Astro Tips After Buying New Car: आजच्या भौतिक जीवनात प्रत्येक व्यक्ती आपल्या सोयीसाठी आणि आरामासाठी वाहन खरेदी करू इच्छितो. सध्या नवरात्र, दसऱ्याचे दिवस सुरु आहेत. त्यामुळे तुम्हीही गाडी घेण्याचा विचार करत असाल. मात्र, अनेकदा नवीन गाडी घेतल्यावर कुटुंबातील सदस्य, नातेवाईक किंवा शेजारी यांची वाईट नजर त्या वाहनावर पडते, ज्यामुळे वारंवार अपघात होणे, वाहनाचे नुकसान होणे किंवा सतत बिघाड होणे अशा समस्या सुरू होतात. अशा परिस्थितीतून सुटका मिळवण्यासाठी वाहनाची नजर उतरवणे आवश्यक मानले जाते. या लेखातून आम्ही वाहनाची नजर उतरवण्याचे काही सोपे आणि पारंपारिक उपाय सांगत आहोत. | Astro Tips After Buying New Car|
नजर उतरवण्याचे सोपे उपाय:
१. हनुमान यंत्राची स्थापना आणि मंत्र जप: जर तुम्ही नवीन वाहन घेतले असेल किंवा तुमच्या वाहनासोबत वारंवार अपघात होत असतील, तर शुक्ल पक्षातील पहिल्या मंगळवारी लाल रंगाच्या नवीन वस्त्रावर श्री हनुमान यंत्राची स्थापना करावी. त्यानंतर, लाल आसनावर बसून हनुमानजींना आपल्या रक्षणासाठी प्रार्थना करावी. याच वेळी, “ऊं मारुतात्मय नम:, हरि मर्कट मर्कटाय स्वाहा, ऊं क्लीं रं रं मारुते” या मंत्राची एक माळ जप करावी. त्यानंतर हे यंत्र आपल्या वाहनात योग्य ठिकाणी स्थापित करावे.
२. प्रवासापूर्वीचे नियम आणि मंत्र:
घरातून बाहेर पडण्यापूर्वी साखर मिसळलेले दही खाल्ल्याने कामात यश मिळते आणि प्रवासादरम्यान सुरक्षा राहते, असे मानले जाते. तसेच, घराबाहेर पडताना “पंथान सुपथा रक्षेत मार्ग क्षेमकरी तथा राजद्वारे महालक्ष्मिर्विजया सर्वत: स्थिता” या मंत्राचा अकरा वेळा जप करून बाहेर पडावे.
३. संरक्षणात्मक उपाय: नींबू-मिर्ची (लिंबू-मिरची): दुकानांमध्ये लिंबू आणि मिरची सात आणि एकच्या क्रमाने बांधली जाते. वाहनामध्ये देखील हे उपाय केल्यास वाईट नजर लागत नाही.
Navratri 2025: गरबा खेळताना टाळी तीनदा का वाजवली जाते? काय आहे यामागील रहस्य
४. प्रवासाआधी करा या गोष्टी: नजर बट्टू (Nazar Battu): हा निळ्या आणि पांढऱ्या रंगाचा ताईत असतो, जो कार किंवा घरात लावला जातो. रस्त्यात भैरव मंदिर दिसल्यास तिथे दोन अगरबत्त्या लावून त्याचा धूर वाहनावर सोडावा. लांब पल्ल्याच्या प्रवासाला निघण्यापूर्वी हनुमानजींच्या उजव्या पायाचा शेंदूर काढून त्याचा टिळा आपल्या कपाळावर लावावा.
५. लिंबू आणि ज्योतिषीय संबंध: जेव्हा कोणी नवीन गाडी खरेदी करतो, तेव्हा सर्वात आधी लिंबू गाडीखाली ठेवले जाते आणि ते चिरडले जाते. यामागील कारण असे आहे की लिंबू सर्व संकटे दूर करतो. तसेच, जर एखादी व्यक्ती तुमच्या प्रगतीचा मत्सर करत असेल, तर लिंबू गाडीखाली ठेवल्यास ती नजर हटते. ज्योतिषशास्त्रानुसार, लिंबूचा संबंध शुक्र आणि चंद्र या ग्रहांशी जोडलेला आहे. लिंबाचा आंबटपणा शुक्र ग्रहाशी आणि रस चंद्र ग्रहाशी संबंधित असल्याने तो दोन्ही ग्रहांचे प्रतीक मानला जातो. यामुळे नवीन गाडीच्या आजूबाजूची नकारात्मक ऊर्जा दूर राहते.
(नक्की वाचा: Ghee Cream Benefits: चेहऱ्यावर तूप लावण्याचे 8 चमत्कारी फायदे)
Track Latest News Live on Marathi.NDTV.com and get news updates from India and around the world
