चौकशी समिती 7 दिवसात अहवाल देणार, रुग्णालयाची पाहणी केल्यानंतर Prakash Abitkar यांची पत्रकार परिषद
महाराष्ट्राला हादरवणारी.. अत्यंत सुन्न करणारी.. आणि काळजाचा ठोका चुकवणारी बातमी... अमरावतीमध्ये जिल्हा स्त्री रुग्णालयाला लागलेल्या आगीत निष्पाप बाळांचा होरपळून मृत्यू झालाय. रुग्णालयाच्या नवजात शिशु अतिदक्षता विभागात पहाटेच्या सुमारास भीषण आग लागली. अतिदक्षता विभागात असलेल्या व्हेंटिलेटरमध्ये अचानक शॉर्टसर्किट होऊन भीषण स्फोट झाला. क्षणार्धात संपूर्ण वार्डात धुराचे लोट पसरले. या आगीत 3 नवजात बालकांचा होरपळून दुर्देवी मृत्यू झालाय. ही आग इतकी भीषण होती की, नवजात बालकांच्या कक्षात असलेले एसी आणि इतर वस्तू जळून खाक झाल्या आहेत. व्हेंटिलेटरचा स्फोट नेमका कशामुळे झाला, याचं कारण अजूनही समोर आलेलं नाही. प्रकाश आबिटकरांनी रुग्णालयाची पाहणी केली आहे.
