जर तुम्ही 18 वर्षांचे झाला असाल आणि अजून तुमच्याकडे मतदान ओळखपत्र (Voter ID Card) नसेल, तर काळजी करण्याची गरज नाही. तुम्ही घर बसल्या काही मिनिटांत नवीन मतदार कार्ड मिळवू शकता. मतदार कार्ड बनवण्याची प्रक्रिया खूप सोपी आहे. ती तुम्ही फक्त मोबाइल किंवा लॅपटॉप वरून करू शकता. मतदार कार्डसाठी ऑनलाइन अर्ज करणे हा सर्वात सोपा मार्ग आहे. नवीन मतदार कार्डसाठी अर्ज कसा करायचा? त्यासाठी कोणत्या कागदपत्रांची आवश्यकता असते? ते सविस्तरपणे जाणून घेवूयात.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
मतदान ओळखपत्रासाठी कोण अर्ज करू शकतो?
- अर्जदार भारताचा नागरिक असावा.
- त्याचे भारतात कायमचे वास्तव्य असावे.
- मतदान ओळखपत्र बनवण्यासाठी वय किमान 18 वर्षे असावे.
मतदान ओळखपत्रासाठी आवश्यक कागदपत्रे
जेव्हा तुम्ही मतदार कार्डसाठी अर्ज कराल, तेव्हा काही आवश्यक कागदपत्रे ऑनलाइन अपलोड करावी लागतील. ही कागदपत्रे JPG, JPEG किंवा PDF फॉरमॅटमध्ये असावीत.
- 2 पासपोर्ट आकाराचे फोटो
- पत्त्याचा पुरावा (Address Proof): वीज बिल, गॅस बिल, पाणी बिल, टेलिफोन बिल, बँक पासबुक, भाडे करार (Rent Agreement) इत्यादी.
- ओळखपत्र (ID Proof): आधार कार्ड, पॅन कार्ड, ड्रायव्हिंग लायसन्स, पासपोर्ट, रेशन कार्ड.
- वयाचा पुरावा (Age Proof): जन्म प्रमाणपत्र, 10वीची गुणपत्रिका इत्यादी.
- सर्व आवश्यक कागदपत्रे तयार ठेवा आणि योग्य फॉरमॅटमध्ये अपलोड करा.
मतदान ओळखपत्रासाठी ऑनलाइन अर्ज करण्याची स्टेप-बाय-स्टेप प्रक्रिया:
- सर्वात आधी https://voters.eci.gov.in/ या वेबसाइटवर जा.
- Electors सेक्शनमध्ये जा.
- जर तुमचे आधीच खाते (Account) असेल, तर मोबाइल नंबर, पासवर्ड आणि कॅप्चा (Captcha) टाकून लॉग इन (Log In) करा.
- जर खाते नसेल, तर Sign-Up करून नवीन खाते तयार करा आणि नंतर लॉग इन करा.
- आता Fill Form 6 वर क्लिक करा.
- तुमचे राज्य, जिल्हा, विधानसभा आणि इतर तपशील जसे की नाव, वडील/पती/पत्नीचे नाव, आधार क्रमांक, पत्ता भरा.
- आवश्यक कागदपत्रे अपलोड करा.
- नंतर कॅप्चा कोड टाका आणि Preview & Submit करा.
- सबमिट करताना स्क्रीनवर Yes वर क्लिक करा.
- फॉर्म सबमिट केल्यानंतर तुम्हाला एक रेफरन्स नंबर (Reference Number) मिळेल. हा नंबर सेव्ह करून ठेवा, यामुळे तुम्ही तुमच्या अर्जाची स्थिती (Status) तपासू शकाल. तुम्ही Download Acknowledgement वर क्लिक करून याची स्लिप देखील सेव्ह करू शकता.
मतदान ओळखपत्र किती दिवसांत बनून येईल?
तुमचा अर्ज सबमिट झाल्यानंतर, त्याची वेगवेगळ्या स्तरांवर पडताळणी (Verification) केली जाईल. जर सर्व काही योग्य आढळले, तर आधी e-Voter ID कार्ड ऑनलाइन तयार केले जाईल. नंतर काही दिवसांत फिजिकल कार्ड तुमच्या घरी टपालने पाठवले जाईल.
मतदान ओळखपत्र कसे डाउनलोड करावे (Voter ID Card Download)
जर तुम्ही आधीच मतदार कार्डसाठी अर्ज केला असेल आणि तुम्हाला त्याचा स्टेटस ट्रॅक करायचा असेल किंवा डिजिटल मतदार कार्ड डाउनलोड करायचे असेल, तर e-Voter Card चा पर्याय निवडा. यासाठी देखील https://voters.eci.gov.in/ वर जाऊन लॉग इन करा आणि डाउनलोड करा.
मतदान ओळखपत्र का महत्त्वाचे आहे?
मतदान ओळखपत्र फक्त मत देण्यासाठीच नाही, तर अनेक सरकारी कामांमध्ये ओळखपत्र (Identity Proof) म्हणूनही आवश्यक असते. बँक, रेशन कार्ड, पासपोर्ट बनवण्यापासून ते शाळा-कॉलेजच्या प्रवेशापर्यंत (Admission) ते उपयोगी पडते. अशा परिस्थितीत, जर तुमच्याकडे मतदार कार्ड नसेल, तर शक्य तितक्या लवकर त्यासाठी अर्ज करायला हवा.
Track Latest News Live on Marathi.NDTV.com and get news updates from India and around the world
