अविनाश पवार, पुणे:
Rajgurunagar Coaching Classes Attack News: पुण्यातील राजगुरुनगर येथे खासगी कोचिंग क्लासेसमध्ये अल्पवयीन मुलांचे भयंकर गँगवॉर घडले आहे. खासगी क्लासमध्ये एका मुलावर त्याच्या क्लासमेटनेच हल्ला केल्याने खळबळ उडाली आहे. या हल्ल्यामध्ये विद्यार्थी गंभीर जखमी झाला. त्याला तातडीने रुग्णालयात दाखल करण्यात आले. मात्र उपचारादरम्यान त्याचा मृत्यू झाला. या भयावह घटनेने परिसरात खळबळ उडाली असून पोलीस अधिक तपास करत आहेत.
नेमकं काय घडलं?
समोर आलेल्या माहितीनुसार, राजगुरुनगर येथील संस्कार कोचिंग क्लासेसमध्ये लहान मुलांचे भयंकर गँगवॉर पाहायला मिळाले. इयत्ता १०वीच्या वर्गामध्ये शिक्षक शिकवत असतानाच एका मुलाने त्याच्या क्लासमेटचा गळा चिरला. वर्गातच झालेल्या या चाकू हल्ल्याने एकच खळबळ उडाली. रक्ताच्या थारोळ्यात पडलेल्या मुलाला उपचारासाठी रुग्णालयात दाखल करण्यात आले, मात्र उपचार सुरु असतानाच त्याचा मृत्यू झाला.
Bhandara Crime: एक व्हिडिओ कॉल, 20 लाख लुटले! मनी लाँड्रिंग केल्याचे सांगितले अन्...
याबाबतची माहिती मिळताच राजगुरुनगर पोलीस घटनास्थळी दाखल झाले. हल्ला करणारा विद्यार्थी घटनेनंतर दुचाकीवरुन फरार झाला आहे. आरोपी आणि मृत विद्यार्थी दोघेही अल्पवयीन आहेत. या हल्ल्याचे कारण अद्याप अस्पष्ट असून पोलीस याबाबतचा अधिक तपास करत आहेत. या भयंकर घटनेने आता खासगी क्लासमधील मुलांच्या सुरक्षेचा गंभीर प्रश्न निर्माण झाला आहे.
Track Latest News Live on Marathi.NDTV.com and get news updates from India and around the world
