201 किलोचे लाडू... 11 वेगवेगळे प्रकार... विजया आधीच जल्लोषाची तयारी

लोकसभा निवडणूकीच्या मतमोजणीला काही वेळातच सुरूवात होणार आहे. मात्र त्या आधीच भारतीय जनता पक्षाने विजयाचा जल्लोष करण्याची तयारी सुरू केली आहे. छत्तीसगड भाजपने विजयाचा विश्वास व्यक्त करत तब्बल 201 किलो लाडू तयार ठेवले आहे. शिवाय त्यात 11 वेगवेगळ्या प्रकराचे हे लाडू आहेत. एक्झिट पोलमध्ये भाजपचा विजय होणार हे  सांगण्यात आले होते. त्यामुळे भाजपने विजयाच्या आधीच जल्लोषाची तयारी केल्याचे चित्र छत्तीसगडमध्ये पाहायला मिळत आहे. 

हेही वाचा - LIVE Election Results 2024: भाजपने खाते उघडले, सुरतमधील जागा जिंकली

आम्ही 201 किलो लाडूंची ऑर्डर दिली आहे. त्यात 11 प्रकारचे वेगवेगळे लाडू आहेत. हे आम्ही आमच्या कार्यकर्त्यांना वाटणार आहोत. सकाळपासून त्याची सुरूवात होईल.. रात्री अकरा वाजेपर्यंत आम्ही लाडू वाटणार आहोत. असे भाजपचे छत्तीसगडचे कार्यकर्ते ललीत सिंह यांनी सांगितले. 

हेही वाचा - महाराष्ट्राची गॅरेंटी कुणाला? वाचा तुमच्या मतदारसंघातील संपूर्ण विश्लेषण

हे लाडू विजयासाठी असल्याचे ते म्हणाले. प्रत्येक विजय हा आम्ही अशाच पद्धतीने साजरा करत असतो असेही ते म्हणाले. भारतीय जनता पक्षाचा मोठा विजय लोकसभेत होईल. चारशे पेक्षा जास्त जागा भाजप जिंकेल असेही सिंह म्हणाले. मोदींच्या नेतृत्वार देशाचा विश्वास आहे असे ही ते म्हणाले.