विधानसभा निवडणुकीतील शरद पवारांचे 45 शिलेदार ठरले! पाहा संपूर्ण यादी

राष्ट्रवादी काँग्रेस शरदचंद्र पवार पक्षाची पहिली यादी जाहीर झाली आहे. पक्षाचे प्रदेशाध्यक्ष जयंत पाटील यांनी पुण्यात पत्रकार परिषद घेऊन ही यादी जाहीर केली. या यादीत 45 जणांचा समावेश आहे. उर्वरित उमेदवारांची यादी लवकरच जाहीर करणार असल्याचं पाटील यांनी सांगितलं.

बारामती विधानसभा मतदारसंघात पवार विरुद्ध पवार ही लढत होणार असल्याचं स्पष्ट झालं आहे. बारामतीमध्ये जयंत पाटील यांनी युगेंद्र पवार यांचं नाव जाहीर केलं आहे. युगेंद्र पवार यांचा सामना त्यांचे काका अजित पवारांशी होणार आहेत. 

लोकसभा निवडणुकीत सुनेत्रा पवार विरुद्ध सुप्रिया सुळे यांच्यात बारामती लोकसभा मतदारसंघात लढत झाली होती. त्यामध्ये सुप्रिया सुळे विजयी झाल्या होत्या. त्यानंतर आता पुन्हा एकदा बारामतीमध्ये पवार विरुद्ध पवार हा सामना होणार आहे.

जयंत पाटील, राजेश टोपे, अनिल देशमुख, जितेंद्र आव्हाड या पक्षातील दिग्गज नेत्यांनाही त्यांच्या पारंपारिक मतदारसंघातून उमेदवारी देण्यात आली आहे. त्याचबरोबर भाजपामधून दाखल झालेले हर्षवर्धन पाटील (इंदापूर), समरजीत घाटगे (कागल) यांनाही उमेदवारी देण्यात आली आहे. 

( नक्की वाचा : ठाकरेंचा नातेवाईक ते भाजपामधून आयात उमेदवार, शिवसेना (उबाठा) पक्षाच्या यादीची 5 वैशिष्ट्य )

राष्ट्रवादी शरदचंद्र पवार पक्षाची पहिली यादी