अमेरिकेत खळबळ! ट्रम्प घरात असताना 'व्हाइट हाउस'बाहेर गोळीबार; सीक्रेट सर्व्हिसच्या कारवाईत हल्लेखोर ठार

White House Shooting: अमेरिकेची राजधानी वाशिंग्टन डीसी येथील अत्यंत सुरक्षित मानल्या जाणाऱ्या 'व्हाइट हाउस' (White House) कॉम्प्लेक्सच्या बाहेर रविवारी संध्याकाळी गोळीबाराची एक धक्कादायक घटना घडली. एका अज्ञात संशयित बंदूकधाऱ्याने सुरक्षा कर्मचाऱ्यांना लक्ष्य करत गोळीबार केला. मात्र, सुरक्षेसाठी तैनात असलेल्या 'अमेरिकन सीक्रेट सर्व्हिस'च्या अधिकाऱ्यांनी केलेल्या जवाबी कारवाईत हा हल्लेखोर जागीच ठार झाला. न्यूज एजन्सी 'रॉयटर्स' आणि 'सीबीएस न्यूज'ने यासंदर्भातील वृत्त दिले आहे.

राष्ट्राध्यक्ष डोनाल्ड ट्रम्प सुरक्षित

ज्या वेळी व्हाइट हाउसच्या अगदी जवळ हा गोळीबार सुरू होता, त्या वेळी अमेरिकेचे राष्ट्राध्यक्ष डोनाल्ड ट्रम्प हे इमारतीमध्येच उपस्थित होते. सीक्रेट सर्व्हिसने जारी केलेल्या अधिकृत निवेदनात स्पष्ट केले आहे की, या घटनेत त्यांच्या कोणत्याही अधिकाऱ्याला दुखापत झालेली नाही आणि राष्ट्राध्यक्ष डोनाल्ड ट्रम्प हे पूर्णपणे सुरक्षित आहेत.
 

Preliminary statement regarding the shooting incident on 17th Street and Pennsylvania Avenue. pic.twitter.com/NOdFKmwVuU

— U.S. Secret Service Office of Communications (@SecretSvcSpox) May 24, 2026

बॅगेतून शस्त्र काढून थेट अधिकाऱ्यांवर गोळीबार

सीक्रेट सर्व्हिसच्या प्राथमिक तपास अहवालानुसार, ही घटना पूर्व समयानुसार (EST) संध्याकाळी 6 वाजण्याच्या सुमारास घडली. एक संशयित व्यक्ती व्हाइट हाउसच्या बाहेरील एका सुरक्षा चौकीवर पोहोचली. त्या व्यक्तीने अचानक आपल्या बॅगेतून घातक शस्त्र काढले आणि तिथे तैनात असलेल्या सीक्रेट सर्व्हिसच्या अधिकाऱ्यांवर थेट गोळीबार सुरू केला. अधिकाऱ्यांनी तात्काळ परिस्थितीवर नियंत्रण मिळवत चोख प्रत्युत्तर दिले आणि संशयितावर गोळ्या झाडल्या. गंभीर जखमी अवस्थेत त्याला जवळच्या रुग्णालयात नेण्यात आले, जेथे उपचारादरम्यान त्याचा मृत्यू झाला.

#WATCH व्हाइट हाउस के पास गोलीबारी के बाद इलाके में सुरक्षा कड़ी कर दी गई।

(सोर्स: रॉयटर्स) pic.twitter.com/OjjY9375BQ

— ANI_HindiNews (@AHindinews) May 23, 2026

एक नागरिक जखमी

'सीबीएस न्यूज'च्या वृत्तानुसार, या गोळीबाराच्या घटनेत आणखी एक व्यक्ती जखमी झाल्याची प्राथमिक माहिती आहे. या घटनेनंतर संपूर्ण व्हाइट हाउस परिसर आणि वॉशिंग्टनमधील महत्त्वाच्या ठिकाणांची सुरक्षा व्यवस्था अत्यंत कडक करण्यात आली आहे.

अमेरिकेची केंद्रीय तपास संस्था म्हणजेच 'एफबीआय'चे (FBI) संचालक काश पटेल यांनी सोशल मीडिया पोस्टद्वारे या घटनेला दुजोरा दिला आहे. "आमचे अधिकारी या गोळीबाराच्या घटनेवर बारीक लक्ष ठेवून असून या प्रकरणाचा सखोल तपास केला जात आहे. जशी नवीन माहिती समोर येईल, तसे आम्ही जनतेला अपडेट करू," असे काश पटेल यांनी नमूद केले आहे.