Crime News: आंध्र प्रदेशातील गुंटूर जिल्ह्यातून एक अत्यंत धक्कादायक आणि हृदय पिळवटून टाकणारी घटना समोर आली आहे. एका आयएएस अधिकाऱ्याची 25 वर्षीय कन्या, माधुरी साहितीबाई, हिचा तिच्या राहत्या घरी मृत्यू झाला. काही महिन्यांपूर्वी तिने हुंड्यासाठी छळ होत असल्याचा गंभीर आरोप केला होता, अशी माहिती एका पोलीस अधिकाऱ्याने दिली आहे.
नेमके काय घडले?
पोलिसांनी दिलेल्या माहितीनुसार, रविवारी साहितीबाई दीर्घकाळ बाथरूममधून बाहेर न आल्याने तिच्या पालकांनी दरवाजा तोडला. आतमध्ये त्यांना ती मृतावस्थेत आढळली. मांगल्यगिरीचे डीएसपी मुरली कृष्णा यांनी पीटीआयला सांगितले की, "आयएएस अधिकाऱ्याची मुलगी माधुरी साहितीबाई (25) हिचा तिच्या माहेरच्या घरी मृत्यू झाला. तिने यापूर्वी हुंड्यासाठी छळ होत असल्याचा आरोप केला होता."
(नक्की वाचा- Cute VIDEO: मुलीने दाखवली 'कोरियन हार्ट' साईन; वडिलांच्या रिअॅक्शनने जग जिंकलं, व्हिडीओ व्हायरल)
गुन्हा दाखल आणि कायदेशीर कारवाई
या प्रकरणात पोलिसांनी तातडीने बीएनएसच्या कलम 80 अंतर्गत गुन्हा दाखल केला आहे. हे कलम हुंड्यामुळे झालेल्या मृत्यूशी संबंधित प्रकरणांवर कार्यवाही करते. साहितीबाईच्या मृत्यूला हुंड्यासाठी होणारा छळ कारणीभूत होता का, या दृष्टीने पोलीस आता कसून तपास करत आहेत.
पोलिसांच्या माहितीनुसार, साहितीबाईचे लग्न नांद्याल जिल्ह्यातील बुग्गनापल्ली येथील राजेश नायडू याच्याशी प्रेमविवाह झाला होता. तिने 5 मार्च रोजी नायडूशी विवाह केला आणि 7 मार्च रोजी आपल्या तसेच पतीच्या कुटुंबियांना याची माहिती दिली. नंतर त्यांनी हा विवाह नोंदणीकृत केला.
(नक्की वाचा- दक्षिण मुंबई ते ठाणे प्रवास फक्त 25 मिनिटांत; MMRDA चा नवा प्रकल्प ईस्टर्न फ्रीवेवरील वाहतूक कोंडी फोडणार)
मात्र, लग्नाच्या काही महिन्यांनंतर साहितीबाईने आपल्या पालकांना फोन करून हुंड्यासाठी छळ होत असल्याचे सांगितले. या आरोपांनंतर पालकांनी सप्टेंबरच्या पहिल्या आठवड्यात तिला त्यांच्या घरी गुंटूरला परत आणले होते. पोलीस म्हणाले की, तिच्या पालकांनी सांगितले की ती त्यांच्यासोबत परतण्यास तयार होती आणि तेव्हापासून ती त्यांच्या घरी राहत होती. या प्रकरणाचा तपास सुरू असून, दोषींवर कठोर कारवाई करण्याची मागणी होत आहे.
(हेडलाइन वगळता या बातमीमध्ये एनडीटीव्ही टीमने काहीही बदल केलेले नाहीत. ही सिंडीकेट फीडद्वारे प्रकाशित करण्यात आली आहे.)
| Helplines | |
|---|---|
| Vandrevala Foundation for Mental Health | 9999666555 or help@vandrevalafoundation.com |
| TISS iCall | 022-25521111 (Monday-Saturday: 8 am to 10 pm) |
| (If you need support or know someone who does, please reach out to your nearest mental health specialist.) | |
Track Latest News Live on Marathi.NDTV.com and get news updates from India and around the world
