अमजद खान
मुलीसोबत एका तरुणाचे प्रेम संबंध होते. त्यामुळे मुलीचे नातेवाईक संतापले होते. त्यांनी त्या प्रियकराला शोधण्याचे ठरवले. त्याला शोधण्यासाठी ते बाहेर ही पडले. पण तो प्रियकर त्यांना काही सापडला नाही. मात्र प्रियकराचा मित्र त्यांना रस्त्यात दिसला. अशा स्थितीत संतप्त मुलीच्या नातेवाईकांनी त्यांची थार गाडी थेट त्या तरुणाचा अंगावर घालती. हा सर्व प्रकार कल्याण पुर्वेच्या लोकग्राम परिसरात घडला आहे. हे सर्व घटनेनं तो तरूण मात्र हादरून गेला आहे. आपल्याला जीवे मारण्याचा प्रयत्न झाल्याचा आरोपही त्याने केला आहे. या प्रकरणी कोळसेवाडी पोलीस स्टेशनमध्ये गुन्हा दाखल झाला आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
श्लोक सावंत या विद्यार्थ्यासोबत घडलेल्या प्रकरणामुळे कल्याणमध्ये एकच खळबळ माजली आहे. आरोपी हा कल्याणमधील नामांकित बिल्डरचा मुलगा आहे. कल्याण पूर्वेतील लोकग्राम परिसरात श्लोक सावंत हा कॉलेज सुटल्यानंतर घरी जात होता. त्याच वेळी त्याच्या मागे एक थार गाडी वेगाने आली. थार चालकाने त्याच्या अंगावर गाडी घालण्याचा प्रयत्न केला. पण त्यावेळी श्लोक कसाबसा रस्त्याच्या बाजूला झाला. थार गाडी थांबताच त्या गाडीतून एक तरुण खाली आला. त्याने श्लोक सावंत याला मारहाण केली. इतकेच नव्हे तर थारमध्ये बसलेल्यांनी श्लोकला गाडीत कोंडण्याचा प्रयत्न केला.
त्याच वेळी श्लोकने आरडाओरड सुरु केली. तेव्हा थार गाडी घेऊन आलेले तरुण गाडी घेऊन पळून गेले. ही संपूर्ण घटना सीसीटीव्हीत कैद झाली आहे. या घटनेनंतर श्लोक सोबत त्याची आई कोळसेवाडी पोलिस ठाण्यात पोहचली. तिने या प्रकरणात तक्रार दाखल केली आहे. या प्रकरणात अशी धक्कादायक माहिती समोर आली आहे की, श्लोकचा एक मित्र आहे. त्या मित्राची एक मैत्रीण आहे. मुलीच्या नातेवाईकाला मुली आणि श्लोकच्या मित्राचे प्रेम प्रकरणाची माहिती मिळाली होती. त्यामुळेच श्लोकला लक्ष्य करण्यात आलं.
मुलीचे नातेवाईक त्या प्रियकराला शोधत होते. याच दरम्यान प्रियकराचा मित्र श्लोक त्यांना दिसला. त्यातून त्यांनी हे कृत्य केले. या प्रकरणात कल्याण पूर्वेतील नामांकित बिल्डर सुयश तिवारी याचे नाव समोर आले आहे. कोळसेवाडी पोलिसांनी गुन्हा दाखल करण्याची प्रक्रिया सुरु केली आहे. या प्रकरणात नेमका काय खुलासा होतो हे आता पाहणे महत्वाचे आहे. या घटनेमुळे एकच खळबळ उडाली आहे. शिवाय या प्रकणाला आता मराठी विरुद्ध उत्तरभारतीय असा ही रंग चढत आहे.
Track Latest News Live on Marathi.NDTV.com and get news updates from India and around the world
