Putin: नकली पुतिन', 'पॉटी' सूटकेस आणि 'न्यूक्लियर' कमांड... पुतिन यांच्या सुरक्षा चक्राची ही आहेत खतरनाक रहस्य

Vladimir Putin India Visit: पंतप्रधान नरेंद्र मोदी यांच्या निमंत्रणावरून रशियाचे राष्ट्राध्यक्ष व्लादिमीर पुतिन हे 4 आणि 5 डिसेंबर रोजी भारताच्या दौऱ्यावर येणार आहेत. चार वर्षांत त्यांचा हा पहिलाच भारत दौरा असल्याने, याची तयारीही मोठ्या प्रमाणात सुरू आहे. दोन दिवसांच्या या भेटीत पुतिन हे 23 व्या भारत-रशिया वार्षिक शिखर परिषदेत सहभागी होतील, पंतप्रधान मोदी यांच्यासोबत द्विपक्षीय चर्चा करतील आणि राष्ट्राध्यक्ष द्रौपदी मुर्मू यांची भेट घेतील.

केजीबीचे (KGB) माजी गुप्तहेर राहिलेले पुतिन हे जगातील सर्वात शक्तिशाली व्यक्तींपैकी एक मानले जातात. त्यामुळे त्यांची सुरक्षा व्यवस्था अत्यंत खास, अत्याधुनिक आणि रहस्यमय आहे. त्यांच्या सुरक्षा पथकातील'सुरक्षा चक्र' त्यांना प्रत्येक परिस्थितीत सुरक्षित ठेवते. पुतिन यांच्या या अभेद्य सुरक्षा व्यवस्थेतील  10 अत्यंत आश्चर्यकारक बाबी खालीलप्रमाणे आहेत

'मल-मूत्र' असलेले सूटकेस 

पुतिन जेव्हा परदेशात प्रवास करतात, तेव्हा त्यांचे आरोग्यविषयक गुपित कोणालाही कळू नये यासाठी विशेष काळजी घेतली जाते. त्यांच्या सुरक्षा पथकाकडून त्यांचे *मल आणि मूत्र* एका सूटकेसमध्ये सीलबंद करून त्वरित परत रशियाला पाठवले जाते. इतकेच नव्हे तर, त्यांचे बॉडीगार्ड हे बाथरूममध्ये जातानाही त्यांच्यासोबत उपस्थित असतात, असे अहवालातून स्पष्ट होते.

( नक्की वाचा : Putin : पुतिन यांना अटक होणार? 4 वर्षांनी भारत दौऱ्यावर आलेल्या रशियन राष्ट्राध्यक्षांवर कायदेशीर तलवार का? )
 

बॉडीगार्डसाठी 35 वर्षांची रिटायरमेंट मर्यादा

 पुतिन यांच्या बॉडीगार्डची निवड अत्यंत काळजीपूर्वक केली जाते. त्यांचे बहुतेक बॉडीगार्ड फेडरल प्रोटेक्टिव्ह सर्व्हिस अकादमीतून (FSO) प्रशिक्षित झालेले असतात. त्यांची उंची *5.8 ते 6.2 फूट दरम्यान असावी लागते, तर वजन 75 ते 90 किलोग्राम असणे आवश्यक आहे. निवड करताना मुलाखत, पॉलीग्राफ टेस्ट आणि पार्श्वभूमी तपासणी केली जाते. त्यांना कठोर हिवाळ्यात काम करण्याचे विशेष प्रशिक्षण दिलेले असते आणि सर्वात महत्त्वाचे म्हणजे, त्यांची सेवा फक्त 35 वर्षांच्या वयापर्यंतच असते. हे बॉडीगार्ड अतिमहत्त्वाच्या बैठकांमध्येही हस्तक्षेप करतात; उदाहरणार्थ, याचवर्षी किम जोंग उन यांना पुतिन यांच्या खूप जवळ जाण्यापासून त्यांनी रोखले होते.

'नकली पुतिन'चा वापर

अनेक अहवालानुसार पुतिन हे सार्वजनिक कार्यक्रमांसाठी किंवा उच्च धोक्याच्या ठिकाणी 'बॉडी डबल्स'(Body Doubles) वापरतात. युक्रेनचे लष्करी प्रमुख मेजर जनरल किरिल बुडानोव्ह यांनी तर असा दावा केला आहे की पुतिन हे किमान तीन बॉडी डबल्स वापरतात. त्यांच्यासारखे दिसण्यासाठी यापैकी काहींनी प्लास्टिक सर्जरीदेखील करून घेतली आहे.

( नक्की वाचा : Job Loss Viral Video: नोकरी गेली... घरात आईनं दोन घासही विचारले नाहीत; तरुणाचा 'हा' व्हिडिओ पाहून मन हेलावेल! )
 

वैयक्तिक प्रयोगशाळेत खाण्याची चाचणी

पुतिन प्रवासात असताना विषबाधेचा धोका टाळण्यासाठी कथितरित्या एक वैयक्तिक प्रयोगशाळा (Personal Lab) सोबत घेऊन जातात, ज्यात त्यांचे अन्न तपासले जाते. ते हॉटेल कर्मचाऱ्यांचा वापर करत नाहीत. त्यांचे स्वतःचे शेफ आणि हाऊसकीपिंग टीम रशियातून येते. त्यांची अत्याधुनिक सुरक्षा टीम एक महिना अगोदर हॉटेलची पाहणी करते, तेथील सर्व खाद्यपदार्थ काढून टाकते आणि रशियातून आणलेले खाद्यपदार्थ त्यांच्या जागी ठेवते. त्यांचे आचारीदेखील प्रशिक्षित सैन्य कर्मचारी (Trained Military Personnel) असतात.

चार टायर पंक्चर झाल्यावरही धावणारी खास कार

विमानतळावर उतरल्यानंतर पुतिन हे ऑरस मोटर्स (Aurus Motors) आणि रशियाच्या NAMI संस्थेने डिझाइन केलेल्या ऑरस सीनेट (Aurus Senat) या कारमधून प्रवास करतात. ही कार बुलेटप्रूफ असून, ती ग्रेनेडचा हल्लाही सहन करू शकते. यात आग लागू शकत नाही, आपत्कालीन परिस्थितीत ऑक्सिजन पुरवठा होतो आणि ती प्रगत कमांड सिस्टीमने सुसज्ज आहे. विशेष म्हणजे, या कारचे चारही टायर पंक्चर झाले तरी ती चालू शकते आणि तिचा वेग 249 किलोमीटर प्रति तासापर्यंत जाऊ शकतो.

 विशेष टेलीफोन बूथ

 पुतिन हे कोणत्याही देशात दौऱ्यावर जाण्यापूर्वी, रशियाची राष्ट्रपती सुरक्षा सेवा (Presidential Security Service) त्या देशातील गुन्हेगारी, दहशतवाद, आंदोलने आणि धार्मिक परिस्थितीचा सखोल अभ्यास करते. पुतिन मोबाइल फोनचा वापर करत नाहीत; त्यांच्यासाठी त्या देशात एक स्वतंत्र टेलीफोन बूथसह सुरक्षित दळणवळण लाइन्स तयार केल्या जातात.

'फ्लाइंग प्लूटन' आणि न्यूक्लियर कमांड बटन

पुतिन ज्या विमानातून प्रवास करतात, त्याचे नाव *इल्युशिन IL 96-300 PU असून त्याला *"फ्लाइंग प्लूटन"* असेही म्हटले जाते. या विमानात प्रगत दळणवळण साधने, क्षेपणास्त्र संरक्षण (Missile Protection), बैठक कक्ष, एक जिम, बार आणि वैद्यकीय सुविधा आहेत. सर्वात महत्त्वाचे म्हणजे, यात एक आपत्कालीन न्यूक्लियर कमांड बटन आहे, ज्यामुळे पुतिन हवेत असतानाच अण्विक हल्ल्याची कमांड देऊ शकतात. हे विमान 262 लोकांना घेऊन जाऊ शकते आणि न थांबता *11,000 किलोमीटरपर्यंत उड्डाण करू शकते.

आपत्कालीन परिस्थितीत बॅकअप जेट्स

कोणत्याही प्रकारच्या आपत्कालीन परिस्थितीसाठी पुतिन यांच्या मुख्य विमानासोबत एक किंवा दोन बॅकअप जेट्स देखील तयार ठेवले जातात.पुतीन यांच्या दौऱ्यापूर्वी त्यांचे बॉडीगार्ड पूर्णपणे तयार आहेत हे सुनिश्चित करण्यासाठी दोन आठवड्यांसाठी क्वारंटाईनमध्ये राहतात.

मानवी ढाल (Human Shield) बनणारे बॉडीगार्ड

हल्ला झाल्यास पुतिन यांचे बॉडीगार्ड तातडीने त्यांच्याभोवती एक मानवी ढाल तयार करतात. यानंतर त्यांना त्यांच्या 'ऑरस सीनेट' कारमधून थेट विशेष ठिकाणी पार्क केलेल्या विमानात (किंवा बॅकअप जेटमध्ये) सुरक्षितपणे पोहोचवले जाते.

हाताने चालणारे 'अँटी-ड्रोन सिस्टीम'

आधुनिक ड्रोनच्या धोक्याला पुतिन यांची सुरक्षा टीम अत्यंत गंभीरपणे घेते. त्यांच्या एका बॉडीगार्डला हाताने वाहून नेता येणारे अँटी-ड्रोन इंटरसेप्टरसोबत दिसले आहे. हे उपकरण कोणत्याही परिस्थितीत शत्रूच्या ड्रोनला निकामी (Neutralize) करण्यास किंवा पाडण्यास सक्षम आहे.