Mumbai AC Local News: मुंबईच्या उपनगरीय रेल्वे नेटवर्कच्या आधुनिकीकरणासाठी एक ऐतिहासिक पाऊल उचलत मुंबई रेल्वे विकास निगम लि. (एमआरव्हीसी) ने 2,856 पूर्ण वातानुकूलित वंदे मेट्रो (उपनगरीय) डब्यांच्या खरेदी व दीर्घकालीन देखभालीसाठी ई-प्रोक्युअर संकेतस्थळावर ई-निविदा जाहीर केली आहे. हे रॅक 12, 15 व 18 डब्यांच्या रचनेत, गरज व परिचालनाच्या व्यवहार्यतेनुसार, उपलब्ध केले जातील. यामुळे प्रवासी क्षमता, सोय व सुरक्षिततेत मोठ्या प्रमाणावर वाढ होणार आहे.
सध्या मुंबईतील बहुतेक उपनगरीय गाड्या 12 डब्यांच्या रॅकसह चालवल्या जातात, तर 15 डब्यांच्या रॅकसह केवळ काहीच सेवा सुरू आहेत. भविष्यातील मागणी पूर्ण करण्यासाठी व गर्दी कमी करण्यासाठी या खरेदीत मोठ्या प्रमाणावर 15 डब्यांच्या सेवांचा व आवश्यकतेनुसार 18 डब्यांच्या रॅकचा समावेश आहे.
Mumbai Local Train Ticket: QR कोडद्वारे तिकीट बुकींग सेवा स्थगित, रेल्वे प्रशासनाचा मोठा निर्णय
6 सप्टेंबर 2025 रोजी मुंबई अर्बन ट्रान्सपोर्ट प्रोजेक्ट (MUTP) फेज III व IIIA अंतर्गत अपलोड करण्यात आलेली ही निविदा, केवळ आधुनिक रॅक पुरवण्यावरच नव्हे तर पुढील 35 वर्षांपर्यंत त्यांच्या देखभालीवर देखील भर देते. दोन अत्याधुनिक मेंटेनेंस डेपो — मध्य रेल्वेवरील भीवपूरी येथे व पश्चिम रेल्वेवरील वाणगांव येथे — विकसित केले जातील. निविदा सादरीकरण 8 डिसेंबर 2025 पासून सुरू होईल व निविदा उघडण्याची तारीख 22 डिसेंबर 2025 निश्चित करण्यात आली आहे. ही निविदा मेक इन इंडिया धोरणानुसार राबवली जाईल, ज्यामुळे देशांतर्गत उत्पादन व तंत्रज्ञानाचा मोठ्या प्रमाणात समावेश होईल.
वंदे मेट्रो (उपनगरीय) डब्यांची प्रमुख वैशिष्ट्ये
• वातानुकूलित, पूर्णपणे वेस्टिब्यूल्ड रॅक
• जास्त त्वरण व ब्रेकिंग क्षमता, वेळेवर धावण्यासाठी उपयुक्त
• सुरक्षासाठी स्वयंचलित दरवाजे बंद प्रणाली
• आधुनिक आतील सजावट, गादीदार आसन, मोबाइल चार्जिंग पॉईंट व माहितीप्रद प्रणाली
• 130 कि.मी. प्रति तास पर्यंत वेग क्षमता
• दोन्ही टोकांना विक्रेत्यांसाठी डबे (स्वतंत्र एसी डक्टसह)
• उच्च क्षमतेचे एचव्हीएसी - मुंबईच्या हवामानातील प्रवाशांच्या आरामाची खात्री करणे
• जागतिक दर्जाच्या सुरक्षा प्रणाली, ज्यामध्ये सुधारित ब्रेकिंग आणि प्रवासी प्रवाह डिझाइनचा समावेश आहे
श्री विलास सोपन वाडेकर, अध्यक्ष व व्यवस्थापकीय संचालक, एमआरव्हीसी म्हणाले की, “2,856 वंदे मेट्रो (उपनगरीय) डब्यांची ही महत्त्वाकांक्षी खरेदी मुंबईच्या वाहतूक पायाभूत सुविधांमध्ये एक मोठा बदल घडवून आणेल. 12, 15 व 18 डब्यांचे अधिक लांब, जलद व सुरक्षित रॅक सुरू करून आम्ही गर्दी कमी करणे तसेच वेळेवर सेवा व प्रवासी सुरक्षा सुनिश्चित करणार आहोत. स्वयंचलित दरवाजे, प्रगत तांत्रिक वैशिष्ट्ये व जागतिक दर्जाची देखभाल सहाय्य यांसारख्या आधुनिक सुविधांसह एमआरव्हीसी लाखो दैनंदिन प्रवाशांच्या अपेक्षा पूर्ण करणारी भविष्याभिमुख उपनगरीय रेल्वे देण्यासाठी कटिबद्ध आहे.
Track Latest News Live on Marathi.NDTV.com and get news updates from India and around the world
