Muskmelon Seeds Benefits: बाजारात महागड्या दराने विकल्या जातात. रीसर्चमधील माहितीनुसार खरबुजाच्या बियांमध्ये अनेक महत्त्वाच्या पोषणतत्त्वांचा साठा आहे, जे शरीराला आतील बाजूने मजबूत बनवण्यास मदत करतात. खरबुजाच्या बियांमध्ये चांगल्या प्रमाणात प्रोटीन (प्रथिने), हेल्दी फॅट्स, फायबर, मॅग्नेशियम, झिंक, लोह आणि पोटॅशियम यासारखे पोषक घटक आढळतात. अर्थात या बियांचे सेवन मर्यादित प्रमाणातच केले पाहिजे.
1. हृदयाचे आरोग्य आणि पचनक्रिया
रीसर्चनुसार खरबुजाच्या बिया हृदयाच्या आरोग्यासाठी फायदेशीर ठरतात. यातील मॅग्नेशिअम रक्तदाब नियंत्रित ठेवते. याव्यतिरिक्त पचनसंस्था उत्तम ठेवण्यातही या बिया महत्त्वाची भूमिका बजावतात. बियांमधील फायबर अन्न हळूहळू पचण्यास मदत करते आणि आतड्यांची कार्यप्रणाली सुधारते. पुरेशा प्रमाणात फायबरचे सेवन करणाऱ्या लोकांमध्ये बद्धकोष्ठता (Constipation), पोट फुगणे आणि अपचन यासारख्या समस्या कमी प्रमाणात पाहायला मिळतात. फायबर आतड्यांमधील फायदेशीर सूक्ष्मजीवांसाठीही (गुड बॅक्टेरिया) उपयुक्त मानले जाते, ज्यामुळे संपूर्ण पचनसंस्था निरोगी राहू शकते.
2. रोगप्रतिकारक शक्तीमध्ये वाढ
शरीराची रोगप्रतिकारक शक्ती मजबूत करण्यासाठीही खरबुजाच्या बिया उपयुक्त मानल्या जातात. यामध्ये आढळणारे झिंक शरीराच्या रोगप्रतिकारक प्रणालीसाठी अतिशय महत्त्वाचे आहे. शास्त्रज्ञांच्या मते झिंक शरीराचे रक्षण करणाऱ्या पेशींच्या निर्मितीमध्ये मदत करतात. याचसोबत या बियांमधील अँटी-ऑक्सिडंट्स शरीराला हानिकारक फ्री-रेडिकल्सपासून वाचवण्याचे काम करतात, ज्यामुळे पेशींचे नुकसान होण्याचा धोका कमी होऊ शकतो.
3. त्वचा आणि वजनावर नियंत्रणत्वचेसाठी फायदेशीर: त्वचेच्या आरोग्यासाठीही खरबुजाच्या बिया फायदेशीर मानल्या जातात. यामधील हेल्दी फॅट्स आणि अँटी-ऑक्सिडंट तत्त्व त्वचेला आतील बाजूने पोषण देण्यास मदत करतात. काही अभ्यासांमध्ये असेही समोर आले आहे की, ही पोषकतत्त्वे त्वचेतील ओलावा टिकवून ठेवण्यास, सुरकुत्या कमी करण्यास आणि त्वचा अधिक निरोगी ठेवण्यास मदत करतात. याच कारणामुळे अनेक लोक यांचा आपल्या रोजच्या आहारात समावेश करू लागले आहेत.
(नक्की वाचा : Birth Rate Decline Reason: स्मार्टफोनच्या जास्त वापरामुळे जन्मदर घटतोय? Gynecologist डॉ. बोकीलनं सांगितलं सत्य)
वजन नियंत्रण: वजन नियंत्रित ठेवण्याचा प्रयत्न करणाऱ्या लोकांसाठीही या बिया उपयुक्त आहेत. यामध्ये प्रोटीन आणि फायबर हे दोन्ही घटक चांगल्या प्रमाणात आढळतात. हे दोन्ही पोषक घटक पोट दीर्घ काळ भरलेले ठेवण्यास मदत करतात. जेव्हा वारंवार भूक लागत नाही, तेव्हा अवेळी किंवा जास्त खाण्याची सवय कमी होते, ज्यामुळे वजन नियंत्रित ठेवण्यास मदत मिळते.
(नक्की वाचा : Summer Healthy Drink: जीवघेणा उन्हाळा! घराबाहेर पडण्यापूर्वी प्या आंबटगोड अमृतासमान पेय,आरोग्यासाठी ठरेल वरदान)
खरबुजाच्या बियांचा कसा वापर करावा?
तज्ज्ञांच्या मते खरबुजाच्या बिया घरच्या घरी सहज तयार केल्या जाऊ शकतात. फळामधून काढलेल्या बिया चांगल्या प्रकारे स्वच्छ करून घ्याव्या, जेणेकरून त्यावर चिकटलेला गर निघून जाईल. यानंतर त्यांना उन्हात पूर्णपणे वाळवून घ्यावे. वाळल्यानंतर गॅसच्या मंद आचेवर बिया भाजून त्या खाल्ल्या जाऊ शकतात.
(Disclaimer: NDTV Marathi या माहितीची जबाबदारी घेत नाही. अधिक माहितीसाठी तज्ज्ञ/डॉक्टरांचा सल्ला घ्यावा.)
(Content Source IANS)
Track Latest News Live on Marathi.NDTV.com and get news updates from India and around the world
