शिवसेना शिंदे गटाचे डहाणूचे पदाधिकारी अशोक धोडी मागील आठ दिवसांपासून बेपत्ता आहेत. डहाणू विधानसभा समन्वयक अशोक धोडी यांचं अपहरण झाल्याचा कुटुंबीयांचा आरोप  असून आठ दिवसांपासून पोलीस ठाण्यात फेऱ्या मारून देखील पोलिसांनी योग्य तपास सुरू न केल्याचा धोडी कुटुंबाचा आरोप आहे. अशोक धोडी हे गुजरात आणि महाराष्ट्र राज्याच्या सीमा वादावर नेहमीच आक्रमक असायचे त्यामुळे त्यांचे अपहरण करून धोडी यांना गुजरातमध्ये नेल्याचा संशय धोडी कुटुंबाकडून व्यक्त केला जात आहे.

काँग्रेस प्रदेशाध्यक्ष नाना पटोले यांच्यासह महाराष्ट्रातील काँग्रेस नेते महू येथील सभास्थळी रवाना झाले आहेत

आज काँग्रेसचा मेळावा महू गावात पार पडणार आहे

या मेळाव्याला राहुल गांधी उपस्थित असणार आहेत

या मेळाव्यात विशेष लक्ष आहे, कारण प्रदेशाध्यक्ष बदलाची चर्चा या दौऱ्या दरम्यान केली जाऊ शकते

अल्पवयीन प्रेमी युगुलाची विक्रोळी रेल्वे स्थानकाजवळ आत्महत्या

एक्सप्रेससमोर उडी घेऊन उचललं टोकाचं पाऊल 

मुलीचं वय 15 तर मुलाचं वय 19

घरच्यांचा लग्नाला विरोध असल्याने आत्महत्या केल्याची प्राथमिक माहिती

अंधेरीनंतर आता कांदिवलीमधील शाळेला धमकीचा मेल.

रायन शाळेला आलेल्या धमकीच्या मेलनंतर आता कांदिवलीतल्या सरदार वल्लभभाई पटेल शाळेला  धमकीचा मेल आला आहे. कांदिवली एज्युकेशन ट्रस्टच्या सरदार वल्लभभाई पटेल शाळेला अफजल गँगच्या नावे धमकी आली होती. शाळेला बॉम्बने उडवण्याची धमकी यावेळी देण्यात आली होती. पोलिसांनी शाळेत तपासणी केली असता संशयास्पद असे काहीही आढळले नाही.

कुंभमेळ्यात आज २७ जानेवारीला धर्मसंसद

या धर्मसंसदेत चार शंकराचार्य, 13 आखाड्यांचे प्रतिनिधी, विविध संप्रदायांचे पिठाधीश्वर, धर्माचार्य, प्रख्यात कथावाचकही सहभागी होणार आहेत. धर्मसंसदेत सनातन बोर्डाची स्थापना, श्रीकृष्ण जन्मभूमी मंदिरावरील अतिक्रमण हटवून भव्य मंदिर उभारणी इत्यादीबाबत चर्चा होण्याची शक्यता आहे. तिरुपतीच्या बालाजी मंदिरातील प्रसादातील भेसळ प्रकरणातील दोषींना शिक्षा देणे, सनातनी धर्माचार्यांसाठी संसदेत 50 जागा आरक्षित करणे आणि सनातनच्या धार्मिक हक्कांचे रक्षण यासारख्या विषयांवर चिंतन-मंथन होईल. 

देवकीनंदन ठाकूर यांच्या तंबूमध्ये ही धर्मसंसद होईल.

थोड्याच वेळात मनसे नेते अमेय खोपकर छावा चित्रपटाचे दिग्दर्शक लक्ष्मण उतेकर यांच्यासोबत राज ठाकरेची भेट घेणार. छावा चित्रपटात छत्रपती संभाजी महाराजांना नृत्य करताना दाखवल्याने आक्षेप घेण्यात आला होता. या वादानंतर छावाचे दिग्दर्शक आज राज ठाकरेंना भेटणार.

गेल्या चार वर्षांपासून बेपत्ता असलेल्या मुलाचा शोध लागावा या मागणीसाठी पंढरपूर जवळच्या तिसंगी येथील पमाबाई भिलारे या वृध्द आईने आज पासून पंढरपूरच्या तहसील कार्यालयासमोर बेमुदत उपोषण सुरू केले आहे. शंकर भिलारे ( वय 35 ) हे  30 जुलै 2021 रोजी पासून बेपत्ता आहेत. बेपत्ता झाल्याची फिर्याद पंढरपूर ग्रामीण पोलिस ठाण्यात दाखल करण्यात आली आहे. गेल्या चार वर्षांपासून बेपत्ता शंकर भिलारे यांचा अद्याप शोध लागला नाही. शंकर भिलारे यांचा घातपात झाल्याचा संशय त्यांच्या आई पमाबाई आणि भाऊ मधुकर भिलारे यांनी व्यक्त करत  जावई, त्यांची पत्नी आणि मुलाची चौकशी करावी अशी मागणी केली आहे. शंकर भिलारे यांना शोधून काढावे या मागणीसाठी येथील तहसिल कार्यालय समोर आई,भाऊ आणि त्यांच्या नातेवाईकांनी आज पासून बेमुदत उपोषण सुरू केले आहे.

अजित पवारांचा शरद पवारांना फोन, प्रकृतीची केली विचारपूस

कोस्टल रोडच्या नवीन रस्त्याच उदघाटन काल मुंबई देवेंद्र फडणवीसांच्या हस्ते करण्यात आलं

मात्र पहिल्याच दिवशी नागरिकांची तारांबळ उडालेली पाहायला मिळत आहे

सी लिंकला जाणारा नेहमीचा रस्ता बंद केल्याने नागरिकांची तारांबळ उडाली आहे

जो नवीन रस्ता सुरु केला आहे सी लिंकला जाण्यासाठी तिथली पाटी (नेम प्लेट) छोटी असल्याने नागरिकांची तारांबळ उडाली आहे

यामुळे या भागात काही प्रमाणात ट्रॅफिक जॅम देखील पाहायला मिळत आहे

वाहतूक विभागाकडून या जागी नागरिकांची मदत केली जात आहे

शिवसेना ठाकरे गटाची ठाणे जिल्ह्याची उद्या मातोश्रीवर आढावा बैठक 

उद्धव ठाकरे ठाणे जिल्ह्यातील विधानसभा निहाय आढावा घेणार...

याअगोदर मुंबईतील सर्व विधानसभांचा आढावा उद्धव ठाकरे यांनी घेतला होता त्यानंतर उद्या ठाणे जिल्ह्याचा आढावा उद्धव ठाकरे घेणार आहेत.  

शिवसेनेतील सर्व पदाधिकाऱ्यांना बैठकीला उपस्थित राहण्याचे आदेश... 

मुंबई महानगर पालिका ठाकरे गटाने स्वबळावर लढावी अशी मागणी मुंबईतील पदाधिकाऱ्यांनी केली होती त्यानंतर ठाण्याची बैठक बोलावण्यात आली आहे. ठाण्यातील पदाधिकाऱ्यांची काय भूमिका असेल याकडे लक्ष. 

ठाणे हा एकनाथ शिंदे यांचा बालेकिला मानला जात असताना ठाकरे गटाची कशी रणनीती असेल याकडे देखील लक्ष... 

2 फेब्रुवारीपासून ठाकरे गटाच ठाणे जिल्ह्यात शिव सर्वेक्षण अभियान सुरु होणार असून यासंदर्भात स्थानिक पदाधिकाऱ्यांना उद्या सूचना केल्या जाणार असल्याची सूत्रांची माहिती

आजपासून दोन दिवस राष्ट्रवादी काँग्रेस शरदचंद्र पवार पक्षाची मुंबई विभागाची जिल्हानिहाय बैठक पार पडणार आहे. सकाळी 11 पासून दुपारी 2 पर्यंत बैठक होईल. आज उत्तर मुंबई, उत्तर मध्य मुंबई, दक्षिण मुंबई तर मंगळवारी दक्षिण मध्य मुंबई, उत्तर पश्चिम मुंबई आणि उत्तर पूर्व मुंबईची बैठक पार पडणार आहे. खासदार सुप्रिया सुळे यांच्या उपस्थित बैठक पार पडेल. मागील महापालिका निवडणुकीत 57 जागा एकत्रित राष्ट्रवादी काँग्रेस पक्षाने लढल्या होत्या. यावेळी होणाऱ्या महापालिका निवडणुकीत मात्र वेगळी परिस्थिती आहे. यंदा महाविकास आघाडी म्हणून लढायचं की वेगळा निर्णय घ्यायचा याबाबत बैठकीत खलबत होतील. 

एसटी भाडेवाढीविरोधात ठाकरे गटाचं आज राज्यभर चक्काजाम आंदोलन

ळगाव शहरातील शिवाजीनगर परिसरात बुलेटची रेस मध्ये एका बुलेटने एका वृध्द पादचाऱ्यास धडक दिल्याने या अपघातात वृद्धाचा जागीच मृत्यू झाला असून दुसरी बुलेट रस्त्यावर उभ्या असलेल्या ऑटो रिक्षावर जावून धडकली आहे. या अपघातानंतर बुलेटची रेस लावणाऱ्या दोन तरुणांना पोलिसांनी ताब्यात घेतले असून बुलेट ऑटो रिक्षावर धडकल्याची घटना सीसीटीव्ही कॅमेऱ्यात कैद झाली आहे.