Kantara Chapter 1 : ऋषभ शेट्टी दिग्दर्शित 'कांतारा चॅप्टर 1' बॉक्स ऑफिसवर धुमाकूळ घातला आहे. मात्र सिनेमाला चित्रपटगृहांमध्ये प्रदर्शित होऊन 8 दिवस झाले आहेत. सुरुवातीला धमाकेदार कमाई केल्यानंतर आता चित्रपटाच्या कलेक्शनमध्ये थोडी घट दिसून येत आहे. 8 व्या दिवशी चित्रपटाने मागील दिवसांच्या तुलनेत कमी कमाई केली असली तरी, 'कांतारा चॅप्टर 1' जगभरातील बॉक्स ऑफिसवर 500 कोटी रुपयांच्या आकड्यापासून काही पाऊले दूर आहे. आगामी वीकेंडला चित्रपटाच्या कमाईत पुन्हा वाढ होण्याची शक्यता आहे.
8 व्या दिवशी किती कमाई?
सॅकनिल्क (Sacnilk) च्या रिपोर्टनुसार, 'कांतारा चॅप्टर 1' ने 8 व्या दिवशी 20.50 कोटी रुपयांची कमाई केली. वीकेंडला 118 कोटी रुपयांची कमाई करणाऱ्या या चित्रपटाच्या कलेक्शनमध्ये गेल्या 2 दिवसांपासून घट दिसून येत आहे. ओपनिंग डेला 61.85 कोटी रुपयांची कमाई करणाऱ्या या चित्रपटाने भारतात आतापर्यंत एकूण 334.94 कोटी रुपयांची कमाई केली आहे. या आकडेवारीनुसार, हा चित्रपट या वर्षातील सर्वाधिक कमाई करणाऱ्या चित्रपटांच्या यादीत समाविष्ट झाला आहे.
(नक्की वाचा- Bigg Boss Kannada: सगळ्या स्पर्धकांना बाहेर काढलं, 5 कोटी खर्चून बांधलेलं घर सील; नेमकं काय घडलं?)
'कांतारा चॅप्टर 1' चे आतापर्यंतचे कलेक्शन
'कांतारा चॅप्टर 1' च्या वर्ल्डवाइड कलेक्शनबद्दल बोलायचे झाल्यास, 8 दिवसांत या चित्रपटाने जगभरात 472.5 कोटी रुपयांची कमाई केली आहे. 500 कोटी रुपयांचा टप्पा पार करण्यासाठी चित्रपटाला अजून 27.5 कोटी रुपयांची गरज आहे. आगामी वीकेंडला चित्रपट चांगली कमाई करण्याची शक्यता असल्याने हा आकडाही पार होण्याची अपेक्षा आहे. 'कांतारा चॅप्टर 1' सोबत वरुण धवनचा 'सनी संस्कारी की तुलसी कुमारी' हा चित्रपटही प्रदर्शित झाला होता, ज्याने आतापर्यंत फक्त 58.35 कोटी रुपयांचीच कमाई केली आहे.
(नक्की वाचा- Bobby Deol: बॉबी देओलच्या लेकाने 12 वीनंतर सोडलं शिक्षण, त्यामागचं कारण ऐकून म्हणाल...)
चित्रपटात कोण-कोण?
'कांतारा चॅप्टर 1' च्या कलाकारांबद्दल बोलायचे झाल्यास, यात ऋषभ शेट्टीसोबत रुक्मिणी वसंत, गुलशन देवैया आणि जयराम यांनी मुख्य भूमिका साकारल्या आहेत. या चित्रपटाची खास बाब म्हणजे, लीड रोलमध्ये असलेल्या ऋषभ शेट्टीनेच याचे दिग्दर्शनही केले आहे.
Track Latest News Live on Marathi.NDTV.com and get news updates from India and around the world
