राज्यात दुसऱ्या टप्प्यातील मतदानावर पावसाचं सावट, 8 मतदारसंघात होणार मतदान

लोकसभा निवडणुकीच्या दुसऱ्या टप्प्यातील मतदान शुक्रवारी (२६ एप्रिल) राज्यात पार पडत आहे. राज्यात एकूण आठ मतदारसंघात मतदान पार पडणार आहे. यामध्ये विदर्भातील ६ तर मराठवाड्यातील २ मतदारसंघांचा समावेश आहे. 

कोणत्या मतदारसंघात मतदान?

राज्यात उद्या बुलडाणा, अकोला, अमरावती, वर्धा, यवतमाळ-वाशिम, हिंगोली, नांदेड, परभणी याठिकाणी मतदान पार पडणार आहे. पहिल्या टप्प्यात मतदानाचा टक्का घटल्याने चिंता व्यक्त केली जात होती.  

नक्की वाचा - 13 राज्यातील 89 मतदारसंघात होणार मतदान, 'या' दिग्गजांचं भवितव्य पणाला

राज्यातील प्रमुख लढती

('NDTV मराठी' चं अधिकृत व्हॉट्सअप चॅनल जॉईन करा)

मतदानावर पावसाचं सावट

मतदानाच्या दिवशी शुक्रवारी पश्चिम विदर्भात दुपारी मेघ गर्जनेसह आणि विजांच्या कडकडाटासह पाऊस पडण्याची शक्यता हवामान विभागाने वर्तवली आहे. नागपूर प्रादेशिक हवामान केंद्राचे उपमहानिर्देशक एम एल साहू यांनी एनडीटीव्ही मराठीला याबाबत माहिती दिली. मतदारांनी दुपारपर्यंत मतदान करुन घेण्याचा प्रयत्न करावा. कारण दुपारी मेघगर्जनेसह आणि विजांच्या कडकडाटासह जोरदार पावसाची शक्यता आहे.