बॉलिवूड अभिनेता शाहरुख खानची निर्मिती कंपनी रेड चिलीज एंटरटेनमेंट प्रा. लि. ने त्याचा मुलगा आर्यन खानचे पदार्पण असलेली 'द Ba***ds of Bollywood' ही वेब सिरीज नेटफ्लिक्सवर प्रदर्शित केली. या वेब सिरजचे खूप कौतूक झाले आहे. या वेब सिरीजमुळे अनेक वादग्रस्त कायदेशीर खटल्यांची बरीच चर्चाही झाली आहे. मेटा-ह्यूमरने (meta-humour) भरलेली आर्यन खानची बॉलिवूडवरची ही संकल्पना नवीन, फ्रेश, उपरोधिक (satirical) आणि वेगळी मानली जात आहे.ओटीटी प्लॅटफॉर्मवर सर्वाधिक पाहिलेल्या सीरिजपैकी एक ठरल्यानंतर, काही आठवड्यांनी शाहरुख खान आणि आर्यन खान यांनी सोशल मीडियावर एक संयुक्त पोस्ट शेअर केली. त्यांनी या पोस्टमधून चाहत्यांना एक कूट संदेश (encrypted message) देत एका ‘अनसीन' फुटेजची झलक दाखवली. “एपिसोड्स तर खूप आहेत, पण बिहाईंड-द-सीन्स (पडद्यामागील दृश्ये) फक्त एक!” असे या पोस्टमध्ये लिहिले आहे.
काय आहे विशेष?
इन्स्टाग्रामवर पाहिलेल्या इतर कोणत्याही पोस्टपेक्षा ही पोस्ट वेगळी आहे. कारण ती पाहण्यासाठी पासवर्डची (password) आवश्यकता आहे. या पोस्टसोबत एक क्यूआर कोड (QR code) देखील आहे. जो स्कॅन करून चाहत्यांना एक विशिष्ट पासकोड टाकावा लागेल. हा पासकोड ‘The Ba***ds of Bollywood' च्या एका एपिसोडमध्ये उपलब्ध आहे. पासवर्ड-संरक्षित इन्स्टाग्राम पोस्टवरील स्पष्ट सूचनांमध्ये लिहिले आहे की, “Hint: Go to Episode 6 at 4:22 min” (एपिसोड 6, 4 मिनिटे 22 सेकंद पाहा).
‘The Ba***ds of Bollywood' बद्दल
'द Ba***ds of Bollywood' या मालिकेच्या माध्यमातून आर्यन खानने नेटफ्लिक्सवर दिग्दर्शनात पदार्पण केले आहे. यामध्ये 'किल' (Kill) चित्रपटातील अभिनेता आणि पदार्पणासाठी फिल्मफेअर पुरस्कार विजेता लक्षय लालवाणी याने आसमान सिंगची मुख्य भूमिका साकारली आहे. यात घराणेशाही (nepotism) आणि स्टारडम यासारख्या विषयांची विनोदी कथानकातून, आणि काही ठिकाणी स्लॅपस्टिक कॉमेडीच्या (slapstick comedy) माध्यमातून बॉलिवूडमधील काल्पनिक रहस्ये उलगडली आहेत.
या मालिकेत लक्षय लालवाणीसोबत सहज Bambba आणि राघव जुयाल यांसारख्या नवोदितांनी काम केले आहे. याशिवाय बॉबी देओल यांसारख्या अनुभवी कलाकारांनीही महत्त्वाच्या भूमिका साकारल्या आहेत. वादग्रस्त विषयांसाठी आर्यन खान नवीन नाही. या सिरीजमध्ये त्याने मनोरंजनात कोणतीही कसर सोडली नाही. मालिकेने प्रसिद्धी मिळवल्यानंतर, काही आक्षेपार्ह दृश्यांमुळे ती वादाच्या भोवऱ्यात सापडली. 'द Ba***ds of Bollywood' च्या शेवटच्या एपिसोडमध्ये, अभिनेता रणबीर कपूर (स्वतःचीच भूमिका साकारताना) कॅमेऱ्यासमोर व्हेप (vape) वापरताना दिसला. तरुणांमध्ये अशा पदार्थांच्या प्रसाराबद्दल टीका झाल्यामुळे, मालिकेच्या कायदेशीर अडचणींची ही पहिली सुरुवात होती.
मात्र सर्वात मोठा धक्का तेव्हा बसला जेव्हा एनसीबीचे (NCB) माजी संचालक समीर वानखेडे यांनी रेड चिलीज एंटरटेनमेंट, नेटफ्लिक्स, गुगल, मेटा, एक्सकॉर्प (XCorp.) आणि जॉन डो (John Doe) यांच्या विरोधात न्यायालयात खटला दाखल केला. या मालिकेतील एक दृश्य आर्यन खानच्या 2021 मधील अटकेच्या घटनेसारखेच असल्याचा त्यांचा दावा आहे. दिल्ली उच्च न्यायालयाने (Delhi High Court) प्रतिवादींना समन्स पाठवल्यानंतर काय होणार याबाबत उत्सुकता होती. त्यात अनेक तर्कवितर्क सुरू झाले. यापूर्वी, वानखेडे यांनी मालिकेच्या निर्मात्यांकडून त्यांच्या प्रतिमेची बदनामी केल्याबद्दल आर्थिक नुकसान भरपाईची मागणी केली होती.
Track Latest News Live on Marathi.NDTV.com and get news updates from India and around the world
