Virat Kohli Video: टीम इंडियाचा स्टार क्रिकेटर विराट कोहलीचा लेटेस्ट व्हिडीओ सोशल मीडियावर प्रचंड व्हायरल होतोय. अलिकडेच विराट कोहली एका कार्यक्रमामध्ये सहभागी झाला होता. याच कार्यक्रमात व्यासपीठावर असताना हसता-हसता विराट कोहलीच्या अचानक छातीत दुखू लागल्याचं दिसतंय. फिट असणाऱ्या विराटला अचानक झालं तरी?
विराट कोहलीच्या छातीत का दुखू लागलं?
तर मंडळींनो चिंता करू नका. विराटला काहीही झालेलं नाहीय. किंग कोहली पूर्णतः व्यवस्थित आहे. विराटसोबत प्रसिद्ध कॉमेडियन सुनील ग्रोवर देखील दिसतोय. विराटच्या छातीत दुखण्यामागे सुनीलच कारणीभूत आहे. विराट आणि सुनीलचा हा व्हिडीओ सोशल मीडियावर तुफान व्हायरल झालाय. एशियन पेंट्स कंपनीच्या खास कार्यक्रमातील हा क्षण आहे. जेथे दोघंही एकाच स्टेजवर दिसले आणि संपूर्ण कार्यक्रमात फक्त हास्यकल्लोळ पाहायला मिळाला. विराट कोहलीने व्यासपीठावर येऊन उपस्थितांशी संवाद साधण्यास सुरुवात केली, त्यावेळेस टाळ्यांचा मोठा कडकडाट झाला. विराटला पाहताच प्रेक्षकांमध्ये उत्साह संचारला.
सुनील ग्रोवरने कपिल देव यांची मिमिक्री करून लुटली मैफील | Virat Kohli Sunil Grover
सुनील ग्रोवरने एकापेक्षा एक भारी विनोद करून प्रेक्षकांना पोटभरून हसवलं. वेगवेगळ्या सेलिब्रिटींची मिमिक्री करणाऱ्या सुनीलने यावेळेस कपिल देव यांची नक्कल केली. त्याने कपिल देव यांच्या शैलीत काही गंमतीशीर किस्से सांगितले आणि विराट कोहलीशी संबंधित धम्माल विनोदही केले. सुनीलची मिमिक्री आणि विनोद इतके जबरदस्त होते की हसता-हसता विराट कोहलीच्या छातीत दुखायला. व्हिडीओमध्ये तुम्ही पाहू शकता विराटला मुळीच हसू आवरत नव्हतं. विराट अक्षरशः पोट धरून हसत होता.
(नक्की वाचा: Hema Malini Video: विशीतील हेमा मालिनींचा 57 वर्षांपूर्वीचा VIDEO VIRAL, अप्सरेहून सुंदर दिसतेय ड्रिम गर्ल)
चाहत्यांनी केला कौतुकाचा वर्षाव
कार्यक्रमामध्ये सुनील ग्रोवरने केवळ कॉमेडीच नाही तर आपल्या अंदाजात विराटचा गौरवही केला. सुनीलनं म्हटलं की, विराट कोहलीने जगभरात देशाचं नाव उंचावलंय आणि तो कोट्यवधी लोकांसाठी प्रेरणास्त्रोत आहे. सुनीलचे हे शब्द ऐकताच प्रेक्षकांनी टाळ्यांचा कडकडाट केला. नेटकऱ्यांनी सुनील ग्रोवरच्या कॉमेडी आणि विराटच्या प्रामाणिक हास्याचं तोंडभर कौतुक केलंय.
(नक्की वाचा: Smriti Mandhana News: कोणीही लग्न करणार नाही, वडिलांना मारले टोमणे... स्मृती मानधनाचा धक्कादायक खुलासा)
Track Latest News Live on Marathi.NDTV.com and get news updates from India and around the world
