Virar News: भाजपचा "रात्रीस खेळ चाले"?, 10 लाखांची कॅश, 2 कार्यकर्ते अन् BVA चा इंगा, रात्रीच्या अंधारात राडा

मनोज सातवी

महापालिका निवडणुकीसाठी प्रचाराचा आज मंगळवार शेवटचा दिवस आहे. त्यानंतर प्रचार थांबेल. तो पर्यंत जास्तीत जास्त मतदारापर्यंत पोहोचण्याचा प्रत्येक उमेदवाराचा प्रयत्न आहे. शिवाय रात्रीच्या वेळी ही या भेटीगाठी सुरू आहेत. अनेक ठिकाणी पैसे वाटपाच्या घटना ही समोर आल्या आहेत. त्यातून वाद ही झाले आहेत. कल्याण डोंबिवली, ठाणे, मुंबई यासह अन्य महापालिकांत पैसे वाटपाच्या बातम्या समोर येत आहेत. त्यात आता वसई विरार महापालिका हद्दीतही भाजप आणि बहुजन विकास आघाडीच्या कार्यकर्त्यांत जोरदार राडा झाला आहे.  

नालासोपारा पूर्वेला असलेल्या पेल्हार येथे रात्री दोनच्या सुमारास काही संशयीत हालचाली दिसून आल्या. एक संशय इसमाची गाडी लोकांनी पाठलाग करून अडवली. त्यानंतर त्याला पकडण्यात ही आले. त्याला तू कोण आहे याची विचारणा करण्यात आली. मात्र त्याने उडवा उडवीची उत्तर दिली. त्यानंतर त्याच्या गाडीची तिथल्या लोकांनी झाडाझडकी घेतली. हे सर्व कार्यकर्ते बहुजन विकास आघाडीचे होते. त्यांनीच ही गाडी पकडली होती. 

नक्की वाचा - BMC Election 2026: मुंबईत राडा! 'या' वॉर्डात दोन्ही शिवसेना भिडल्या; ठाकरेंच्या कार्यकर्त्याला बेदम मारलं

गाडीची झडती घेतली असता त्याच्याकडे भाजपाची पिशवी सापडली. शिवाय  गाडीच्या डिकीत एक मोठी प्लास्टिकची ही पिशवी होती. त्यात पाकीट तयार करण्यात आली होती. त्या पाकीटांमध्ये पैसे भरले होते. जवळपास दहा लाखांची रोकड तिथे जप्त करण्यात आली. तसेच त्याच्याकडे भाजपचे पत्रक आणि पट्टे देखील आढळले आहे. भाजप कार्यकर्त्यांकडून ही रोकड मतदारांना वाटण्यासाठी नेले जात होती, असा आरोप बविआच्या कार्यकर्त्यांनी केला आहे.