निलेश बंगाले, वर्धा
वर्धा जिल्ह्यातील जंगलात असलेल्या भुताच्या झाडाची चर्चा सर्वत्र सुरु आहे. रात्रीच्या अंधारात चमकदार आणि पांढऱ्या रंगात हे झाड दिसत असल्याने त्याला भुताचे झाड नाव पडलं आहे. स्टर्कुलिया युरेन्स असे देखील या झाडाला संबोधले जाते. हे भारतीय उपखंडातील मूळचे एक लहान ते मध्यम आकाराचे झाड आहे. जे त्याच्या फिकट रंगाच्या खोडासाठी ओळखले जाते. ज्यामुळे त्याला मराठीत भुताचे झाड किंवा भुत्या असे नाव पडले.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
पानझडी वृक्ष असलेल्या या झाडाच्या फांद्या आडव्या पसरलेल्या असतात.ज्याची उंची जास्तीत जास्त 15 मीटरपर्यंत वाढते. साल गुळगुळीत, तंतुमय आणि जाड, हिरवट-राखाडी असते. ज्याचा पृष्ठभागाचा थर मोठ्या तुकड्यात सोलून निघतो. फांद्या सुरुवातीला केसाळ असतात. पाने आलटून-पालटून, साधी, केसाळ असतात आणि खाली तीन ते पाच पाल्मेट लोब असतात. ते फांद्यांच्या टोकांवर एकत्रित असतात.
(नक्की वाचा- HSRP नंबर प्लेट बसवण्यासाठी 30 जूनपर्यंत मुदवाढ; वाहनधारकांचं टेन्शन मात्र कायम, काय आहे कारण?)
भुताचे झाड का म्हणतात?
वर्षांतून तीन वेळा हे झाड आपला रंग बदलतं. रात्रीच्या वेळी अंधारात सुद्धा हे झाड पांढरं शुभ्र दिसत असल्याने याला जंगलातील भुताचे झाड म्हणजेच द घोस्ट ऑफ फॉरेस्ट हे नाव पडल्याचे वनर्मचारी सांगतात. या झाडाचं दुसरं वैशिष्ट्य म्हणजे हे एक अनुकरणीय झेरोफाईट आहे. म्हणजेच ते खराब झालेल्या खडकाळ जमिनीत वाढू शकते.रात्रीच्या वेळी अंधारात सुद्धा हे झाड चमकून दिसतं. म्हणजे दूरवरूनच हे झाड अंधारात सुद्धा स्पष्ट दिसते. या झाडाचा आकार एकदम अक्राळ-विक्राळ असून पाहायला ते भयावह दिसतं.
(नक्की वाचा- Konkan Marine Highway : कोकणातील पर्यटनाला गती मिळणार; सागरी महामार्गामुळे 93 पर्यटनस्थळे जोडणार)
भुताच्या झाडाचे औषधी गुणधर्म
झाडाची साल खराब झाल्यावर त्यातून गम कराया नावाचा नैसर्गिक डिंक बाहेर पडतो. हा मौल्यवान पदार्थ पारंपरिकपणे साल कापून किंवा सोलून किंवा कुऱ्हाडीने खोडाच्या पायथ्याशी खोलवर घासून काढला जातो. गम करायाचा वापर अनेक औषधी आणि अन्न अनुप्रयोगांमध्ये केला जातो.
Track Latest News Live on Marathi.NDTV.com and get news updates from India and around the world
