जाहिरात

Mandar Jadhav News: ईशा केसकरनंतर मंदार जाधवचीही एक्झिट? 'कोण होतीस तू...काय झालीस तू' मालिकेत नवा ट्विस्ट

Marathi Entertainment News: 'कोण होतीस तू...काय झालीस तू' मालिकेमध्ये धक्कादायक ट्विस्ट, मंदार जाधव मालिकेत दिसणार की नाही? प्रेक्षकांचा सवाल...

Mandar Jadhav News: ईशा केसकरनंतर मंदार जाधवचीही एक्झिट? 'कोण होतीस तू...काय झालीस तू' मालिकेत नवा ट्विस्ट
Marathi Entertainment News: 'कोण होतीस तू...काय झालीस तू' मालिकेमध्ये धक्कादायक ट्विस्ट

Marathi Entertainment News: अभिनेत्री ईशा केसकरने (Isha Keskar) प्रकृतीच्या कारणास्तव स्टार प्रवाह वाहिनीवरील लक्ष्मीच्या पाऊलांनी या लोकप्रिय मालिकेतून एक्झिट घेतली. यानंतर 'कोण होतीस तू...काय झालीस तू' मालिकेतही मुख्य पात्र असलेले यश म्हणजेच अभिनेता मंदार जाधवचंही अपघाती निधन झाल्याचा भाग प्रसारित करण्यात आला. यामुळे आता मंदार जाधवलाही आवडत्या मालिकेमध्ये पाहता येणार नाही का? असा प्रश्न प्रेक्षकांच्या मनात निर्माण झालाय. 

कावेरीला मोठा मानसिक धक्का

'कोण होतीस तू...काय झालीस तू' मालिकेचं कथानक सध्या अतिशय उत्कंठावर्धक वळणावर येऊन पोहोचलंय. यशचा अपघाती मृत्यू झाल्याचं कळताच कावेरीला प्रचंड मानसिक धक्का बसलाय. एकीकडे यशला गमावल्याचं दु:ख असताना घरच्यांपासून हे सत्य लवपण्याची धडपड कावेरी करताना दिसतेय. 

मंदार जाधव मालिकेत दिसणार की नाही?

प्रेक्षकांना चिंता करू नका, मंदार जाधवने मालिकेतून एक्झिट घेतलेली नाही. तर यशसारख्या हुबेहुब दिसणाऱ्या युग या पात्राची मालिकेत एण्ट्री होणार आहे. युग आणि यश एकसारखे दिसत असले तरी दोघांचाही स्वभाव मात्र खूप वेगळा आहे. यश जितका समंजस आणि प्रेमळ होता अगदी त्याच्या उलट युग आहे. युग पूर्णपणे फिल्मी आहे. तो स्ट्रगलिंग अभिनेता आहे. स्वत:च्याच विश्वामध्ये रमणारा, पैशांसाठी प्रचंड लोभी असून ते मिळवण्यासाठी तो काहीही करू शकतो.

(नक्की वाचा: Dharmendra: धर्मेंद्र यांच्याबाबत जिव्हारी लागेल असं डिंपल कपाडियांचं ते कटु विधान, नंतर हेमा यांचं आयुष्य कायमचंच बदललं)

नव्या भूमिकेबाबत मंदार जाधव काय म्हणाला?

अभिनेता मंदार जाधव एकाच मालिकेत आता दुहेरी रुपात दिसणार आहे. या भूमिकेविषयी सांगताना मंदार म्हणाला, "पहिल्यांदाच अशा पद्धतीची भूमिका साकारणार आहे. यश या पात्राच्या पूर्णपणे विरोधी असं हे युगचं पात्र असणार आहे. त्याचा लुक, संवाद साधण्याची स्टाइल सगळंच वेगळं आहे. वेगवेगळी पात्र साकारायला मिळणं हे प्रत्येक कलाकाराचं स्वप्न असतं. एकाच मालिकेत आता या दुहेरी भूमिका मी साकारणार आहे, त्यामुळे प्रचंड उत्सुकता आहे. यश आणि कावेरी या जोडीला प्रेक्षकांनी भरभरून प्रेम दिलं आहे. मी साकारत असलेली युग ही भूमिका देखील प्रेक्षकांना नक्की आवडेल याची खात्री आहे". 

Soham Bandekar Wife Video: सस्पेंस संपला! ही होणार आदेश बांदेकऱ्यांच्या घरची सून; अभिनेत्यानं केळवणाचा Exclusive Video केला शेअर

(नक्की वाचा: Soham Bandekar Wife Video: सस्पेंस संपला! ही होणार आदेश बांदेकऱ्यांच्या घरची सून; अभिनेत्यानं केळवणाचा Exclusive Video केला शेअर)

'कोण होतीस तू...काय झालीस तू' मालिकेमध्ये आता काय नवीन गोष्ट पाहायला मिळणार, याची प्रेक्षकांमध्ये उत्सुकता निर्माण झालीय.

Listen to the latest songs, only on JioSaavn.com