निवडणुकीच्या प्रचाराच्या पार्श्वभूमीवर सुषमा अंधारे दौऱ्यावर आहेत. बुधवारपासून त्या कोकणदौऱ्यावर आहेत. गुरुवारी रात्री महाडची सभा करून ते मुक्कामी राहिल्या होत्या. आज कोकणात दोन ते तीन सभा असल्याकारणाने त्या निघण्याच्या तयारीत होत्या. दरम्यान महाडमध्ये त्यांना नेण्यासाठी आलेलं हेलिकॉप्टर क्रॅश झाल्याची धक्कादायक घटना घडली आहे.
आज सकाळी सुषमा अंधारे हेलिपॅडजवळ हेलिकॉप्टरची वाट पाहत उभ्या होत्या. त्याचवेळी हा अपघात झाल्याची माहिती आहे. याबाबत अंधारे यांनी दिलेल्या माहितीनुसार, महाडहून त्या कोकणातील काही सभांसाठी निघाल्या होत्या. त्या हेलिपॅडजवळ उभ्या असताना हेलिकॉप्टरने काही वेळ आकाशात घिरट्या घेतल्या आणि त्यानंतर धुळीचे लोट दिसले. काही वेळाने हेलिकॉप्टर क्रॅश झाल्याचं कळालं. सुदैवाने या अपघातात पायलट सुखरूप असल्याची माहिती आहे.
बातमी अपडेट होत आहे.
Track Latest News Live on Marathi.NDTV.com and get news updates from India and around the world
