मनोज सातवी, वसई
Vasai News: मुंबईजवळील ऐतिहासिक वसई किल्ला पुन्हा एकदा चर्चेत आला आहे. छत्रपती शिवाजी महाराजांची वेशभूषा परिधान करून शूटिंग करण्यासाठी आलेल्या एका तरुणाला सुरक्षा रक्षकांनी रोखल्याचा व्हिडिओ सोशल मीडियावर मोठ्या प्रमाणात व्हायरल होत आहे. या घटनेमुळे पुरातत्व विभागाच्या कार्यपद्धतीवर प्रश्नचिन्ह निर्माण झाले आहे.
सुरक्षा रक्षकांनी चित्रीकरण थांबवले
व्हायरल झालेल्या व्हिडिओनुसार, छत्रपती शिवाजी महाराजांच्या वेशात एक तरुण वसई किल्ल्यात एका विशिष्ट दृश्याचे चित्रीकरण करत होता. मात्र, त्यावेळी उपस्थित असलेल्या सुरक्षा रक्षकांनी त्याला तातडीने रोखले आणि चित्रीकरण करण्यास मज्जाव केला.
(नक्की वाचा- Pune News: 'पुणेकर विरुद्ध बाहेरचे' आमने-सामने! "चालले, परत येऊ नका" पोस्टरला तरुणाचं सडेतोड उत्तर)
तरुणाने व्यक्त केला संताप
या घटनेनंतर ज्या तरुणाला चित्रीकरण करण्यापासून रोखले, त्याने आपला संताप तीव्र शब्दांत व्यक्त केला. त्याने उपस्थित सुरक्षा रक्षकांना त्यांना मराठी येत नसल्याचा देखील जाब विचारला. त्याचे म्हणणे होते की, किल्ल्यासारख्या ऐतिहासिक आणि पवित्र स्थळी वारंवार अश्लील चाळे, प्री-वेडिंग शूट, डान्स चित्रीकरण आणि उच्छादमस्ती करणाऱ्या तरुणाईकडे प्रशासन जाणीवपूर्वक दुर्लक्ष करते. मात्र, जेव्हा महाराष्ट्राचे आराध्य दैवत छत्रपती शिवाजी महाराज यांच्या वेशभूषेत चित्रीकरण करण्याचा प्रयत्न केला जातो, तेव्हा त्याला त्वरित अडवले जाते. प्रशासनाच्या या दुटप्पी भूमिकेमुळे त्याचा रोष अधिकच भडकला होता.
नक्की वाचा- Vande Bharat Train: कोकणात जाणाऱ्यांसाठी खूशखबर! 'वंदे भारत'च्या फेऱ्या वाढल्या, पाहा नवीन वेळापत्रक)
पुरातत्व विभागावर टीका
या घटनेमुळे सोशल मीडियावर आणि स्थानिक नागरिकांमध्ये पुरातत्व विभागाच्या कार्यपद्धतीवर मोठी टीका होत आहे. "किल्ल्यासारख्या ऐतिहासिक ठेव्याचे पावित्र्य राखण्यासाठी आणि शिस्त पाळण्यासाठी प्रशासन खरोखरच जागे आहे का?" असा प्रश्न नागरिक विचारत आहेत.
पाहा VIDEO
Track Latest News Live on Marathi.NDTV.com and get news updates from India and around the world
