Morning Walk Benefits: उन्हाळ्यात सकाळी किती वेळ आणि कोणत्या वेळेस करावा वॉक?

• जर तुम्ही चालण्याचा व्यायाम करण्यास शुभारंभ करत आहात तर सुरुवातीस 20 ते 30 मिनिटे व्यायाम करावा. 
• यानंतर सराव करून हळूहळू  30 ते 60 मिनिटांपर्यंत वॉक करण्यास सुरुवात करावी. 
• स्वतःच्या शारीरिक क्षमतेनुसारच व्यायाम करावा, हे कायम लक्षात ठेवावे. 

• दिवसभराच्या तुलनेत पहाटेच्या वेळेस हवेत किंचितसा गारवा असतो. त्यामुळे प्रखर सूर्यकिरणांपासून बचाव करण्यासाठी पहाटेच्या वेळेस वॉक करावा. यामुळे शरीराला ऊर्जाही मिळेल.  
• सकाळच्या वेळेस वॉक केल्यास शरीराची चयापचयाची क्षमता मजबूत होईल आणि शरीरातील अतिरिक्त कॅलरीज् बर्न होण्यास मदत मिळेल. यामुळे वजन कमी होऊ शकते. 
• नियमित वॉक केल्यास रक्तदाबाची पातळी नियंत्रणात राहील आणि हृदयविकाराचा धोका कमी होईल. कारण सकाळची ताजी हवा हृदयाच्या आरोग्यासाठी फायदेशीर असते. 
• सकाळी वॉक केल्यास तणाव कमी होऊन मानसिक शांतता लाभेल. 
• शरीराची रोगप्रतिकारकशक्तीही मजबूत होईल. म्हणून सकाळी चालण्याचा व्यायाम करण्याचा सल्ला दिला जातो. 
• पचनप्रक्रिया मजबूत होईल, यामुळे बद्धकोष्ठता, गॅस यासारख्या समस्यांपासून सुटका मिळू शकते. 

(नक्की वाचा: पोट स्वच्छ होत नाहीय? मग प्या हे तेल, किती आणि कसे प्यावे? जाणून घ्या न्युट्रिशनिस्टने दिलेली माहिती)

• आरामदायी आणि पातळ कपडे परिधान करावे. 
• पाण्याची बाटली स्वतःसोबत ठेवावी, जेणेकरून शरीर हायड्रेट राहील. 
• चालण्याचा व्यायाम केल्यानंतर पचनास हलका पौष्टिक नाश्ता करावा.