आकाश सावंत, बीड
Beed Crime News : परळीतील शिवराज दिवटे मारहाण प्रकरण ताजे असतानाच बीड जिल्ह्यात पुन्हा अपहरण करून अमानुष मारहाण केल्याची धक्कादायक घटना समोर आली आहे. व्यक्तीच अपहरण करून, दारू पाजून 7 तास डांबून ठेवण्यात आलं. या दरम्यान या व्यक्तीला बेदम मारहाण करण्यात आली. याप्रकरणी अद्याप गु्न्हा दाखल झाला नसल्याची माहिती समोर येत आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
मिळालेल्या माहितीनुसार, माजलगाव तालुक्यातील जीवनापूर येथील आप्पा काशिनात राठोड यांना ही मारहाण करण्यात आली आहे. आरोपींनी आप्पा राठोड यांना चहा पाजतो म्हणून बाईकवरुन दूर नेले. तिथे सहा-सात जणांनी त्यांना दारू पाजली. त्यानंतर वाहनातून अपहरण करून राठोड यांना 7 तास डांबून ठेवत बेदम मारहाण करण्यात आली.
(नक्की वाचा - Sangli Crime : आर्थिक वादातून खून, आरोपीच्या आईनेही स्वत:ला संपवलं; सांगलीतील धक्कादायक प्रकार)
18 मे रोजी सायंकाळी 6 वाजता हा सगळा प्रकार घडला असल्याची माहिती आहे. आप्पा राठोड यांच्या डोक्यात सात टाके पडले असून, अंगावर सर्वत्र मारहाणीचे व्रण उमटले आहेत. आप्पा राठोडांवर सध्या जिल्हा रुग्णालयात उपचार सुरू आहेत. अद्याप याप्रकरणी गुन्हा दाखल झालेला नाही.
(नक्की वाचा- Pakistan Spy: ज्योती मल्होत्रा, 12 गुप्तहेर अन् 12 प्रश्न, पाकिस्तानने नेमकं कुणाला हेरलं?))
अप्पा राठोड यांना मारहाण करतानाचा व्हिडीओदेखील या गुंडांनी बनवला आहे. हाच व्हिडीओ व्हायरल करण्याची धमकी दिल्याचेही आप्पा यांनी सांगितले. "मला खूप मारहाण करून व्हिडीओ बनवले. दुसऱ्या दिवशी मी माजलगाव ग्रामीण पोलीस ठाण्यात पत्र दिले. परंतु, अद्याप जबाब घ्यायला कुणीही आले नाही. सुट्टी होताच मीच तक्रार देणार आहे. याआधीही माझ्यावर दोन वेळा हल्ला झाला आहे", असे आप्पा राठोड यांनी सांगितले.
