राष्ट्रवादी काँग्रेस पक्षाचे ज्येष्ठ नेते छगन भुजबळ उद्या (मंगळवार, 20 मे ) रोजी मंत्रिपदाची शपथ घेणार आहेत. धनंजय मुंडे यांच्या राजीनाम्यानं रिक्त झालेल्या जागी भुजबळ यांची निवड होणारआहे. भुजबळांना धनंजय मुंडे यांचेच अन्न आणि नागरी पुरवठा मंत्रालय दिलं जाणार आहे, अशी माहिती सुत्रांनी दिलीय. 

यापूर्वी मंत्रिमंडळातून डावलल्याने छगन भुजबळ नाराज होते. त्यानंतर छगन भुजबळ यांना यानिमित्ताने मंत्रिमंडळात स्थान देऊन त्यांची नाराजी दूर केली जाणार आहे. 

मंगळवारी सकाळी 10 वाजता भुजबळ मंत्रिपदाची शपथ घेणार आहेत. 

आम आदमी पक्षाचे खासदार संजय सिंह यांनी आज मातोश्री येथे पक्षप्रमुख उद्धव ठाकरे ह्यांची भेट घेतली. ह्यावेळी युवासेनाप्रमुख शिवसेना नेते आमदार आदित्य ठाकरे आणि शिवसेना नेते-सचिव खासदार अनिल देसाई उपस्थित होते.

लातूरच्या उदगीर शहरात अप्पाराव पाटील कौळखेडकर चौकात एसटी बस चालकांस दोघांनी मारहाण केल्याची घटना घडली आहे ,मारहाण करून पळून जाणाऱ्या व्यक्तीला अवघ्या 20 मिनिटात ग्रामीण पोलिसांनी ताब्यात घेतले आहे,देगलूर कडून उदगीरकडे येणारी देगलूर आगाराची एसटी बस क्रमांक एम एच 20 बीएल 1798 च्या चालकांना तू कट का मारलास म्हणून एम एच 46 एआर 7697 च्या चालकाने व अन्य एका साथीदाराने एसटी बस चालकांस अप्पाराव पाटील कौळखेडकर चौकात अडवून बेदम मारहाण केली या मारहाणीत एसटी बस चालक जखमी झाला आहे.

श्री छत्रपती कारखान्यावर पुन्हा एकदा अजित पवारांचं वर्चस्व. अद्याप निकाल स्पष्ट नाही मात्र निकालाचा कौल श्री जय भवानी माता पॅनलच्या बाजूने.. सकाळी नऊ वाजल्यापासून मतमोजणी अद्यापही सुरूच. निकालाचे कल हाती येतात कार्यकर्त्यांकडून गुलालाची उधळण करत जल्लोष.

लातूरच्या बार्शी रोडवरील रेल्वे उड्डाणपुलावर  ट्रॅक्टर व ऑटोचा भीषण अपघात झाला आहे. यात तीन जणांचा जागीच मृत्यू झाला आहे. तर तीन जण गंभीर जखमी झाले आहेत. लातूर शहरापासून जवळच असलेल्या बार्शी रोडवरील रेल्वे उड्डाण पुलावर हा अपघात झाला.  ट्रॅक्टर व ऑटोचा समोरासमोर धडक बसून भीषण अपघात झाला. यामध्ये तीन जण जागेवरच ठार झाले. 

अखेर वसई विरार महापालिकेचे नगररचना उपसंचालक वाय एस रेड्डी निलंबित

ईडीच्या कारवाईमुळे महापालिका आयुक्तांचा निर्णय

नालासोपारा येथील 41 अनधिकृत इमारत बांधकाम भ्रष्टाचार प्रकरणात वाय एस रेड्डी यांचा होता सहभाग

अनधिकृत बांधकाम माफियांसह रेड्डी यांच्या हैद्राबाद येथील घरावर टाकले होते छापे.

ED च्या छाप्यात रेड्डीकडे 9 कोटी 60 लाखांची रोकड आणि 23 कोटींचे हिरेजडित दागिन्यांचे सापडले होते 

निलंबना  याशिवाय रेड्डी यांची विभागीय चौकशी देखील केली जाणार

यापूर्वी 2016 साली रेड्डी यांना शिवसेना नगरसेवाकाला 1 कोटींची लाच दिल्याप्रकरणी अटक करण्यात आले होते

रेड्डी यांचे कृत्य हे महाराष्ट्र नागरी सेवा (वर्तणुक) यांच्या नियमांचे भंग करणारे असल्याने त्यांना सेवेतून निलंबित करण्यात आले

नौदल प्रमुख पंतप्रधान नरेंद्र मोदींच्या भेटीला

पंतप्रधान मोदींची नौदलाच्या प्रमुखासोबत बैठक

हिंगोली जिल्ह्यात मागील तीन ते चार दिवसापासून वादळी वाऱ्यासह आणि विजांच्या कडकडाटासह अवकाळी पाऊस हजेरी लावत आहे आज देखील हिंगोली जिल्ह्यात वादळी वारे विजांच्या कडकडाटासह अवकाळी पाऊस पडत आहे.. अचानक आलेल्या वादळी वाऱ्याने लग्न मंडप देखील उडाला आहे तर अचानक आलेल्या वादळी वाऱ्यासह पावसामुळे नागरिकांची मोठी तारांबळ उडाली आहे..

 सोलापूर शहरात पावसाची जोरदार बॅटिंग 

विजांचा कडकडाट आणि मेघगर्जनेसह सुरूय मुसळधार पाऊस

हवामान विभागाने सोलापूर जिल्ह्याला जारी केला आहे ऑरेंज अलर्ट 

मान्सूनपूर्व कोसळणाऱ्या मुसळधार पावसामुळे उकाड्याने हैराण झालेल्या नागरिकांना मिळाला दिलासा 

मात्र या मान्सूनपूर्व पावसामुळे बागायतदार शेतकऱ्यांच्या चिंतेत पडली भर

पुण्यातील काँग्रेस महिला प्रदेशाध्यक्ष संगीता तिवारी यांनी काँग्रेसला राम राम ठोकण्याचा निर्णय घेतला आहे.त्यांनी काँग्रेस पदाधिकाऱ्यांवर काही गंभीर आरोप देखील केले आहेत.ज्याप्रमाणे त्या उत्तर भारतीय ब्राम्हण असल्याने त्यांच्यावर ॲट्रॉसिटी सारखा गंभीर गुन्हा दाखल करण्याचा प्रयत्न केला गेला. महिलांच्या बाबतीत काँग्रेसचा उदासीनतेचा भाव असे एक ना अनेक आरोप केल्याने पुण्यातील काँग्रेस मध्ये याने खळबळ माजली आहे

मुंबई गोवा महामार्गावरील सोनगिरी संगमेश्वर येथे मुंबई गोवा महामार्ग वरील वाहतूक ठप्प

महामार्गाचे काम सुरू असताना एक जेसीबी पलटी 

रस्त्याच्या मध्यभागी पडल्यामुळे दोन्ही ठिकाणची वाहतूक बंद 

 पूर्णतः ठप्प झाल्याने वाहनांच्या लांबच्या लांब रांगा 

जेसीबी बाजूला करण्याचे युद्ध पातळीवरती काम सध्या सुरू आहे..

 गेल्या अर्धा तासापासून ही वाहतूक ठप्प.

 जालना जिल्ह्यात आज झालेल्या वादळी वाऱ्याच्या झालेल्या पाऊसात भोकरदन तालुक्यातील पिंपळगाव रेणुकाई शिवारात शेतात काम करीत असताना  विज कोसळुन दोघे जण जागीच ठार झाले तर एक जण जखमी झाल्याची घटना घडलीय.गणेश प्रकाश जाधव(३५) सचिन विलास बावस्कर (२८) असं ठार झालेल्या तरुण शेतकऱ्यांचं नाव असून प्रंशात रमेश सोनवणे गभीर जखमी झालाय. स्थानिक नागरिकांनी त्याला उपचारसाठी सिल्लोड येथील शासकीय रुग्णालयात हळविण्यात आले आहे. हे तीन ही तरुण भोकरदन तालुक्यातील कोठाकोळी गावातील राहिवाशी असल्याची माहिती समोर आली असून आज सकाळीच शेताच्या कामासाठी ते रेणुकाई पिपंळगाव या ठिकाणी आले असल्याचे समोर आलंय या घटनेने परिसरात हळहळ व्यक्त केल्या जातं आहे...

परराष्ट्र सचिव विक्रम मिस्री संसदेच्या परराष्ट्र व्यवहार समितीला ऑपरेशन सिंदूर बाबत माहिती देणार.

ऑपरेशन सिंदूरचे संपूर्ण विवरण, पाकिस्तानसह अलीकडील परराष्ट्र धोरणातील घडामोडींवर चर्चा होणार.

पॅनेलला दिली जाणारी ही पहिली अधिकृत माहिती असेल. काहीच वेळात हि बैठक शुरु होणार 

परराष्ट्र विषयक स्थायी समितीच्या बैठकीसाठी संसद भवन अॅनेक्समध्ये परराष्ट्र सचिव विक्रम मिश्री, काँग्रेस खासदार राजीव शुक्ला दाखल झाले. बरोबरच AIMIM खासदार असदुद्दीन ओवैसी, भाजप खासदार नवीन जिंदाल, रवी शंकर प्रसाद आणि खासदार सतनाम सिंग संधू हेही या बैठकीसाठी उपस्थित.

भाजप खासदार आरपीएन सिंग, अपराजिता सारंगी आणि अरुण गोविल देखील परराष्ट्र विषयक स्थायी समितीच्या बैठकीसाठी संसद भवन अॅनेक्समध्ये दाखल झाले.

विधानभवनाच्या दारावर आग लागल्याची बातमी समोर आली आहे. शॉर्ट सर्किट झाल्यामुळे इलेक्ट्रिक बोर्डला आग लागली. आगीची बातमी कळताच तातडीने अग्निशमन दलाच्या गाड्या घटनास्थळी दाखल झाल्या. त्यासोबतच विधानसभा अध्यक्ष राहुल नार्वेकर यांनीही पाहणी केली. 

संतोष देशमुख हत्या प्रकरणात वाल्मीक कराडचा निर्दोष मुक्तीचा अर्ज कायम 

वाल्मीक कराडच्या अर्जावर थोड्याच वेळात निर्णय होणार

महाराष्ट्रातील अवकाळी पाऊस नुकसानीचा केंद्रीय कृषिमंत्री शिवराजसिंह चौहान घेणार आढावा 

- कृषिमंत्री माणिकराव कोकाटे यांच्यासह राज्याचे कृषी विभागाचे वरीष्ठ अधिकारी आढावा बैठकीला उपस्थित राहणार 

- व्हीसीद्वारे दुपारी बारा वाजता होणाऱ्या या बैठकीत राज्याचे कृषिमंत्री नाशिकमधून बैठकीला उपस्थित राहणार

परराष्ट्रमंत्री एस. जयशंकर आजपासून तीन देशांच्या दौऱ्यावर 

नेदरलँड, डेनमार्क आणि जर्मनीच्या परराष्ट्रमंत्र्यांना भेटणार, चर्चेत पाकिस्तानचा पर्दाफाश करणार

एस.जयशंकर आजपासून 3 देशांच्या दौऱ्यावर 

उपमुख्यमंत्री अजित पवार बीडमध्ये दाखल..

मुंबईकरांची तहान भागवणाऱ्या धरणांतला पाणीसाठा केवळ १८ टक्क्यांवर 

मुंबईला पाणीपुरवठा करणाऱ्या धनरांमध्ये १८ टक्के पाणीसाठा शिल्लक राहील आहे 

यंदा मुंबईकरांना अवकळी पाऊस आणि वाढती उष्णता याचा सामना करावा लागला तसेच उन्हाच्या झळांचा परिणाम पाणी पुरवठ्यावर देखील झाला

सध्याच्या घडीला सात धरणातील पाणीसाठा १८ टक्के असला तरी मुंबईकरांवर पाणी कपातीचे संकट नाही

जुलै पर्यंत पाणी पुरवठा सुरळीत ठेवण्याचे नियोजन पालिकेने केले असून राज्य सरकारच्या कोट्यातूंसुद्धा पाणी उपलध्ब करण्यात आले आहे 

मात्र ७ जून पर्यंत पाऊस मुंबईत दाखल होणार आहे जर पाऊस उशिरा आल्यास पाणीकपातीचे संकट मुंबईकरांवर ओढावू शकते 

तूर्त पालिकेने पाणिकापात न करण्याचा निर्णय घेतल्यामुळे मुंबईकरांचा पाणीपुरवठा सुरळीत राहणार

अकोल्याच्या बाळापुर तालुक्यातील एका गावात १६ वर्षीय मुलीचा बालविवाह रोखण्यासाठी यश आलं.. दरम्यान, बाळापूर हद्दीतील एका गावातील विवाह थांबवण्यासाठी अॅसेस टू  जस्टीस प्रकल्प व बाल कल्याण समितीने हस्तक्षेप केलाये. मुलीची हळदी, बांगड्यांचा कार्यक्रम सुरू असतानाच पथकाने कारवाई केली. पाहुणे जमलेले असताना समुपदेशन करून पालकांकडून हमीपत्र घेतले. ग्रामस्तरीय पथकाच्या मदतीने विवाह थांबवण्यात यश आले. अल्पवयीन मुलीचे भविष्य वाचवणारे हे तात्काळ पाऊल कौतुकास्पद ठरले.

राज्याचे उपमुख्यमंत्री अजित पवार आज बीड जिल्ह्याच्या दौऱ्यावर आहेत. अजित पवार हे पालकमंत्री झाल्यानंतर तिसऱ्यांदा बीड जिल्हा दौऱ्यावर येत असून, परळीत मात्र दादा पहिल्यांदा येत आहे. परळी, अंबाजोगाई, बीड आणि गेवराई या चार मतदारसंघांत अजित पवार ११ तास असणार आहेत. विशेष म्हणजे शिवराज दिवटे मारहाण प्रकरणानंतर बीडच वातावरण तापले असून, पुन्हा एकदा बीड जिल्ह्यातील गुंडगिरीची चर्चा होत आहे. विशेष म्हणजे अजित पवार यांनी बीड जिल्ह्याचे पालकमंत्री स्वीकारल्यानंतर देखील  बीडमधील परळी पॅटर्न काही थांबायला तयार नाही. त्यामुळे आजचा अजित पवारांचा दौरा महत्वाचा समजला जात असून, या दौऱ्यावर अजित पवार नेमकं काय बोलतात हे पाहणे महत्वाचे असणार आहे.

मुख्यमंत्री  देवेंद्र फडणवीस यांच्या शुभहस्ते 'विदर्भ पाणी परिषदे'च्या पोस्टरचे औपचारिक विमोचन

-  7,8,9 जून रोजी नागपूरत होणार विदर्भ पाणी परिषद.

- राष्ट्रसंत तुकडोजी महाराज नागपूर विद्यापीठ राष्ट्रीय सेवा योजना आणि जनकल्याणकारी समिती यांच्या संयुक्त विद्यमाने विदर्भ पाणी परिषदेचे आयोजन. 

- पाणी परिषद मध्ये ज्यात विदर्भातील जल व्यवस्थापनाशी संबंधित समस्यांवर चर्चा केली जाणार आहे.