Viral Dance: परदेशी डान्सरला बॉलिवूडची भुरळ, पत्नीसोबत केला 'चुनरी चुनरी'गाण्यावर डान्स, नेटकरी म्हणाले हे तर.

Swedish Man Chunari Chunari Dance: बॉलिवूडचा 'भाईजान' सलमान खान आणि सुष्मिता सेन यांच्या 'चुनरी चुनरी' या गाण्याची जादू आजही कायम आहे. नुकताच एका स्वीडिश डान्सरने या गाण्यावर आपल्या पत्नीसोबत समुद्रकिनारी असा काही डान्स केला आहे की, त्याचा व्हिडिओ सोशल मीडियावर तुफान व्हायरल झाला आहे. कार्ल स्वानबर्ग असे या स्वीडिश तरुणाचे नाव असून, त्याने आपल्या बॉलीवूड प्रेमाने भारतीय चाहत्यांची मने जिंकली आहेत. नेटकऱ्यांनी ही त्याच्या या डान्सला दाद दिली असून या व्हिडीओवर कमेंटचा पाऊस पडला आहे. 

कार्ल स्वानबर्ग हा व्यावसायिक डान्सर असून त्याने स्वीडनमधील एका सुंदर समुद्रकिनाऱ्यावर हा व्हिडिओ शूट केला आहे. निळे आकाश आणि अथांग समुद्राच्या पार्श्वभूमीवर, काळ्या रंगाचा पोषाख आणि पांढऱ्या स्नीकर्समध्ये कार्ल अतिशय उत्साहात नाचताना दिसतोय. गाण्यातील 'चुनरी'ची थीम जपण्यासाठी त्याने हातात लाल रंगाचा दुपट्टा घेतला असून, सलमान खानच्या आयकॉनिक स्टेप्स त्याने हुबेहूब साकारल्या आहेत. परदेशात सलमानची आणि त्याच्या गाण्याची किती क्रेझ आहे हे ही या व्हिडीओ वरून समोर आले आहे. 

नक्की वाचा - Neetu Kapoor: नीतू कपूर यांना लागलं होतं दारूचं व्यसन, पेग घेतल्या शिवाय लागत नव्हती झोप, काय होतं कारण?

व्हिडिओमध्ये कार्ल केवळ डान्स करत नाही, तर तो उत्तम लिप-सिंक आणि ड्रॅमॅटिक एक्सप्रेशन्स देतानाही दिसतोय. जुन्या हिंदी चित्रपटांमधील गाण्यांमध्ये ज्याप्रमाणे मोठ्या हालचाली आणि भाव असायचे, तसेच त्याने आपल्या डान्समध्ये उतरवले आहेत. हा व्हिडिओ शेअर करताना कार्लने कॅप्शनमध्ये "Bollywood nostalgia at its best" असे म्हटले आहे. त्याने हे देखील नमूद केले की, हा व्हिडिओ त्याने त्याच्या पत्नीसोबत मिळून तयार केला आहे. या गाण्यावर डान्स करताना आनंद मिळाल्याचं ही त्याने म्हटलं आहे.