मार्ग पूर्णपणे बंद झालेले नाहीत. त्यांनी सांगितले की वॉशिंग्टन आणि तेहरान यांच्यात पडद्यामागील चर्चा सुरू असून, सर्व पर्यायांचा विचार करून अमेरिका पुढील पाऊल उचलेल. 

ट्रम्प यांनी स्पष्ट केले की, जरी अमेरिका मध्य पूर्वेतील तेलावर अवलंबून नसली, तरी आपल्या मित्रराष्ट्रांच्या संरक्षणासाठी अमेरिकन सैन्य त्या भागात सक्रिय राहील. "आम्ही केवळ युद्ध जिंकले नाही, तर आम्ही जागतिक स्तरावर अमेरिकेचा सन्मान पुन्हा प्रस्थापित केला आहे," असे ट्रम्प यांनी अभिमानाने सांगितले.
 


Topics mentioned in this article

Track Latest News Live on Marathi.NDTV.com and get news updates from India and around the world