बिबट्या, जॅग्वार आणि चित्ता एकसारखेच दिसतात? समोर आल्यावर क्षणातच ओळखू शकता, फक्त 'ही' एकच ट्रिक..

Leopard, Jaguar And Cheetah Difference  : सोशल मीडियावर अनेकदा बिबट्या,चित्ता आणि जग्वारचे फोटो व्हायरल होतात. त्यांच्या सोनेरी कातडीवर असलेल्या काळ्या ठिपक्यांमुळे हे तिन्ही प्राणी मोठ्या मांजरीसारखे दिसतात, पण प्रत्यक्षात त्यांची ओळख करणे खूप सोपे आहे.फक्त तुम्हाला त्यांच्या ठिपक्यांकडे नीट लक्ष द्यावे लागेल. पहिल्या नजरेत चित्ता बिबट्या आणि जॅग्वार सारखे वाटू शकतात. सोनेरी शरीर, काळे ठिपके आणि राजेशाही लुक. तिन्हींची झलक जवळजवळ सारखी दिसते. पण नीट पाहिल्यास त्यांच्या शरीरावरील नमुने खूप काही सांगतात. प्रत्येकाची ओळख त्यांच्या ठिपक्यांमध्ये दडलेली असते, जी सांगते की ते कोणत्या प्रदेशात राहतात, कसे शिकार करतात आणि त्यांचा स्वभाव कसा आहे. अनेक लोक या तिन्हींबाबत गोंधळतात. पण एक छोटा-सा उपाय आणि थोडेसे निरीक्षण तुम्हाला सांगू शकते की तुमच्यासमोर कोण आहे, चित्ता, बिबट्या की जग्वार?

चित्ता : गोल आणि स्वच्छ काळे ठिपके

चित्याच्या शरीरावर लहान, गोल आणि सारखे काळे ठिपके असतात. हे ठिपके कोणत्याही फुलासारखी आकृती तयार करत नाहीत, फक्त सिंगल डॉट्स असतात. जणू कुणीतरी ब्रशने बारीक बिंदू काढले आहेत. या ठिपक्यांची एकसारखेपणा त्याला लांब गवतामध्ये लपण्यास मदत करतो, विशेषतः जेव्हा तो आपल्या वेगाने शिकाराचा पाठलाग करत असतो. चित्त्याची खास ओळख त्याच्या चेहऱ्यातही आहे. डोळ्यांपासून तोंडाकडे जाणाऱ्या दोन काळ्या ‘अश्रू रेषा' असतात, ज्या ना बिबट्याजवळ असतात ना जॅग्वारजवळ.

नक्की वाचा >> 30 लाख पगार,5 बंगल्यांचा मालक..पत्नीनं पतीला सोडलं ! CA च्या डोळ्यात अश्रूंचा महापूर, कारण वाचून हादरून जाल

जॅग्वार: रोसेट्सच्या आत असतो एक काळा ठिपका

जॅग्वार आणि बिबट्या यांच्यातील सर्वात स्पष्ट फरक म्हणजे रोसेट्सच्या आतला ठिपका. जग्वारचे ठिपकेही रोसेट्ससारखे असतात, पण त्यांच्या आत नेहमीच एक ठोस काळा ठिपका असतो. म्हणजेच ‘ठिपक्याच्या आत ठिपका'. हा डिझाइन त्याला एकदम ताकदवान आणि दमदार लुक देतो.
फक्त नमुना नाही, तर जग्वारची शरीररचना देखील जड असते. त्याचे डोके मोठे, शरीर रुंद आणि स्नायू अधिक उठावदार असतात. त्याची उपस्थितीच एक राजेशाही ताकदीचा अनुभव देते.

नक्की वाचा >> Snake Bite First Aid: साप चावल्यावर सर्वात आधी काय करावं? 'हा' सोपा उपाय करायला अजिबात विसरू नका!

बिबट्या: फुलासारखी आकृती, पण मधोमध ठिपका नसलेली

बिबट्याच्या शरीरावर असलेले ठिपके ‘रोसेट्स' म्हणून ओळखले जातात. हे काळे वर्तुळे असतात ज्यांच्या मधोमध हलका रंग असतो, पण त्यात काळा ठिपका नसतो. हे रोसेट्स साधारणपणे लहान आणि दाट असतात. त्यामुळे बिबट्या दिसायला अधिक ‘टेक्सचर्ड' किंवा बारीक वाटतो.जर एखाद्या प्राण्याचे शरीर सडपातळ असेल, त्याचे ठिपके दाट असतील आणि रोसेट्सच्या मधोमध ठिपका नसेल – तर समजून घ्या, तो बिबट्या आहे.निसर्गाची ही सुंदर रचना समजून घेणे केवळ रोचक नाही, तर तुमची नजर अधिक तीक्ष्ण बनवते.