Alcohol Side Effects: मद्यपान करणाऱ्यांसाठी दारू औषधापेक्षा कमी नसते. आरोग्याशी संबंधित कित्येक समस्यांपासून मुक्तता मिळवण्यासाठी काही लोक दारू पिण्याचा मार्ग निवडतात. पण आरोग्यतज्ज्ञ आणि डॉक्टरांच्या मते रोज दारू पिणे आरोग्यासाठी हानिकारक ठरू शकते. हिवाळ्यामध्ये रम पिणे लाभदायक असते, असं अनेकांचे मत आहे. हिवाळ्यात दारू प्यायल्यास शरीराला ऊब मिळते आणि सर्दी-खोकल्यापासून आराम मिळतो, असाही काहींचा समज आहे. पण खरंच असे फायदे मिळतात का? की हा केवळ गैरसमज आहे?... हिवाळ्यात दारू प्यावी का? सर्दीचा त्रास कमी करण्यासाठी दारू पिणे चांगलं असतं का? शरीरावर काय परिणाम होतात? जाणून घेऊया सविस्तर माहिती...
हिवाळ्यात दारू पिऊ शकतो का? | Can We Drink Alcohol In Winter Season
मॅक्स हेल्थ केअरचे डॉ. प्रेम नारायण वैश्य यांच्या मते, "हिवाळ्यात दारू प्यायल्याने शरीरामध्ये उष्णता निर्माण होऊ शकते, पण प्रत्यक्षात यामुळे तुमच्या शरीरातील तापमान वाढत नाही. जेव्हा तुम्ही दारू पिता त्यावेळेस रक्तवाहिन्या रुंदावतात. परिणामी त्वचेच्या भागामध्ये गरम रक्ताचा प्रवाह होऊ लागतो आणि तुम्हाला तात्पुरती ऊब जाणवते. खरंतर यामुळे तुमच्या शरीराच्या आतील तापमान घटते, ज्यामुळे हिवाळ्यात हायपोथर्मिया आजाराचा धोका वाढतो. एकूणच थंडीच्या दिवसात रात्री घेतलेल्या व्हिस्कीच्या एका घोटामुळे आराम मिळत असेल पण याद्वारे ऊब मिळते हा केवळ एक भ्रम आहे."
हिवाळ्यात दारू प्यायल्यास शरीरावर कोणते परिणाम होतात?
जेव्हा दारू रक्तामध्ये मिसळते, तेव्हा तुमच्या शरीरात कित्येक बदल होऊ लागतात, ज्यामुळे तापमान नियमनावरही परिणाम होतात. दारूमुळे शरीराच्या महत्त्वपूर्ण अवयवांद्वारे उष्णता त्वचेच्या भागात खेचली जाते, परिणामी शरीराचे अंतर्गत तापमान सामान्य स्थितीपेक्षा वेगाने कमी होते. थंडीमध्ये वातावरणातील तापमान कमी झाल्याने शरीर थरथरते, शरीराच्या या प्रक्रियेमध्ये अडथळे निर्माण होतात कारण दारूमुळे मेंदूच्या स्नायूंना संकेत मिळण्याची क्षमता मंदावते. दारूमुळे तुमची इंद्रिये सुस्तावतात, त्यामुळे हिवाळ्यात थंडी वाजतेय की नाही? हे दारू प्यायल्यामुळे तुम्हाला कळत नाही.
(नक्की वाचा: Garlic With Desi Ghee Health Benefits: लसूण तुपात फ्राय करून खाल्ल्यास काय होतं?)
एका दिवसात किती प्रमाणात दारू प्यावी?खरंतर रोज दारू पिण्याचे कोणतेही सुरक्षित प्रमाण नाहीय. कारण जागतिक आरोग्य संघटनेच्या (WHO) मते, मद्यपान करणं आरोग्यासाठी हानिकारक असते. तरीही जगभरातील आरोग्य संघटनांतर्फे दारूमुळे होणाऱ्या आरोग्याच्या समस्या कमी करण्यासाठी काही मार्गदर्शक तत्त्वांची शिफारस केली गेलीय. ज्यामध्ये मध्यम प्रमाणात मद्यपान करण्यास सांगितलं गेलंय. वेगवेगळ्या लोकांनुसार हे प्रमाण बदलू शकते. निरोगी पुरुषांनी दिवसातून दोनपेक्षा जास्त ड्रिंक आणि महिलांनी एकापेक्षा जास्त ड्रिंक पिऊ नये, असे सांगितलं गेलंय.
(नक्की वाचा: Viparita Karani Mudra: भिंतीवर पाय ठेवून उलटं झोपल्यानं काय होतं? रोज 10 मिनिटं व्यायाम केल्यास मिळतील जबरदस्त फायदे)
(Disclaimer: NDTV Marathi या माहितीची जबाबदारी घेत नाही. अधिक माहितीसाठी तज्ज्ञ/डॉक्टरांचा सल्ला घ्यावा.)
Track Latest News Live on Marathi.NDTV.com and get news updates from India and around the world
