Health News: रात्री झोपण्याची सर्वोत्तम वेळ कोणती? तणावमुक्तीसाठी किती वेळाची झोप गरजेची?

Best Sleep Time: बदलत्या जीवनशैलीमुळे आणि सवयींमुळे आपल्या शरीरावर आणि झोपेच्या वेळापत्रकावर मोठा परिणाम होत आहे. मोबाईल फोनचा अतिवापर, सोशल मीडिया, उशिरापर्यंत जागे राहण्याची सवय आणि कामाचा वाढता ताण यामुळे आपल्या झोपेच्या वेळेत बदल झाले आहेत. परिणामी, शरीर निरोगी ठेवण्यासाठी नेमके कधी आणि किती झोपावे, असे प्रश्न अनेकांच्या मनात येतात. याच संदर्भात, ब्रह्मकुमारी सिस्टर शिवानी यांनी झोपण्याची योग्य वेळ कोणती, याबद्दल मौल्यवान माहिती दिली आहे.

सिस्टर शिवानी यांनी नुकत्याच व्हायरल झालेल्या एका व्हिडिओमध्ये सांगितले की, रात्री 10 ते 2 वाजेपर्यंतचा (10 PM to 2 AM) काळ आत्मिक ऊर्जेसाठी (Soul Power) सर्वाधिक ऊर्जा देणारा असतो. त्या म्हणाल्या, "रात्री कोणत्याही वेळी झोपणे योग्य नाही. रात्री 10 ते 2 वाजेच्या दरम्यान घेतलेली झोप सर्वात गहन (Deep) आणि तणावातून (Stress) आराम देणारी असते. त्यामुळे या वेळी आपण शांत झोपेत असणे आवश्यक आहे." या वेळेतील झोप शरीराला आणि मनाला त्वरित ऊर्जा देण्यास मदत करते.

नक्की वाचा - Gemini च्या मदतीने स्वतःला बनवा खेळण्यासारखे!, हे प्रॉम्प्ट्स करा कॉपी-पेस्ट, मग पाहा काय होते कमाल

चांगल्या आणि लवकर झोपेसाठी सोपे उपाय
झोपेची गुणवत्ता सुधारण्यासाठी आणि वेळेवर झोप लागण्यासाठी सिस्टर शिवानी यांनी काही साधे आणि प्रभावी उपाय सांगितले आहेत.

नियमितता पाळा: 
दररोज एकाच वेळी झोपण्याची सवय लावा. असे केल्याने आपल्या मेंदूला (Brain) आराम करण्याची वेळ झाली आहे, असा संकेत मिळतो आणि आपण एक चांगली दिनचर्या (Routine) पाळू शकता.

मोबाइलचा वापर टाळा: 
झोपण्यापूर्वी मोबाइल आणि लॅपटॉपचा वापर करणे टाळावे. या स्क्रीन्सचा निळा प्रकाश (Blue Light) मेलाटोनिन (Melatonin) नावाच्या हार्मोनची निर्मिती कमी करतो, ज्यामुळे झोप लागण्यास उशीर होऊ शकतो. त्यामुळे झोपण्यापूर्वी किमान एक तास स्क्रीनचा वापर बंद करा.

कॅफीनपासून दूर राहा: 
झोपण्यापूर्वी चहा किंवा कॉफीसारख्या कॅफीनयुक्त (Caffeine Rich) पदार्थांचे सेवन करणे टाळावे. कॅफीनमुळे रात्रीच्या झोपेत अडथळा निर्माण होऊ शकतो.