IPL 2025 Mega Auction, Vaibhav Suryavanshi : इंडियन प्रीमियर लीग स्पर्धेत (आयपीएल) खेळण्याचं जगभरातील क्रिकेटपटूंचं स्वप्न होतं. पण, यामध्ये खेळण्याची संधी काही जणांनाच मिळते. जगभरातील अनेक दिग्गज खेळाडूंना आयपीएल ऑक्शनमध्ये कोणत्याही टीमनं खरेदी न केल्यानं नामुश्की सहन करावी लागली आहे. पण, आयपीएल 2025 च्या मेगा ऑक्शनमध्ये इतिहास घडला आहे. आयपीएलमध्ये फक्त 13 वर्षांच्या वैभव सूर्यवंशीची एन्ट्री झालीय.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
कोण आहे वैभव सूर्यवंशी?
भारतामधील तरुण खेळाडूंना लहान वयातच खरेदी करण्याची राजस्थान रॉयल्सची परंपरा आहे. संजू सॅमसन, रियान पराग, यशस्वी जैस्वाल या खेळाडूंना राजस्थाननं अगदी लहान वयात खरेदी केलं होतं. आता हे सर्व खेळाडू आयपीएलमध्ये स्थिरावले आहेत. राजस्थाननं यंदाच्या ऑक्शनमध्ये इतिहास घडवला. त्यांनी बिहारच्या 13 वर्षांच्या वैभवला खरेदी केलं. वैभव सूर्यवंशी या बिहारच्या 13 वर्षांच्या खेळाडूला राजस्थान रॉयल्सनं 1 कोटी 10 लाख रुपयांना खरेदी केलं.
( नक्की वाचा : Mallika Sagar: आयपीएलचं ऑक्शन गाजवणाऱ्या 'मल्लिका' कोण? 126 कोटींच्या आहेत मालकीण )
वैभव बिहारमधील समस्तीपूरचा आहे. वयाच्या पाचव्या वर्षांपासून क्रिकेट खेळण्यास सुरु केलेल्या वैभवनं कूचबिबहार ट्रॉफी, विनू मंकड करंडक या देशातील स्पर्धा गाजवल्या आहेत. त्यानंतर त्यानं रणजी क्रिकेट स्पर्धेत पदार्पण केलं.
वैभवनं आत्तापर्यंत 5 फर्स्ट क्लास मॅच खेळल्या असून त्यामध्ये 10 च्या सरासरीनं 100 रन केले आहेत. 41 हा त्याचा सर्वोच्च स्कोअर आहे.
ऑस्ट्रेलियाविरुद्ध झळकावली सेंच्युरी
वैभवचं नाव खऱ्या अर्थानं ऑस्ट्रेलिया A विरुद्ध झळकावलेल्या सेंच्युरीमुळे चर्चेत आलं. त्यानं इंडिया अंडर 19 टीमकडून खेळताना ही कामगिरी केली. वैभवनं त्या इनिंगमध्ये फक्त 58 बॉलमध्येच सेंच्युरी झळकावली होती. त्यानं ऑस्ट्रेलिया A विरुद्ध 64 बॉलमध्ये 104 रन काढले. त्यामध्ये 14 फोर आणि 4 सिक्सचा समावेश होता.
Track Latest News Live on Marathi.NDTV.com and get news updates from India and around the world
