Trending Emotional Video : स्त्रीया भरपूर बोलतात आणि मनभरून रडतातही. कुणाशीही भांडताना अनेकदा त्यांच्या डोळ्यात टचकण पाणी येतं. व्यक्त होण्यासाठी किंवा मनाचा निचरा करण्यासाठी रडणं हे अनेकांसाठी फायदेशीर ठरतं असं म्हणतात. मात्र हेच रडणं जर एखाद्या पुरुषाबाबत घडलं तर समाज त्याकडे भावनिक कमकुवत लक्षण असल्याचं मानतो. 'पुरुष कधी रडत नसतो...', 'मर्द को कभी दर्द नही होता' (Emotional Video) अशी समजूत समाजात पेरण्यात आली आहे. एखादा रडणारा पुरुष पाहिला तर तो आपल्याला मानसिकदृष्ट्या कमकुवत वाटतो.
सध्या सोशल मीडियावर एक व्हिडिओ व्हायरल (Social Media Viral Video) होत आहे. हा व्हिडिओ मुंबईतील बोरीवली स्टेशनवरील आहे. या व्हिडिओमध्ये एक तरुण स्टेशनवर बसून ओक्साबोक्शी रडतोय. आयुष्यातील संकटांशी लढताना त्याचा भावनांचा निचरा होण्यासाठी याची त्याला मदत होत असेल कदाचित. मात्र याचा संबंध त्याच्या खंबीरपणाशी नक्कीच नाही. 'पुरुषही रडतात आणि हे नॉर्मल आहे...' हा विचार समाजात रुजवणं अत्यंत आवश्यक आहे.
नक्की वाचा - Emotional Video : रात्री झोपला अन् उठलाच नाही..., रिक्षाचालकाने 27 वर्षांचा मुलगा गमावला; भावुक करणारी कहाणी
बोरीवली स्टेशनवर नेमकं काय घडलं?
हा व्हिडिओ तिलक दुबे नावाच्या व्यक्तीने आपल्या इन्स्टाग्राम अकाऊंटवरुन शेअर केला आहे. तिलकने हा व्हिडिओ शूट केला आहे. त्याने सांगितल्यानुसार,
मात्र एक गोष्ट मला जाणवली... पुरुषही रडतात. पण एकांतात.. ते मानसिकृष्ट्या कमकुवत नसतात पण अनेकदा शांतता ही एकमेव भाषा आहे जी वेदना समजते. मी प्रार्थना करतोय की, या माणसाच्या आयुष्यातील सर्व वेदना दूर व्हाव्यात आणि त्याला सुख मिळावं.
Track Latest News Live on Marathi.NDTV.com and get news updates from India and around the world
