Satara Doctor Suicide Case : सातारा (Satara) जिल्ह्यातील फलटणमध्ये 28 वर्षीय महिला डॉक्टरच्या संशयास्पद मृत्यू प्रकरणाला (Doctor Suicide Case) आता नवे वळण मिळाले आहे. डॉक्टरने मृत्यूच्या रात्री हॉटेलमध्ये 'अकेले' चेक-इन केले होते, हे हॉटेल मालकाने जारी केलेल्या CCTV फुटेजमधून (CCTV Footage) स्पष्ट झाले आहे.
काय आहे प्रकरण?
मूळच्या बीड जिल्ह्यातील (Beed) असलेल्या आणि साताऱ्यातील सरकारी रुग्णालयात (Satara Government Hospital) कार्यरत असलेल्या या डॉक्टरचा मृतदेह 23 ऑक्टोबरच्या रात्री हॉटेलमधील खोलीत आढळला होता. डॉक्टरच्या हातावर लिहिलेल्या सुसाईड नोटमध्ये दोन व्यक्तींची नावे होती - पोलीस उपनिरीक्षक (PSI) गोपाल बदाने आणि सॉफ्टवेअर इंजिनियर प्रशांत बनकर. या दोघांनाही पोलिसांनी नंतर अटक केली आहे.
CCTV फुटेजमधून काय स्पष्ट झाले?
हॉटेल मालकाने जारी केलेल्या CCTV फुटेजमध्ये मृत डॉक्टर हॉटेलमध्ये एकटीच प्रवेश करताना दिसत आहे. या फुटेजमुळे 'हत्येचा' दावा करणाऱ्या विरोधकांवर एकप्रकारे दबाव वाढला आहे. तपासात असेही दिसून आले आहे की, मृत्यूपूर्वी डॉक्टर प्रशांत बनकरच्या घरी लक्ष्मी पूजनाच्या कार्यक्रमासाठी गेली होती.
( नक्की वाचा : Satara Doctor Suicide Case : फोटोवरून वाद, शेवटचा कॉल... डॉक्टरच्या आत्महत्येपूर्वीची धक्कादायक माहिती उघड )
राज्य महिला आयोगाच्या अध्यक्षा रुपाली चाकणकर यांनी दिलेल्या माहितीनुसार, पूजेदरम्यान डॉक्टर आणि बनकर यांच्यात काही छायाचित्रांवरून (Photos) वाद झाला होता. या वादानंतर डॉक्टर तिथून निघून गेली आणि जवळच्या हॉटेलमध्ये जाऊन थांबली. मृत्यूपूर्वी तिने बनकरला तणावात असल्याबद्दलचे अनेक मेसेज (Messages) पाठवले होते.
मृत्यूच्या आधी डॉक्टरने केला होता कॉल
पोलिसांच्या म्हणण्यानुसार, डॉक्टरने रात्री बनकरला कॉलही केला होता. मात्र, तो कॉल रिसिव्ह (Receive) झाला होता की नाही, हे अद्याप स्पष्ट झालेले नाही. दुसऱ्या दिवशी सकाळी हॉटेल कर्मचाऱ्यांना डॉक्टरचा मृतदेह खोलीत आढळला. शवविच्छेदन अहवालानुसार (Postmortem Report) डॉक्टरचा मृत्यू फाशी घेतल्यामुळे झाला आहे.
सुसाईड नोटमध्ये गंभीर आरोप
डॉक्टरने हातावर लिहिलेल्या सुसाईड नोटमध्ये पीएसआय गोपाल बदाने याच्यावर अनेकदा लैंगिक अत्याचार (Sexual Harassment) केल्याचा गंभीर आरोप केला आहे, तर प्रशांत बनकर याच्यावर मानसिक छळ (Mental Torture) केल्याचा आरोप ठेवला आहे. पोलिसांनी दिलेल्या माहितीनुसार, मोबाईलमधील डिजिटल पुराव्यांवरून (Digital Evidence) स्पष्ट होते की, डॉक्टर आणि बनकर यांच्यात मृत्यूपूर्वी सतत संभाषण (Conversation) सुरू होते. मात्र, पीएसआय बदानेसोबत तिची शेवटची बातचीत मार्च महिन्यात झाली होती.
डॉक्टरने केलेल्या अत्याचाराच्या आरोपांची चौकशी आता फलटण डिव्हिजनच्या (Phaltan Division) बाहेरील अधिकाऱ्यांमार्फत केली जात आहे, जेणेकरून तपास निष्पक्ष होईल. तपासात असेही समोर आले आहे की, डॉक्टरने यापूर्वी अनेकदा लेखी तक्रारी (Written Complaints) दिल्या होत्या. 19 जून रोजी तिने डेप्युटी एसपींना (DySP) एक पत्र लिहिले होते, ज्यात काही पोलीस अधिकारी तिच्यावर खोट्या वैद्यकीय फिटनेस प्रमाणपत्रांवर (False Medical Fitness Certificates) स्वाक्षरी करण्यासाठी दबाव टाकत असल्याचा आरोप केला होता.
विशेष म्हणजे, या तक्रारीनंतर पोलिसांनी उलट डॉक्टरवरच तपासात अडथळा आणल्याचा गुन्हा दाखल केला होता. याच कारणामुळे डॉक्टर मानसिक तणावात (Mental Stress) आली होती, असे कार्यकर्त्यांचे म्हणणे आहे. महिला आयोगाच्या अध्यक्षा रुपाली चाकणकर यांनी म्हटले आहे की, जून महिन्यात केलेल्या तक्रारीवर कोणतीही कारवाई का झाली नाही, याबाबत आयोग तपास करेल.
प्रकरणाचे राजकीय पडसाद
या प्रकरणामुळे संपूर्ण महाराष्ट्रात राजकीय खळबळ माजली आहे. विरोधी पक्षनेते राहुल गांधी यांनी याला 'संस्थात्मक अपयश' (Institutional Failure) म्हटले आहे. तर, राज्याचे मुख्यमंत्री देवेंद्र फडणवीस यांनी पोलीस तपासाचे समर्थन करत कोणालाही या प्रकरणाचे राजकारण (Politicisation) करू नये, असे आवाहन केले आहे.
( नक्की वाचा : Satara Doctor Case : 'तो' खासदार कोण? मानसिक छळानंतर महिला डॉक्टरची आत्महत्या; वाचा संपूर्ण खळबळजनक पत्र )
इथे पाहा CCTV Video
Track Latest News Live on Marathi.NDTV.com and get news updates from India and around the world
