पंतप्रधान नरेंद्र मोदी यांच्या हस्ते नागपूर (अजनी) ते पुणे वंदे भारत (Pune to Nagpur Vande Bharat) एक्स्प्रेसचा शुभारंभ आज रविवारी 10 ऑगस्ट रोजी ऑनलाईन पद्धतीने होणार आहे. सकाळी 9 वाजता नागपूर रेल्वे स्टेशनवर आयोजित कार्यक्रमात पंतप्रधान मोदी ऑनलाईन उपस्थित राहणार असून याच कार्यक्रमात बंगळुरू-बेळगाव आणि श्री माता वैष्णोदेवी कटरा - अमृतसर वंदे भारत एक्सप्रेस सेवांचाही प्रारंभ होईल.
नागपूर रेल्वे स्थानकावरून ही तिसरी वंदे भारत एक्स्प्रेस सेवा असेल. यावेळी प्रवाशांना शुभेच्छा देण्यासाठी मुख्यमंत्री देवेंद्र फडणवीस, केंद्रीय मंत्री नितीन गडकरी, खासदार आमदार यांच्यासह विविध क्षेत्रातील मान्यवर उपस्थित राहतील. यापूर्वी नागपूर-बिलासपूर आणि नागपूर-सिकंदराबाद या दोन वंदे भारत एक्सप्रेस सेवा सुरू आहेत.
नक्की वाचा - Vande Bharat Train : पुणे-नागपूरसह वैष्णो देवीलाही जाणं सोपं होणार; तिकीट दर, वेळ वाचा सर्वकाही
- 1 नागपूर-पुणे मार्गावर वंदे भारत एक्सप्रेस सुरू करण्याची मागणी गेल्या अनेक वर्षांपासून होत होती. ही सेमी-हायस्पीड एसी चेअर कार सेवा सुरू झाल्याने नागपूर व पुणे दरम्यान प्रवास करणाऱ्या प्रवाशांना मोठा दिलासा मिळणार आहे.
मार्ग आणि थांबे: - नवीन वंदे भारत एक्सप्रेस अजनी (नागपूर) येथून सकाळी 9.50 वाजता सुटेल आणि रात्री 9.50 वाजता पुण्याला पोहोचेल. आठवड्यातून सहा दिवस ही सेवा सुरू राहील. सोमवारी नागपूरहून ट्रेन चालणार नाही.
पुण्याहून ही ट्रेन सकाळी 6.25 वाजता सुटून, संध्याकाळी 6.25 वाजता अजनीला पोहोचेल.
या ट्रेनचे थांबे पुढीलप्रमाणे आहेत – वर्धा, बडनेरा, अकोला, शेगाव, भुसावळ, जळगाव, मनमाड, कोपरगाव, अहमदनगर, दौंड.
- प्रकार आणि भाडे:
प्रवाशांच्या दीर्घकालीन मागणीनुसार ही ट्रेन स्लीपर वंदे भारत असावी अशी अपेक्षा होती. मात्र, सध्या ही सेवा एसी चेअर कार आणि एक्झिक्युटिव्ह एसी चेअर कार स्वरूपात सुरू करण्यात येत आहे.
- एसी चेअर कारचे भाडे सुमारे1500 रुपये
एसी एक्झिक्युटिव्ह चेअर कारचे भाडे 3500 रुपये असणार आहे.
- 5 नियमित सेवा 14 ऑगस्टपासून
10 ऑगस्ट रोजी उद्घाटनानंतर, 14 ऑगस्टपासून वंदे भारत एक्सप्रेसची नियमित सेवा सुरू होईल.
Track Latest News Live on Marathi.NDTV.com and get news updates from India and around the world
