Pune Crime: आणखी एक 'कॅप्टन खरात' सापडला! दोष दूर करण्यासाठी संबंध, खेडमधील आश्रमात भयंकर खेळ

अविनाश पवार, पुणे:

Pune Khed Crime:  पुण्याच्या खेड तालुक्यातील चांडोलीतून एक धक्कादायक प्रकार समोर आला आहे. अध्यात्माच्या नावाखाली महिलांचे लैंगिक शोषण करणाऱ्या एका भोंदू बाबाचा खरा चेहरा आता चव्हाट्यावर आला आहे. शिवदत्त आश्रमातील नवनाथ गवळी नावाच्या या भोंदूने महिलांच्या अगतिकतेचा आणि अंधश्रद्धेचा फायदा घेत त्यांना आपल्या जाळ्यात ओढल्याचे समोर येत आहे.

Solapur Crime: हृदयद्रावक! पित्याने 3 मुलींना विष पाजलं, स्वतःही आयुष्य संपवलं, भयंकर घटनेने सोलापुरात खळबळ

 खेडमध्ये आणखी एक 'खरात'

समोर आलेल्या माहितीनुसार, पुणे ग्रामीणमधील खेड तालुका सध्या एका भयंकर कृत्याने हादरला आहे. चांडोली येथील शिवदत्त आश्रमात 'महाराज' म्हणून मिरवणारा नवनाथ गवळी हा प्रत्यक्षात वासनांध भोंदू असल्याचे उघड झाले आहे. एका ३४ वर्षीय महिलेने या गवळीबाबा विरुद्ध धारिष्ट्य दाखवून खेड पोलीस ठाण्यात तक्रार दाखल केली आहे.  

​मे २०२५ पासून पीडित महिला कुटुंबासह आश्रमात दर्शनासाठी जात होती.  १७ जुलै २०२५ रोजी पहाटे जप करत असताना आरोपीने महिलेचा विनयभंग केला. तुझ्या अंगातील दोष दूर करण्यासाठी शारीरिक संबंध ठेवावे लागतील," अशी अश्लील मागणी आरोपीने केली. धक्कादायक बाब म्हणजे, सुरुवातीला केवळ विनयभंगाचा गुन्हा दाखल झाला असला, तरी प्रत्यक्षात आपल्यावर अत्याचार झाल्याची कबुली आता पीडितेने दिली आहे. 

कुटुंबाची भीती आणि सामाजिक प्रतिष्ठेपोटी महिलेने सुरुवातीला पूर्ण सत्य लपवले होते. मात्र, आरोपीकडून होणारा फोनवरचा त्रास आणि 'खरात' प्रकरणामुळे मिळालेल्या प्रेरणेतून या महिलेने आता सर्व सत्य समाजासमोर मांडले आहे. "आम्ही देवाच्या श्रद्धेने तिथे गेलो होतो, पण या माणसाने अंधश्रद्धेचा बाजार मांडला आहे. अंगात येण्याचे थोतांड रचून तो महिलांचे शोषण करतो. आमच्या कुटुंबाला आता भीती वाटतेय."

आश्रमात केले महिलांचे शोषण...
​
तपासात असेही समोर आले आहे की, या आश्रमात महिलांच्या 'अंगात येण्याचे' प्रकार घडवून आणले जातात. महिलांमध्ये कोणती तरी वेगळी शक्ती असल्याचे भासवून, त्यांच्या मनावर ताबा मिळवला जातो आणि मग 'दोष निवारण' करण्याच्या नावाखाली नवनाथ गवळी त्यांचे शोषण करतो.  खेड पोलिसांनी गुन्हा दाखल करूनही आरोपी नवनाथ गवळी अद्याप मोकाट आहे. ​न्यायालयात प्रकरण असूनही आरोपी एकाही तारखेला हजर राहत नसल्याचे निष्पन्न झाले असून आरोपीच्या दहशतीमुळे पीडितेचे कुटुंब सध्या प्रचंड दडपणाखाली आहे.

Vasai Virar Water Cut: महापालिकेचा मोठा शटडाउन! वसई-विरारमध्ये 7 दिवस पाणीबाणी; कधी अन् कुठे? वाचा..

दरम्यान, एककीडे प्रशासन अंधश्रद्धा निर्मूलनाचे दावे करत असताना, दुसरीकडे पुण्याच्या ग्रामीण भागात अशा प्रकारे महिलांचे आयुष्य उद्ध्वस्त केले जात आहे. गुन्हा दाखल होऊनही आरोपीला अटक का होत नाही? हा मोठा प्रश्न आता उपस्थित होत आहे. धर्माच्या नावाखाली चालणारा हा क्रूर खेळ थांबण्याची गरज आहे. खेड पोलिसांनी या प्रकरणाची व्याप्ती लक्षात घेऊन इतरही पीडित महिलांना समोर येण्याचे आवाहन केले पाहिजे.