Ajit Pawar Plane Crash Case: राष्ट्रवादी काँग्रेसचे (अजित पवार गट) आमदार अमोल मिटकरी यांनी माजी उपमुख्यमंत्री अजित पवार यांच्या विमान अपघात प्रकरणात अत्यंत खळबळजनक दावा केला आहे. गेल्या 13 दिवसांपासून रुग्णालयात उपचार घेत असलेल्या पिंकी माळी यांच्या आईची सोमवारी (9 मार्च) मिटकरींनी भेट घेतली. या भेटीदरम्यान पिंकी माळी यांच्या भावाला 'VSR' कंपनीचा मालक व्ही. के. सिंग याने व्हॉट्सॲप कॉल करून धमकावल्याचा आरोप मिटकरी यांनी केला आहे.
"अजित पवार इनके फ्लाईट को ठोक दिया" | Ajit Pawar Inke Flight Ko Thok Diya, Claims Amol Mitkari
मिटकरी यांनी सोशल मीडिया पोस्टमध्ये असंही म्हटलंय की, "मी पिंकी माळी यांच्या कुटुंबीयांची भेट घेतली असता त्यांनी मला एक रेकॉर्डेड कॉल ऐकवला. यामध्ये व्ही. के. सिंग याने पिंकीच्या भावाला मीडियापासून दूर राहण्याची धमकी दिली आहे. विशेष म्हणजे या संभाषणात पायलटच्या संदर्भात 'अजित पवार इनके फ्लाईट को ठोक दिया' अशी भाषा वापरण्यात आली आहे. यावरून व्ही. के. सिंग यांचे अंडरवर्ल्डशी तर संबंध नाहीत ना? अशी दाट शंका उपस्थित होते."
"आपल्या दादांचा घात झालाय" , अमोल मिटकरी भावुक | Amol Mitkari News | Ajit Pawar News
हे प्रकरण वरवर दिसते तितके साधे नाही, असे म्हणत मिटकरी यांनी पुन्हा एकदा घातपाताचा संशय व्यक्त केला आहे. त्यांनी आपल्या सोशल मीडिया पोस्टमध्ये #JusticeForDada असा हॅशटॅग वापरत, "आपल्या दादांचा घात झालाय," असेही विधान केलंय. या ऑडिओ क्लिपमुळे आता तपासाची चक्रे फिरणार का? व्ही. के. सिंग यांच्या अडचणीत वाढ होणार का? याकडे सर्वांचं लक्ष लागलंय.
पिंकी माळी कुटुंबावर दबाव? | Pinky Mali Threat Call Newsगेल्या तेरा दिवसांपासून उपचार घेत असलेल्या पिंकी माळीच्या आईच्या तब्येतीची आज हॉस्पिटल ला जाऊन विचारपुस केली. यावेळी तिचे वडील व भाऊ उपस्थित होते. VSR चा मालक VK सिंग याने वॉट्सअप कॉल करून मीडियापासुन दुर राहण्याची भावाला धमकी दिल्याचे Recorded कॉल वर ऐकले.ज्यात पायलट ने “अजित… pic.twitter.com/URP2RaXTX6
— आ. अमोल गोदावरी रामकृष्ण मिटकरी (@amolmitkari22) March 9, 2026
अपघातातील पीडित कुटुंबाला प्रसारमाध्यमांपासून दूर राहण्यासाठी दबाव टाकला जात असल्याचा आरोप आता राजकीय वर्तुळात चर्चेचा विषय ठरला आहे. अजित पवार यांचे सुपुत्र जय पवार देखील लवकरच या कुटुंबाची भेट घेणार आहेत.
आमदार अमोल मिटकरी काय म्हणाले? ऐका संपूर्ण व्हिडीओ | Amol Mitkari | Ajit Pawar Plane Crash News
Track Latest News Live on Marathi.NDTV.com and get news updates from India and around the world
