अमरावतीत अभिजित अडसूळ आणि नवनीत राणा यांच्यात पुन्हा वाद पेटला. शिंदे गटाचे नेते अभिजित अडसूळ यांनी भाजप नेत्या नवनीत राणा यांना प्रत्युत्तर दिलं आहे. दर्यापूर, अंजनगाव सुर्जी व अमरावतीत माझं घर आहे, नवनीत राणा ताईच्या आधी अमरावतीत राहतोय. 10 वर्ष आंनदराव अडसूळ व मी पाच वर्षे आमदार होतो. ताई लोकसभा हरल्या त्यामुळे त्यांना आजची गर्दी बघून दुःख झाले असेल. नवनीत राणा यांना उमेदवारी नको तर मग साड्या कशाला वाटता. मी मागणी करतो तुम्ही भाजपकडून मागणी करा. फक्त  दोघांच्या भांडणात तिसऱ्याचा लाभ होऊ नये. दर्यापूरमध्ये साड्या वाटप करून स्वतः नंबर लावून नवनीत राणा उभं राहू पाहत आहे. 

कोल्हापुरातील करवीर निवासीनी अंबाबाई मंदिरात नवरात्र उत्सवामुळे भाविकांनी मोठी गर्दी केलीये. आजच्या पाचव्या दिवशी सरस्वती देवीच्या रूपात पूजा बांधलीये. पाचव्या माळेची पूजा पाहण्यासाठी कोल्हापूरसह इतरही जिल्ह्यातील भाविकांनी गर्दी केलीये. 3 लाखहून अधिक भाविकांनी आतापर्यत दर्शन घेतलं. राज्यभरातून भाविक देवीच्या दर्शनासाठी येतात. मंदिर परिसरात भक्तीमय वातावरण आहे.

धनगर आरक्षण संदर्भात सुधाकर शिंदे समिती रिपोर्ट शासनाकडे सादर करण्यात आला आहे. एक हजार पानांनी अहवाल सादर करण्यात आला असून उद्या कॅबिनेट बैठकीत धनगर आरक्षण आदिवासी संदर्भात अहवाल सादर होणार का याकडे सर्वांच लक्ष लागलं आहे. ओबीसी मंत्रालय सचिव विनिता सेहगल यांच्याकडे हा अहवाल सादर करण्यात आला आहे.

एकनाथ शिंदे गटाचा दसरा मेळावा यावर्षीही आझाद मैदानात होणार आहे. आतापर्यंत शिंदे गटाकडून दसरा मेळाव्यासाठी बीकेसी मैदानावर तयारी केली जात होती. आज मात्र शिंदे गटाकडून आझाद मैदान निश्चित करण्यात आल्याची माहिती आहे. 

मलबार हिल विधानसभेतील जैन समाजाच्या प्रतिष्ठीत नागरीकांनी आज मातोश्री येथे शिवसेना (उद्धव बाळासाहेब ठाकरे) पक्षात प्रवेश केला. पक्षप्रमुख  उद्धव ठाकरे ह्यांनी भेरु चौधरी, राहुल रांका, सुरेश दोशी, सुरेश दालजी सेठ, अनिल भंवर, पंकज जैन, शैलेश बोहरा, पवन मेहता, दिनेश सालेचा, अशोक रायजॉनी आणि रमेश बाफना ह्यांचे पक्षात स्वागत केले.

छत्रपती संभाजीनगरच्या सिल्लोडमध्ये दुसऱ्या दिवशीही अब्दुल सत्तारांनी दिलेल्या साड्या पेटवून देण्यात आल्या. सिल्लोड तालुक्यातील मांडना गावात हा सर्व प्रकार समोर आला आहे. यावेळी अब्दुल सत्तार यांच्या विरोधात जोरदार घोषणाबाजी देखील करण्यात आली. कालच सिल्लोडच्या वांगी गावात दिलेल्या साड्यांची होळी करण्यात आली होती. त्यानंतर आज देखील असाच काही प्रकार समोर आला आहे.....

अखेर हर्षवर्धन पाटील यांचा शरद पवार गटात प्रवेश 

नागपूर रेल्वे स्थानकावर प्लॅटफॉर्म क्रमांक 7 वर पहाटे एका मनोरुग्णाने काही जणांवर हल्ला केला.  लाकडी पाट्याने केलेल्या अनपेक्षित हल्ल्यात चार जण जखमी झाले असून यात एकाचा मृत्यू झाला आहे. हल्लेखोराला ताब्यात घेण्यात आले असून त्याची चौकशी सुरू आहे. 

मोर्शी विधानसभेत अनिल बोंडेना मोठा धक्का बसण्याची शक्यता आहे. डॉ.मनोहर आंडेंसह तीन नेते हाती तुतारी घेण्याच्या तयारीत आहेत. डॉ. मनोहर आंडे, चंदू यावलकर, राजेंद्र आंडे यांनी विधानसभेसाठी पुण्यात मुलाखती दिल्याची माहिती आहे. 

कृषी उत्पन्न बाजार समितीच्या कर्मचाऱ्यांनी राज्यव्यापी संप पुकारल्यामुळे वाशिम जिल्ह्यातील बाजार समिती आज बंद राहणार आहे. बाजार समितीच्या कर्मचाऱ्यांना महाराष्ट्र शासनाच्या कर्मचाऱ्यांप्रमाणे वेतन आणि सुविधा लागू कराव्या, या मागणीसाठी एकदिवशिय लाक्षणिक बंद पुकारण्यात आला आहे. त्यामुळे वाशिम जिल्ह्यातील सहाही कृषी उत्पन्न बाजार समित्यांचे कर्मचारी या बंदमध्ये सहभागी होत असल्याने जिल्ह्यातील सर्व बाजार समित्या आज बंद राहणार आहेत.

लांजा तालुक्यात शिवसेना उबाठाला खिंडार पडलं असून पालकमंत्री उदय सामंत आणि किरण सामंत यांच्या उपस्थितीत भांबेड जिल्हा परिषद गटातील 18 गावातील पदाधिकाऱ्यांनी शिवसेनेत प्रवेश केला आहे. उबाठाचे जिल्हा युवा अधिकारी विनय गांगण यांच्यासह माजी जिल्हा परिषद सदस्य, माझी पं. स.उपसभापती, काही गावातील सरपंच, ग्रामपंचायत सदस्य तर भांबेड ग्रामपंचायतच्या सदस्यांनी शिवसेनेत प्रवेश केला आहे. त्यामुळे आमदार राजन साळवी यांना हा धक्का मानला जातोय. आजच्या प्रवेश सभेची गर्दी बघून विरोधकांना शब्द सुचणार नाहीत, लांजा राजापूरवासियांची सेवा करण्याचा मी निर्धार केला म्हणून राजकारणात आलो असल्याचे किरण सामंत यांनी यावेळी सांगितलं. दरम्यान प्रवेश करणाऱ्या सर्वांना आदराची वागणूक दिली जाईल असा शब्द यावेळी उद्योग मंत्री उदय सामंत यांनी यावेळी दिला.