- आजच्या धावपळीच्या जीवनात मन शांत ठेवून चांगली व आरामदायक झोप घेणे महत्त्वाचे आहे
- रात्री झोपण्यापूर्वी कॅफिनयुक्त पेये, मसालेदार व तळलेले अन्न टाळल्यास झोपेची गुणवत्ता सुधारते
- अल्कोहोल झोप येण्यास मदत करत असला तरी झोपेचे नैसर्गिक चक्र बिघडवते.
आजच्या धावपळीच्या जीवनात चांगली झोप (Good Sleep) घेणे एक आव्हान बनले आहे. पुढच्या दिवसासाठी ताजेतवाने वाटण्यासाठी रात्री झोपताना मन शांत असणे आवश्यक आहे. येथेच संस्कृत मंत्र (Sanskrit Mantras) मदतीला येतात. या शब्दांमध्ये आणि ध्वनींमध्ये एक अद्भुत सकारात्मक ऊर्जा (Positive Energy) लपलेली असते. ज्यामुळे आपले मन शांत होते आणि गाढ व आरामदायक झोप लागते. हे आपल्या मनासाठी 'ध्यान' (Meditation) करण्यासारखे आहे.
मंत्राच्या प्रभावीतेसाठी 'हे' खाणे टाळा
केवळ मंत्रोच्चारच नाही, तर रात्रीचे जेवण (Dinner) देखील आपल्या झोपेवर परिणाम करते. पोट भरलेले किंवा अस्वस्थ असल्यास, सर्वोत्तम मंत्रही पूर्णपणे कार्य करू शकत नाही. मंत्र जाप सुरू करण्यापूर्वी आणि झोपण्याच्या किमान 2 ते 3 तास आधी काही गोष्टी पूर्णपणे टाळायला हव्यात. त्या कोणत्या कोणत्या आहेत त्यावर ही आपण नजर टाकणार आहोत. या गोष्टी टाळल्या तर तुम्हाला नक्कीच शांत झोप लागेल.
चहा-कॉफी (Caffeine):
कॅफिन हे एक उत्तेजक (Stimulant) आहे. जे आपल्या मेंदूला जागे ठेवते. चहा, कॉफी, एनर्जी ड्रिंक्स आणि डार्क चॉकलेटचे खाणे टाळावे.
मसालेदार आणि तळलेले अन्न (Spicy & Fried Food):
तिखट आणि तेलकट पदार्थांमुळे छातीत जळजळ (Heartburn) आणि ऍसिड रिफ्लक्स (Acid Reflux) होऊ शकतो. पचनावर जास्त लक्ष केंद्रित झाल्याने झोपेची गुणवत्ता (Sleep Quality) बिघडते.
अल्कोहोल (Alcohol):
अल्कोहोलमुळे झोप लागते असे मानले जात असले तरी, ते आपल्या झोपेचे चक्र (Sleep Cycle) बिघडवते.
मनःशांतीसाठी प्रभावी मंत्र
आपण आपल्या श्रद्धेनुसार खालीलपैकी कोणताही मंत्र निवडू शकता. हे मंत्र शांत मनाने म्हणावे लागतात.
- शांती मंत्र: "ॐ शांतिः शांतिः शांतिः" - हा मंत्र सर्व प्रकारचा तणाव दूर करून मनाला त्वरित शांती देतो.
- गायत्री मंत्र: "ॐ भूर्भुवः स्वः तत्सवितुर्वरेण्यं..." - बुद्धीला सन्मार्गाकडे प्रेरित करतो आणि वाईट स्वप्ने दूर करतो.
- हनुमान मंत्र: "ॐ हं हनुमते नमः" - भीती आणि नकारात्मक शक्तींपासून संरक्षण देतो.
- शांत झोपेसाठी मंत्र 11, 21, किंवा 108 वेळा पुनरावृत्त करावा. सर्वात महत्त्वाचे म्हणजे तुमचा भाव आणि श्रद्धा.
Track Latest News Live on Marathi.NDTV.com and get news updates from India and around the world
