भारतात क्रिप्टो करन्सीची सर्वात मोठ्या चोरीचा (Biggest Theft of Crypto Currency in India) उलगडा झाला आहे. 18 जुलै रोजी काही सायबर चोरांनी 2 मिलियन डॉलरचे क्रिप्टो चोरी केले. म्हणजे भारतीय चलनात जवळपास 2000 हजार कोटींची चोरी आहे. ही भारतातील आतापर्यंतची सर्वात मोठी सायबर चोरी मानली जात आहे.
भारतात अद्यापही अजुनही क्रिप्टो करन्सीला मान्यता मिळालेली नाही. तरीही मोठ्या प्रमाणात क्रिप्टोची खरेदी होते आणि सरकारही क्रिप्टो करन्सीतून मिळणाऱ्या नफ्यावर टॅक्सची चांगलीच वसुली करते. मात्र याच क्रिप्टो करन्सीच्या जगात भारतातली सर्वात मोठी चोरी झाली आहे.
नक्की वाचा - म्हणे प्रामाणिक चोर...पेट्रोल संपलं म्हणून चोरलेली दुचाकी पुन्हा आणून ठेवली जागेवर!
चोरांनी 2000 हजार कोटी रुपये हजारो क्रिप्टो वॉलेट्समध्ये वर्गीकृत केले आहेत. सायबर सुरक्षा देणाऱ्या कंपन्यांच्या मदतीने या पैशांचा मागोवा घेतला जातोय. एवढी मोठी क्रिप्टो चोरी झाली तरीही सायबर चोरांची ओळख पटलेली नाही. सायबर चोर क्रिप्टोमधील पैशांचं रुपांतर खऱ्या चलनात करतील तेव्हाच चोरांना पकडणं शक्य असल्याचं तज्ज्ञांचं मत आहे. जास्त नफा मिळवण्यासाठी अनेकांनी आपली आयुष्यभराची कमाई क्रिप्टोमध्ये गुंतवली. पण आता हजारो गुंतवणूकदारांना त्यांचे पैसे परत मिळणार का याबाबत मोठी शंका आहे.
Track Latest News Live on Marathi.NDTV.com and get news updates from India and around the world
