मंगेश जोशी, प्रतिनिधी
Gold and Silver Price Today : नववर्षाच्या पहिल्याच दिवशी सोन्याच्या किमतीत मोठी घसरण पाहायला मिळत आहे. १ जानेवारीच्या सकाळी जळगावात सोन्याचा भाव १० ग्रॅमसाठी विना जीएसटी १ लाख ३३ हजार ५०० रुपयांपर्यंत घसरला आहे. त्यामुळे वर्षाच्या सुरुवातीला सोन्याची खरेदी करणाऱ्यांची 'चांदी' असल्याचं चित्र आहे.
सोन्यासह चांदीचे भावही घसरले...
नववर्षाच्या पहिल्या दिवशी जळगाव सुवर्णनगरीत सोन्याचे भाव विना जीएसटी १ लाख ३३ हजार ५०० रुपयांवर घसरले आहेत. अडीच लाखांचा टप्पा पार केलेल्या चांदीचे भाव विना जीएसटी २ लाख ३६ हजार रुपयांवर आहेत. वर्षाच्या अखेरच्या आठवड्यात सोन्याचे भाव १ लाख ४० हजार तर चांदीचे भाव २ लाख ५४ हजार रुपये या विक्रमी स्तरावर पोहोचले होते. मात्र आठवड्याभरात सोन्या चांदीच्या भावात घसरण झाल्याने आज नववर्षाच्या पहिल्या दिवशी सोनं-चांदी खरेदी करणाऱ्या ग्राहकांना मोठा दिलासा मिळाला आहे.
सोनं आणि चांदी किती रुपयांची स्वस्त?
२४ कॅरेट सोन्याचे आजचे भाव (जीएसटी शिवाय) - १,३३,२००
जीएसटीसह - १,३७,१९६
(गेल्या वर्षीच्या तुलनेत १ जानेवारी २०२६ रोजी सोनं जवळपास ६,८०० रुपयांची स्वस्त झालं आहे.)
चांदीचे भाव (जीएसटी शिवाय) - २,३५, ०००
जीएसटीसह - २,४२,०५०
(गेल्या वर्षीच्या तुलनेत १ जानेवारी २०२६ रोजी चांदी जवळपास १९ हजारांनी स्वस्त झाली आहे )
अचानक सोनं-चांदीचे दर का घसरले?
तज्ज्ञांनुसार, आंतरराष्ट्रीय तणावादरम्यान सोन्या-चांदीच्या दरात मोठी वाढ झाली होती. आता त्यावर नियंत्रण येत असल्याचं दिसून येत आहे. अमेरिकेच्या फेडरल रिझर्व्हच्या संकेतांनुसार, बाजारचा मूड बदलला आहे. ज्यामुळे सोनं-चांदीच्या दरवाढीवर नियंत्रण आलं आहे.
Track Latest News Live on Marathi.NDTV.com and get news updates from India and around the world
