- हाउस ऑफ ओवरसाइट कमेटी ने एपस्टीन एस्टेट से मिली 70 नई तस्वीरें जारी कीं, जिनमें रसूखदार लोगों की झलक है.
- ‘लोलिता’ के अंश महिलाओं के शरीर पर लिखे हैं.
- DOJ को 19 दिसंबर तक एपस्टीन फाइल्स जारी करनी हैं, लेकिन इसमें आखिर कितना सच सामने आएगा.
Epstein Scandal Reignites: अमेरिकेतील लैंगिक गुन्ह्यांमधील दोषी आणि 2019 मध्ये तुरुंगात मृत आढळलेला जेफ्री एपस्टीन पुन्हा एकदा जागतिक चर्चेचा केंद्रबिंदू ठरला आहे. अमेरिकेच्या 'हाऊस ओव्हरसाइट कमिटी'ने एपस्टीनशी संबंधित 70 नवीन छायाचित्रे सार्वजनिक केली आहेत. विशेष म्हणजे, अमेरिकन न्याय विभागाने 'एपस्टीन फाईल्स' जारी करण्यासाठी निश्चित केलेल्या 19 डिसेंबरच्या मुदतीच्या पार्श्वभूमीवर हे फोटो समोर आले आहेत. या फोटोंनी एपस्टीनच्या नेटवर्कमधील शक्तिशाली लोकांचा वावर आणि त्याच्या संशयास्पद हालचालींची प्रचिती दिली आहे.
फोटोंमध्ये दिसणारे दिग्गज चेहरे
या नवीन फोटोंमध्ये केवळ मनोरंजन विश्वातीलच नव्हे, तर राजकारण, विज्ञान आणि तंत्रज्ञान क्षेत्रातील मोठी नावे दिसत आहेत. नोम चॉम्स्की जगप्रसिद्ध विचारवंत चॉम्स्की एपस्टीनच्या खासगी विमानात त्याच्याशी चर्चा करताना दिसत आहेत. मायक्रोसॉफ्टचे संस्थापक बिल गेट्स एका महिलेसोबत उभे आहेत, ज्याचा चेहरा ब्लर करण्यात आला आहे.
(नक्की वाचा- Epstein Files :जग हादरलं! स्विमिंग पुलमध्ये मुलींसोबत अंघोळ करतानाचे फोटो; एपस्टिन फाइल्समधून मोठी माहिती समोर)
डोनाल्ड ट्रम्प यांचे माजी सल्लागार स्टिव्ह बॅनन एका डेस्कवर बसलेले दिसत आहेत. गुगलची पॅरंट कंपनी 'अल्फाबेट'चे माजी प्रमुख सर्गेई ब्रिन एका डिनर इव्हेंटच्या फोटोमध्ये दिसत आहेत.
यापूर्वीच्या फोटोंमध्ये डोनाल्ड ट्रम्प, बिल क्लिंटन आणि प्रिन्स अँड्र्यू यांची नावे समोर आली होती. तथापि, कमिटीने स्पष्ट केले आहे की, केवळ फोटोमध्ये दिसणे म्हणजे त्या व्यक्तीने गुन्हा केला आहे असा पुरावा मानला जाऊ शकत नाही.
धक्कादायक 'लॉलिता' कनेक्शन आणि पासपोर्ट्स
या नवीन फोटोंमधील सर्वात भीषण भाग म्हणजे काही महिलांच्या शरीरावर व्लादिमीर नाबोकोव्ह यांच्या 'Lolita' या कादंबरीतील काही ओळी शाईने लिहिलेल्या दिसत आहेत. 'लॉलिता' ही कादंबरी एका अल्पवयीन मुलीच्या शोषणावर आधारित आहे. ज्यामुळे एपस्टीनच्या कृत्यांचे गांभीर्य अधिकच वाढले आहे.
(नक्की वाचा- Union Budget 2026: यंदाचा अर्थसंकल्प 1 फेब्रुवारी रोजी मांडला जाणार की नाही? का आहे संभ्रम?)
याव्यतिरिक्त, रशिया, युक्रेन, लिथुआनिया आणि चेक रिपब्लिक सारख्या देशांच्या महिलांचे पासपोर्ट आणि ओळखपत्रांचे फोटोही सापडले आहेत. एका फोटोमध्ये 1000 डॉलर प्रति मुलगी देण्याबाबतचा मजकूर असलेला स्क्रीनशॉट देखील आहे, जो मानवी तस्करीच्या मोठ्या जाळ्याकडे निर्देश करतो.
'एपस्टीन फाईल्स' नक्की काय आहेत?
एपस्टीन फाईल्स म्हणजे एफबीआय आणि अमेरिकन न्याय विभागाने तपासादरम्यान गोळा केलेले सुमारे 300 GB पेक्षा जास्त डेटा, मुलाखतींचे ट्रान्स्क्रिप्ट्स, फोटो आणि व्हिडिओ आहेत. 2019 मध्ये एपस्टीनच्या मृत्यूनंतर हा डेटा अत्यंत गोपनीय ठेवण्यात आला होता. आता 'एपस्टीन फाईल्स ट्रान्सपरन्सी ॲक्ट' अंतर्गत हे दस्तऐवज सार्वजनिक केले जाणार आहेत.
Track Latest News Live on Marathi.NDTV.com and get news updates from India and around the world
